買到媽咪鍋了!

一直以來, 最最最想要的LC煲就係黑裡媽咪鍋.

等黑裡媽咪鍋減價真的望穿秋水, 新加坡開倉好少會有的, 上次我找到個32cm 黑色的, 我都開心咗好耐.

不過, 32cm真的好大個, 不可能煮完直接上枱.

所以, 仍然想買個細細個的, 用來煮小炒用.

最近高島屋和伊勢丹都有LC減價, 有22 cm marmite, 星期日就衝去.

先去高島屋, 只有淺紫, 橙和紅, 都不是我想要的, 失望!

Daddy提議也去伊勢丹望望, 其實當時我着了一日的尖頭高跟鞋, 腳痛不想走了. 但泊車頭兩個鐘都一樣價錢, 就去行下.

伊勢丹減價的是cool mint (薄荷綠), 好靚呀!  即買!  已經是除了display set 外最後的一個.  然後Daddy自告奮勇碌卡俾錢, 多謝晒!  多得Daddy提議行埋伊勢丹, 亦多謝佢俾錢, 靚靚細媽咪鍋終於跟我返屋企.

45% off, 減價後S$289.

昨日就特地煮樣色彩繽紛的餸來為靚煲開光.  彩椒炒雞翼球, 雞翼我還起了肉的呢, 豉椒汁勁好送飯.

原本擔心22cm太細炒唔到, 原來都好夠大, 炒餸好就手, 第一次用都完全唔痴底, 夠鑊氣, 正!  呢個size 亦都唔重, 我單手拎都無問題.

當我仲開心緊老公咁體貼讓我買到心頭好, 佢就email咗佢下個business trip 的行程俾我.  原來有人四月要去美國成個月呀, 唔怪得碌卡碌得咁爽手啦!  早知買多啲啦.