Hotel Jen 自助餐

26.02.2017

今年細佬生日無生日會, 不過我都趁機去食餐好的, 生日前一日我們去了Hotel Jen@Tanglin食自助餐.

我最鐘意就係海鮮, 有波士頓龍蝦拑, 蟹拑, 蝦和青口.  刺身就只有三文魚, 極肥美, 食一片都覺漏, 不過細佬超鐘意.  龍蝦拑大大隻, 好鮮味, 慢慢剝殼, 呢碟我都食咗好耐.

哥哥拿的熟食, 有雞肉沙爹和海南雞飯. 沙爹好味, 雞肉夠嫩滑.  不過海南雞飯的白切雞就好嚡好乾, 飯亦太濕.

沙律都有好多款, 我只拿了少少.

Rojak (南洋式的疏果沙律), 好味, 因為鮮菠蘿, 蓮霧, 沙葛都好甜.

有燒牛肉, 燒排骨和德國豬手, 不過我只拎了燒牛肉和排骨. 牛肉我嫌唔夠生, 排骨都OK.  烤雜菜就好味.  燒烤部份最好味的反而係原條焗三文魚 (圖中最下方), 和香草忌廉汁一齊焗的, 八成熟左右, 魚肉勁滑.  細佬當晚最鐘意就係呢樣, 來回拎咗好多次.

排骨湯, 好好味, 有少少冬菇和藥材味, 但我飲唔出係咩藥材.  唯一缺點就係好油, 我要自己撇油先敢飲.

中間的那舊是炆鴨, 炆得入味又腍身.

有即煮粉麵, 我要了碗亞參叻沙, 估唔到好掂喎.

甜品部份有好多, 不過真係食唔落, 只試了芒果西米露和durian pengat.  兩樣都麻麻.

龜苓膏好苦, 青色的是桂花啫喱, 完全無味的.

我最鐘意就係呢度啦, 我哋到時好滿架, 走前影啲蟹俾人清晒咁濟.  另一邊有壽司和三文魚刺身, 壽司咁飽肚我無食.

大好多蛋糕, 但我無試, 唔知好唔好味.

上面啲相除咗一張全部都係我食的, 三仔爺食的我都沒影, 因為佢哋亂咁放喺碟上, 唔靚就費事影. 睇番相其實食得唔算多, 但已經好飽, 人老了, 變得越來越細食.

這餐好抵, 原價大人S$55, 但DBS和UOB 信用咭有八折, 連加一和消售稅先S$52, 這個價錢食助晚餐算好平, 仲要有龍蝦食添. 哥哥十一月才十三歲, 所以他正式計係十二歲, 應該算兒童價, 不過酒店可能見佢大食, 收大人價.  我哋見價錢平, 哥哥又真係食番夠本, 所以就唔計較啦.