懶人晚餐 - 碟頭叉燒飯 + 粟米蛋花湯

寫遊記好花時間, 先暫停日本遊記一日.

自從日本回來後, 每個週末都很忙.

昨天姐姐放假, 返完教會回家, 清理堆了幾吋厚的信件和賬單, 整理一下雪櫃, 還做了一堆鎖事後, 真的不想再動了.

三餸一湯晚餐是不用想, 煮個簡單碟頭飯就算了.

星期六晚醃好了叉燒, 預備昨晚煮來做晚餐, 順便也留點給囝囝今日帶飯.  叉燒入焗爐焗, 烚點小棠菜,再開罐忌廉粟米和原粒粟米加水煲滾下鹽打蛋撒蔥花, 碟頭飯晚餐就準備好了.

是不是很簡單呢?

世界杯終於落幕了, 你們有追看嗎? 新加坡要有cable才可以看所有賽事, 但第一場和四強賽則免費電視台都有播.

想不到連小學生都識睇波, 哥哥班上的男仔有些更半夜起身看球賽呢.  自四強賽以來,囝囝們都叫Daddy半夜叫他們起身睇波.  當然, 就算Daddy自己起身也不會叫醒他們, 第二日不用上學嗎?

昨晚囝囝們又很認真地說要起身看決賽, 於是Daddy說如果他們八點上床瞓, 就叫他們起床. Daddy自己也大清早上床瞓, 預備三點起身.  所以昨晚我一個人樂得清靜. 

最後囝囝們九點多才睡着, 所以Daddy自己一個人爬起身睇波, 然後晨早就出門返工了.