初嚐層層疊海鮮塔

香港hit了一排的層層疊海鮮塔, 終於來到了新加坡.

我們行完國立博物館就會合在旁邊大學讀書的學生去試食海鮮塔.

由博物館步行十分鐘以內就可以到達這間叫Captain K Seafood Tower的餐廳.

我們只有五個人, 只能叫4-5個人的set, 只有四層海鮮.  落order後, 待應就送來每人一碟泡菜, 醬料就自助, 有好多種選擇, 泰式, 韓式, 日式, 本地的醬汁都有.

最上層是蜆和青口, 蜆好鮮甜, 無沙.  蜆和青口最平, 舖滿全層.

第二層蝦, 每人兩隻, 好在都好甜好新鮮.

第三層有瀨尿蝦, 只有八隻, 細細隻, 無咩肉亦都好淡味.

第四層就有粉絲蒸帶子和生蠔, 帶子好味, 不過粉絲蒸帶子好似唔係韓式喎.

湯底有紹菜和少量菇菇, 湯好淡, 要加泡菜稍有味.  餐廳內有個自助corner, 可以自選各種食材來打邊爐, 按碟的顏色來收貴, 哥哥拿了碟豬腩肉片, 細佬就好慳地只拿了碟餃子(S$2).  餃子居然是廣東式鹼水皮, 可見呢間所謂韓式海鮮塔其實一啲都唔韓.

因為我們下晝五點才食完好飽的下午茶, 呢餐除了海鮮塔外就只加了兩碟火煱料, 加埋飲料, 埋單大概S$180, 一啲都唔抵, 我自己買海鮮返屋企煮好過.