小學Science Fair

上星期五囝囝學校又有活動, 今次是Science Fair, 由小三至小六的學生做科學projects, 然後將作品展出, 小一, 小二的學生和家長被邀去參觀.

我又趁機請假帶媽咪一齊去參觀.  學生們照平日上學時間去學校, 家長們就朝早八點就到學校集合, 每班都被編排特定程序.  囝囝班第一個節目是到視聽室睇puppet show.

Puppet show中途時, 負責的學生問小朋友們要聽甚麼歌, 想不到小一學生全部大叫:"Justin Bieber!".  連我都未聽過Justin Bieber的歌, 小朋友居然叫得出.  歌一播時, 小朋友跟住唱: "Baby, baby ...". 我差點暈低!

幸好我囝囝是少數沒叫Justin Bieber 和跟着唱的, 我在家裏是沒有聽流行音樂的, 所以囝囝平時接觸的大部份都是聖詩或我唱的art songs.

睇完show, 八點半就到樓下的展覽, 這個是解釋density的, 小朋友要估那樣物件放在水裏會浮起的, 答對了會送一粒糖仔.

關於動物的展覽.

還有植物的

睇半個鐘頭後就到小息時間, 家長們可以陪小朋友一齊到canteen食茶點.

雖然新加坡很細, 但所有學校都很大, 設備亦很完善的.  這是操場一角和其中一棟課室大樓, 另外還有魚池, 植物園, 大禮堂, 連健身室都有哩.

學校規定學生們一定要到食堂才可以進食, 在班房是不淮飲食的(飲水除外), 所以食堂有很多桌椅.

記得以前在香港時讀的中小學都只有一個小食店, 但這裏的卻像個迷你food court, 有很多不同檔攤, 生果, 中式飯, 中式麵, 西餐, 馬拉食品, 等等.

食堂旁邊有飲水機和洗手盆.

怕年紀小的學生不夠力按水喉開關, 另一邊有一排裝了自動感應的水龍頭, 設想周到.

囝囝又是和好朋友一齊.

食飽飽後囝囝拿了我的手機玩angry bird, 然後他的同學仔逐個輪流玩.

今次最大目的其實是想讓媽咪參觀囝囝的學校, 了解本地的學校生活. 現在媽咪明白為何囝囝們只講英文, 因為全校小朋友都講英文, 連一個中文字都沒聽到.