一鴨四食

受難節時陪奶奶飲茶, 叫了一隻片皮鴨. 因為還有其他點心和菜式, 所以在酒樓只食了片出來的皮, 然後原隻打包回家.

因為酒樓真的只片了皮, 打包回家的根本就是原隻沒皮的燒鴨. 當日晚餐就將脾, 翼和一半的胸肉切出來食, 已經幾大碟. 啖啖肉, 囝囝們食得津津有味.

那晚突然好想食鴨肉絲炒芽菜, 於是也把剩下的半邊胸肉切絲來炒, 用了辣豆板醬, 糖和少少醋來炒, 還不錯.

起肉後的鴨殼就用來煲冬瓜意米湯, 加上薑片和陳皮來煲, 好香好正.  湯有點像酒樓裏的上湯, 應該是平時客人食片皮鴨後, 叫了炒鴨絲等的菜式後剩下的鴨殼來煲.  所以我每次食片皮鴨都不會再加錢叫酒樓起肉炒麵炒菜之類, 一定會原隻切件上, 或打包回家再自己加工, 感覺抵好多.

今次一隻片皮鴨S$38.9, 煮了兩餸一湯, 加上在酒樓時食的皮, 一鴨四食, 勁抵呀!