之前又見到Mommy Dearest整砂窩雲吞雞, 所以我又照版煮碗, 星期一晚煮了一窩砂窩雲吞雞, 不過不是上海雲吞, 而是福州燕皮雲吞, 來個上海福州菜crossover.
用了一隻雞和一小片金華火腿來煮, 湯底好鮮味. 雞和金華火腿出水後加入滾水中, 再滾後慢火煮45分鐘. 其實應該要再煮耐啲, 湯頭會更濃. 不過我想連雞肉都食埋, 所以縮短煮湯時間, 額外加了一小包的史雲生瑤柱上湯. 食時雞肉仍然嫩滑.
燕皮雲吞的做法我以前介紹過, 可以參考舊post. 燕皮雲吞要先蒸熟才放湯裏的, 所以我先將津白煮熟, 最後才放入雲吞. 用燕皮雲吞有個好處就係唔怕浸在湯裏太耐而爛或溶. 冰箱有鮮腐竹, 也加入湯裏, 腐竹吸收了雞湯味, 勁好味.
呢煲砂窩雲吞雞真的十分好味, 一煲有齊菜，肉，湯, 呢餐唔駛煮其他餸.
我都未食過呢種燕皮雲吞，不知香港有冇得賣？
ReplyDelete其實我都唔知香港有無得賣, 因為我舅母一向都係由福州帶返嚟. 啱啱上網查, 2007年時有人話荃灣街市側的新中聯百貨有賣, 依家仲有無就唔知, 因為有另一度話水仙花牌香港代理無咗.
Delete燕皮雲吞好食，個鍋好足料，好豐富
ReplyDelete食到lam lam 脷呀.
Delete請問香港邊到有燕皮賣？
ReplyDelete其實我都唔知香港有無得賣, 因為我舅母一向都係由福州帶返嚟. 啱啱上網查, 2007年時有人話荃灣街市側的新中聯百貨有賣, 依家仲有無就唔知, 因為有另一度話水仙花牌香港代理無咗. 新加坡我就知邊度有得賣.
Delete嘩~好大煲喎~我未試過自己整呢~出街食就會叫呢~!
ReplyDelete其實自己整都好容易
Delete又快又容易，我最鍾意用菜肉雲吞啦, kekkekee.
ReplyDelete我有時間有心機時都用菜肉雲吞, 不過今次好求其, 豬肉加蔥做饀咋.
Delete