可愛廚房小物

農曆新年後Daddy臨時被派去美國公幹, 去了兩個星期, 昨日終於回來了.

每次Daddy去美國, 我都會上網看看有什麽可以叫他買.  今次就在Amazon看了一些很可愛的廚房小物, 訂了寄去美國朋友家再轉交給Daddy帶回來.

都是Tovolo的silicone (矽膠)廚房用品.  左邊的鑊鏟是特地買給囝囝用的, 因為他投訴我現有的好難用.

話說兩個星期前, 我和細佬去shopping, 在百貨公司的廚房用品部見到這盒可愛的東東, 立刻拎起睇睇, 原來是用來放在煲邊防止滾瀉的.  有衝動即刻買回家, 但要差不多S $20, 貴了點.  諗諗曾經在Amazon 買過Tovolo 的產品, 於是回家就上Amazon揾, 果然平一倍.

係咪好得意呢?  我和囝囝們都覺得羊咩咩是最可愛, 可惜太白雪雪影相影唔清楚.

在Amazon又見到這款trivets (煲墊), 好得意, 又買來玩. 一盒有八個, 的的骰骰但又真的有用.  那個盒才不到三吋直俓, 比起平時用開的煲墊會慳位好多. 我一口氣買了四盒, 因為四盒才US$13, 一盒就賣幾乎八美金, 當然買夠一set四盒啦, 用來送人都好.

試了用來墊煲, 好穏陣.  這張相裏的只是隻茶杯, 其中一隻trivet未放好.

Daddy還買了一大堆衫褲給囝囝們, 而我就只有兩盒朱古力, 太行貨了吧, 哼!

那盒朱古力就是第一張相裏右下角那盒心型的. 我唔鐘意食朱古力的, 點解買朱古力俾我呢? 有人話重點唔係朱古力, 而係個盒, 因為有猫猫喎. 分明就狡辯啦!