新加坡博物館

昨天是馬拉人的開齋節，全部人放假一日。

本來打算去總統府參觀，但去到時已經大排長龍，帶着囝囝們最怕就是排隊，因為他們沒有耐性等。

想到今個月全國的博物館都免費入場，就到附近的National Museum of Singapore走一圈。
真慚愧，來了這裏廿幾年，才頭一次入National Museum of Singapore。

我們由後門入，有隻大燈籠椒。

芝士包, 煙肉包

新blog仍在適應中, 寫post上相都似乎沒問題, 最大問題係點揾番以前啲blog友, 要探未upgrade既blog友比較難, 唔怪得之前見人講話upgrade後要尋人啦. 另一個問題係好難控制字體大小, large又太, medium又太細, 不過我發覺可以响word度寫, set好大小再copy過嚟就得喇, 但font仍然控制唔到.

更新: 啱啱發現點可以揾番以前啲blog友, sign in 之後, 可以去hk.blog.yahoo.com, 就會見到自己blog的資料, 按訂閱者旁的數字, 就會見到舊blog的訂閱者名單, 再按左邊的"管理blog友名單", 咁就可以睇到以前有連繫的blog友.  不過如果按"自己blog"係會去返新blog, 去唔番舊blog架.

上星期和囝囝們去圖書館借書, 囝囝們揾兒童圖書, 我就當然揾食譜書, 借了本"65度c湯種麵包".

過去週末就即時試了書內的食譜, 整了芝士包, 但我由書內的mozzarella cheese換成上次整煙肉芝士餅乾用剩的parmasen 芝士碎.

照書內食譜份量出來的麵糰超級濕, 只好用我的老爺打蛋器加上dough hook 來攪, 再在枱上撻呀撻, 求其有少少薄膜就算了.

分割滾圓時, 我先用油沾在手上, 就不需用手粉都能操作了, 這是我從外國食譜書學的. 因為本身我已經減了牛油份量, 所以就算再加油都不麵包太油.搓成橄欖形, 最後發酵後, 撒上芝士碎, 我再貪得意撒上黑糊椒粒和parsley, 你們可以想像焗時有多香!

邊個做功課

終於的起心肝upgrade, 好驚呀! 希望一切順利，唔會唔見嘢喇。

唔明依家啲小朋友點解咁多功課，大佬只係小一啫，日日都有功課，又要點書測驗， 我以前細個都唔係咁既。

但啲老師俾功課又唔依小朋友既程度喎，好似啱啱呢個星期，要佢哋寫歌，又要寫詩。咁細個又點識呀，咪即係揾家長笨。

最尾我自己都費事諗，托同事幫手。老師話要喺cat, dog, goat之中揀一樣，首詩每句頭一個字就要用呢個字既頭一個字母 （你哋睇下面張相就明架啦），之後仲要整張所揀動物圖案的巨形書簽。

求其有貨交就算了，你話啲咁既功課，係咪玩家長吖！

班蘭椰檳, 鹹牛肉包

好耐冇post麵包, 其實每個星期都會整包包, 但整嚟整去都係嗰幾款就懶得出.

幾個星期前整班蘭蛋糕用剩些少班蘭椰汁, 咁啱預備好中種要整椰檳, 唔好嘥, 加埋落去一齊搓.

因為只用了少量班蘭椰汁, 所以顏色和普通椰檳一樣, 但隠約有少少班蘭香.

上次班蘭椰絲蛋糕卷, 大佬好鐘意, 以為椰檳佢一定鐘意.  點知佢一拎起, 咬一啖, 就衝入廁所嘔. 

大佬由細到大都好敏感, 只要聞到或食到不對胃口的食物, 就會嘔.  有時朋友話小朋友唔可以俾佢咁挑食, 乜都要逼佢食啲.  但唔係我唔想逼佢, 係逼佢都冇用, 佢真係一食就會嘔.  細個腸胃唔舒服, 醫生話唔可以飲奶, 要飲豆奶.  佢飲一啖又係乜都嘔番晒出嚟, 最尾冇法要自己煮粥水佢飲.

新嘗試鹹牛肉粟米包.  我第一次食鹹牛肉, 但唔太鐘意, 覺得有陣味.  不過囝囝哋卻十分鐘意, 仲叫我下次要再整.  唔知係咪我買呢隻牌子鹹牛肉唔好呢?  你哋知唔知邊個牌子既好味呀?

煩人

我屋企人都是煩人一族, 又奄尖.

每餐都要顧及各人的喜好, 是相當困難.

上星期某日姐姐為了消滅用剩的椰汁, 煮了泰國青咖哩雞.

回家看到有我最愛的青咖哩雞時, 太開心了.

今次姐姐煮得很稀, 汁可以當湯飲.

但奇怪, 明明聞到豉油雞味.  狐疑之際, 姐姐開始嘀咕: "唉, 為了你的青咖哩雞, 我今日要煮多好多嘢呀!"

原來因為囝囝們不吃辣, 姐姐另外煮了薯仔雞翼, 所以我進門時聞到豉油雞味.

那Daddy不吃辣, 不愛雞, 也不吃有骨的東西, 怎麼辦?

姐姐再打開飯煲, 又多一碟蒸肉餅, 純為Daddy而煮的.

當然還要有青菜, 腐乳炒油麥菜.  另外再加一煲湯, 忘了什麼湯, 沒影相.

我家五個人, 要分開煮三樣主菜, 你說煩不煩!

下午茶聚

22.08.2011

在英國讀書時認識的一對夫婦來了新加坡, 相約另一對朋友星期日一起吃下午茶.

本來約了去Botanic Garden, 但我星期日去完教會練完詩才一點半, 不想在外蹓連到四點, 所以臨時改成到我家.

星期六隨便預備了幾樣點心, 簡簡單單, 因我真的沒時間. 做了上篇的日本紫蕃薯瑞士卷, 朱古力馬卡龍和預備了蛋撻的撻皮.

練完詩回家, 先準備蛋漿, 再做了個簡單的ganache用來做馬卡龍的夾心.  然後才驚覺原來我還沒預備飲料, 快步到附近超市買幾款茶包和橙汁.  還想整個蝦多士, 但早上六點三起身一直在忙, 已經沒力氣再做了, 又匆匆到樓下買了出名的雞批和咖哩角.

很想預備一個優雅的下午茶, 所以一早放好了table setting, 不過沒花, 沒餐巾.

可惜瑞士卷不能用三層high tea架來放.

日本紫蕃薯瑞士卷

今日好眼瞓, 沒心情多寫, 只簡短的post.

有一段時間沒在街市或超看到日本紫蕃薯了, 星期六去街市時終於見到, 快手買了一大包回家. 

紫蕃薯在手, 立刻開工整瑞士卷.  照孟老師的美味蛋糕卷書裏的地瓜泥蛋糕卷, 只是由橙黃色的地瓜換上紫色蕃薯.

好美的紫色啊! 全天然的, 沒色素.

今次卷得好靚! 蛋糕體加入了蕃薯泥, 紫色加上雞蛋的黃就變成了淺紫藍色.

這卷比上次用黃色蕃薯整的好味, 因為紫色蕃薯有種特別清香, 也比黃色的甜.

扒餐

有朋友讀了我上一篇裏寫的廢話, 以為我受了什麼刺激, 擔心起來.

哈哈, 我是百分百ok, 那只是隨口說說罷了. 最後那句"男人都是犯賤的"是以前在英國認識的一個台灣女孩所說的, 絶不是出自我口, 雖然我在某程度上是同意的.

有一個同事今天是last day, 我們幾個較要好的同事昨晚一齊出去為他farewell.

這同事以前是我曾帶過的學生, 畢業後變成同事, 看着他結婚有孩子, 有點算是看着他長大.  現在要出外面闖了, 祝他一切順利, 前程似錦.

昨晚一行六人到了Sunset Way 的Grill-out, 常經過這裏但還是第一次試.

椰撻

無論人, 事, 物, 如果垂手可得的, 通常都不會覺得珍貴.

正如男人和女人的相處, 女人越死心塌地的對那男人, 那男人肯定更不在乎那女的.

反過來如果女的對男的愛理不理, 那男人會覺得有挑戰, 才會着緊女的. 

曾經有個朋友說過: 男人都是犯賤的.  同意嗎?


呵呵, 話題扯遠了.

我想說的其實不是男女關係, 而是椰撻.

小時候在香港, 只要下樓下餅店就買能到椰撻. 每次爺爺買椰撻和蛋撻回來給我們作茶點時, 我只會吃蛋撻. 愛蛋撻餡的滑溜, 椰撻餡卻總嫌粗和膩.

可是來了新加坡後, 平常不過的椰撻就變得特別非常, 因為這裏買不到(以前是, 但現在可能翡翠有得賣吧), 要吃就要自己動手.

星期六焗了一大盆椰撻, 剛出爐又香又脆.  每人一個做下午茶.  剩下的星期二帶去小組聚會給組員嘗.  那幾個新加坡和馬來西亞的弟兄都不知道什麼是椰撻, 第一次食, 都讚哩.

同一個下晝還焗了蛋撻, 但蛋撻實在太受歡迎, 一出爐就給Daddy和囝囝們掃光, 連影相的機會都沒有.

不過椰撻做得比蛋撻多, 因為揶撻留過夜, 從雪櫃取出直接食, 或是翻熱食都一樣好味. 但蛋撻就不能留, 留過夜蛋漿會下陷, 所以每次只會即整即食.

煙肉芝士餅乾

之前見到糖媽整了煙肉芝士餅乾, 看樣子就可以感覺到香噴噴了.

糖媽好好人, 給了我食譜. 

煙肉碎我邊加邊吃, 好味, 所以我加了比食譜份量多的煙肉碎.

焗時已經好香, 但大仔聞到, 劈頭一句: "咦, 咁臭芝士味既?"

激死! 我以為加了煙肉, 芝士份量亦不多, 可以瞞天過海, 點解囝囝的鼻那麼靈?

為了吸引囝囝們, 特別用了不同形狀的cookie cutters, 細佬見到時還嚷着要食Mickey Mouse, 但當時要開飯了, 所以叫他食完飯才吃.

結果, 食完飯後, 大佬當然不要吃, 連細佬都沒興趣了.

塞一塊入Daddy口中, 問:"好食嗎?", 他用十分敷衍的語氣將聲音提高八度來答: "好......", 哼!!!

我覺得這餅乾好好味, 但家裏完全沒人捧場, 最尾全部帶回公司給同事們吃, 人人都說好吃, 為什麼我家的老爺少爺們那麽難服侍?

蟠龍茄子

曾經在一個美食節目中見過一道用茄子做的菜式, 很吸引. 

節目是介紹餐館的, 並非教煮食, 所以只約略看到廚師的做法, 依稀記得那道菜叫蟠龍XX的.

看做法不難, 賣相也很有趣, 就去買了兩條長長的茄子, 自己試着做.

節目上的是要將茄子先炸過, 我只用蒸的, 上面放點九層塔作裝飾. 哈, 有八分像吧.  兩分不像是因為人家的是辣的, 芡汁是帶點紅, 而且茄子炸過.

配着九層塔來吃, 很不錯.

剛在網上查一下, 原來這叫蟠龍茄子.  網上有很多做法介紹, 但都是沒有肉的.  只將茄子炸過, 再淋上用辣豆辦醬之類來調味的芡汁. 

別人的都是素的, 我的變成葷的, 其實如果加辣會很惹味, 但要遷就囝囝們, 就只能走辣.

做法超簡單:

1. 茄子斜切, 但不要切斷, 原條盆在碟上(像蟠龍狀), 隔水蒸熟.

2. 豬肉碎先用鹽, 糖, 粟粉略醃. 鑊內燒熱油, 爆香薑末和蒜末, 落肉碎炒至轉色, 加水和蠔油略煮, 勾芡, 淋在茄子上即可.

囝囝學煮 - 孜然烤羊扒, 茄汁薯粒腸仔粒

上星期六大佬學完琴返家, 就一直嚷着要入廚房學煮.

原來琴行樓下超市有檔promotion賣煎鍋和煲, 邊講邊示範煮餸. 囝囝睇完後就突然對煮食好有興趣, 好inspired.

我整班蘭蛋糕卷時, 他搶着到幫我洗碗洗打蛋器, 然後幫我撒椰絲.

以為就此可以敷衍他, 但他不肯罷休, 把小櫈搬到廚房, 然後坐在那裏邊看圖書, 邊注意有沒任何他可以搶着做的事.

好吧, 就給他做一點容易的, 晚餐吃孜然羊扒, 要先把羊扒醃好, 讓他一匙匙的把調味倒在羊扒上.

其實全家人只有我喜歡吃羊, 只好再煮另一樣餸.  廚房剛好有薯仔, 用來炒腸仔粒吧.

囝囝又有機會發揮了 - 用餐刀切腸仔.

最後讓他把羊扒一件件的排在烤盆上, 入爐焗.  焗熟後, 他就負責搽蜜糖上面.  烤盆其實很熱, 真怕他會燙到手.

炒薯仔腸仔粒要用鑊炒, 當然就沒他的份了. 這菜很容易煮, 把薯仔用油炒熟, 加入腸仔, 茄汁, 鹽和水煮到汁幾乎收乾即可.  有茄汁又有腸仔, 兩個囝囝爭着吃哩.

囝囝對煮食的熱誠就維持了一個下晝, 食完晚飯後就忘得一乾二淨了. 也好啦, 他還細, 連餐刀都拿不穏. 不過, 等他大一點, 我一定會教他煮食的.

第一次整孜然羊扒, 原來孜然 = cumin.

這是我的做法:

羊扒 (lamb loin chop) 8 片， 2 tsp olive oil, 4 tbsp lime juice, 4 tsp cumin powder, salt 1 tsp, brandy 1 tsp, honey

羊扒加醃料醃至少一個下晝, 每面用220度grill三分鐘, 最後掃上蜜糖再每面多焗一分鐘.

焗完後羊扒會是全熟的, 要半熟的要縮短時間.  不過我買的是急凍羊扒, 我不敢吃半熟的, 所以烤至全熟, 有點韌, 但味道不錯.

我的調味是偏淡的, 因我比較鐘意食肉的原味.  如果鐘意濃味的, 可以多加調味.

歡迎BigheadMABEL@草

好開心網友bigheadMABEL嚟新加坡探我哋, 終於見到真人啦, 仲有佢朋友B添.

約埋愛美麗去老巴刹食沙爹, 特地選一張方形四人枱, 枱面大啲, 叫多啲嘢食都唔怕唔夠位放.

今次我醒目, 坐到街的另一邊, 即沙爹檔9號到14號那邊, 沙爹好食好多.

我哋通常都會叫10, 10, 10 支沙爹, 即雞, 羊, 牛, 每樣十支. 正要叫時, B話太多, 咁就叫5,5,5啦. 我都係第一次叫咁少, 估唔到佢哋咁細食.

呢檔沙爹叫asli, 好味.

班蘭椰絲瑞士卷

最近家裏每天都瀰漫着陣陣班蘭香味, 因為要致力消滅之前買的班蘭葉.

烘了三個班蘭戚風, 心思思想試試整瑞士卷.

參考了周老師的蛋糕卷食譜, 加入了班蘭汁和椰汁, 成功地焗了一片軟綿綿的蛋糕片. 打起雪櫃內用剩的少許淡忌廉, 抺在蛋糕上, 再撒上椰絲, 卷起便成了我自己設計的班蘭椰絲瑞士卷. 

這次將所有剩下的班蘭葉加椰汁用來攪爛榨汁, 所以蛋糕看得出微微的綠色.  蛋糕超軟綿, 有班蘭香, 也有椰香, 加上上面的椰絲, 口感跟味覺都是享受哩.  一向不吃椰子味食物的大仔都肯食這蛋糕, 不過可能因為他有幫忙撒上椰絲.

既然是我自己的食譜, 就和大家分享吧.

新加坡國慶日

昨天是新加坡46歲生日, 全國放假一日.

早上約了我照顧的兩個留學生一齊到東海岸享受陽光與海灘.

細佬專注玩沙, 大佬就和Daddy去踩單車. 藍天碧海, 很寫意.

我嬲 I'm angry!

星期日下晝帶了囝囝們到泳池游水, 游完後Daddy負責帶他們去更衣室沖涼換衫.

沖完涼後, 我到兒童playroom會合他們, 見到Daddy在幫細佬抹鼻涕,

Daddy對細佬說: "好喇, 媽咪嚟嘞, 你同媽咪投訴啦."

細佬: "哥哥..eye...pain..."

細佬手指指一大輪, 我仲未明, Daddy就同我講剛才在沖涼房裏, 大佬貪玩拾起別人留下的酒店式小瓶裝洗頭水擠到細佬的頭上, 洗頭水流入細佬眼入面, 於是細佬就喊, 然後對大佬講: "I'll tell mommy later (我一陣同媽咪講)".

去停車場途中, 我拖着細佬行後面, Daddy拉着大佬行前面.  Daddy話俾大佬知佢話咗俾我知在沖涼時發生的事, 大佬就開始扁嘴想喊.

我就話: "It's okay, no need to cry as long as you know you were wrong (唔緊要, 唔駛喊, 你知做錯就得啦"

我繼續講: "You see, Mommy is not angry, 弟弟is also not angry, why should you cry? (你睇, 媽咪都無嬲, 細佬又無嬲, 駛乜喊呢?)

細佬聽到後, 將兩隻手交叉係胸前(我諗佢想橋起手, 但未識), 大大聲講: "I'm angry!"

我幾乎爆笑, 但要忍住, 個三歲細路居然話嬲!

大佬聽到後就真係開始喊, Daddy就同我講:"佢頭先真係好嬲架."

我就同細佬講, 大佬唔係有心要整痛佢隻眼, 叫佢唔好嬲, 陣間上車要同哥哥講唔緊要, 佢上車就即刻同大佬講: "哥哥, it's okay."

番到屋企食晚餐, 開飯前細佬就走去坐喺哥哥張高櫈上面, 唔肯坐自己張high chair. 平時哥哥一定趕佢落地, 但嗰晚因為要贖罪, 居然好大方咁同細佬講: "Ok, I let you sit on my chair today because 哥哥was wrong just now."

跟住兩兄弟就坐埋一齊食飯, 雨過天晴了, 又再糖痴豆.

落手落腳食美味豉油雞脾雞翼, 幾乎想將啲豉油汁當湯飲.

大人食完了, 剩佢哋兩個慢慢食, 仲成個煲放到面前添.

媽咪返港了

兩個星期眨眼就過了, 媽咪上星期六飛返香港了, 很捨不得呀.

細佬逃學(音樂堂), 全家人去送機.  三點鐘的機, 我們十二點半就到了.  囝囝們將婆婆的行李箱當玩具, 爭着推, 最後由大佬將行李搬上行李帶上.

一早幫媽咪訂好位和網上check-in, 只需寄行李, 幾分鐘就完成.

同媽咪行街食飯

上星期五去完囝囝學校參觀後, 帶媽咪去Keppel Road 的歐南園亞發肉骨茶食午餐. 十一點半左右到, lunch crowd還沒到, 但可能因為是工作日, 附近很多上班族把車停在那裏的停車場, 找車位找了很久.

這間肉骨茶賣的是潮式, 胡椒湯底, 沒有葯材, 淡色沒加醬油的, 最合我胃口. 肉骨茶也有兩種, 一種是普通肉骨, 另一種是一字腩排, 兩種都可以選肥或瘦.

這碗是媽咪要的瘦肉骨.

小學Science Fair

上星期五囝囝學校又有活動, 今次是Science Fair, 由小三至小六的學生做科學projects, 然後將作品展出, 小一, 小二的學生和家長被邀去參觀.

我又趁機請假帶媽咪一齊去參觀.  學生們照平日上學時間去學校, 家長們就朝早八點就到學校集合, 每班都被編排特定程序.  囝囝班第一個節目是到視聽室睇puppet show.