幾個星期前整班蘭蛋糕用剩些少班蘭椰汁, 咁啱預備好中種要整椰檳, 唔好嘥, 加埋落去一齊搓.
因為只用了少量班蘭椰汁, 所以顏色和普通椰檳一樣, 但隠約有少少班蘭香.
上次班蘭椰絲蛋糕卷, 大佬好鐘意, 以為椰檳佢一定鐘意. 點知佢一拎起, 咬一啖, 就衝入廁所嘔.
大佬由細到大都好敏感, 只要聞到或食到不對胃口的食物, 就會嘔. 有時朋友話小朋友唔可以俾佢咁挑食, 乜都要逼佢食啲. 但唔係我唔想逼佢, 係逼佢都冇用, 佢真係一食就會嘔. 細個腸胃唔舒服, 醫生話唔可以飲奶, 要飲豆奶. 佢飲一啖又係乜都嘔番晒出嚟, 最尾冇法要自己煮粥水佢飲.
新嘗試鹹牛肉粟米包. 我第一次食鹹牛肉, 但唔太鐘意, 覺得有陣味. 不過囝囝哋卻十分鐘意, 仲叫我下次要再整. 唔知係咪我買呢隻牌子鹹牛肉唔好呢? 你哋知唔知邊個牌子既好味呀?
有時d野真係冇得迫既 但照計你個包冇問題 只係唔岩胃口姐 比我多多都食得落
ReplyDelete[版主回覆08/28/2011 17:19:52]係呀，唔食我就由得佢，真係冇符架。
我用洋蔥辟左D羶味。
ReplyDelete[版主回覆08/28/2011 17:20:16]我都想架，但囝囝唔食洋蔥呀。
我都係從來唔逼我細女食野㗎，以前食多少少，或者唔啱食嘅野又係一食就會嘔，所以我一向都唔逼佢地食，嘔...係好辛苦㗎 ！但係依加細女大左，自己食野又多左，呢個summer重大食到晚餐要食兩碗飯 ，我又要開始節制佢食野就真！
ReplyDelete[糖之家回覆08/28/2011 22:54:14]乜野芝士唔重要，最緊要係佢自己肯食呀！丁丁以前唔食南瓜，今個summer不知何解，不單食而且好喜歡，不過只係要我做豆豉南瓜蒸排骨！
[版主回覆08/28/2011 17:21:55]原來丁丁都係咁架。我大仔今日有突破，自己話要買芝士，不過係laughing cow嗰隻三角芝士。
鹹牛肉加啲洋蔥或者小孩唔鍾意洋蔥可以放青瓜，咁冇咁大味，我當然鍾意辣椒添，但係M＆N唔可以食
ReplyDelete[版主回覆08/28/2011 17:22:51]我都想加洋蔥同辣椒呀，但囝囝哋唔食，青瓜都唔食架，唯有加粟米囉。
鹹牛肉包好好味架...我都勁like呀~~小朋友係會揀食D, 大大下口味會改變, 慢慢會接受到多D唔同既口味架勒...唔洗太擔心既...最緊要吸收到均衡營養就無問題啦~~
ReplyDelete[版主回覆08/28/2011 17:24:02]可能我無加洋蔥嚟辟味啦，我覺得麻麻咋。希望佢哋大大吓就會乜都食啦。