朋友說可以拿回OSIM換一個套, 好像要六, 七十坡紙. 嘩, 我買這個urelax時才百多元, 換一個套要那麽貴, 太不值了.
於是發揮我慳家精神, 自製一件新衣給urelax.
其實也拖了好幾好月, 一直想要去找好看點的布來縫, 但Daddy整天說那碎片讓梳化看起來好難看, 叫我把它丟了算.
實在忍無可忍了, 從日本回來第二朝去街市買餸經過一間賣布的店, 隨便買了兩碼啡色的布來縫, 才S$4. 顏色和布料都不是原本想要的, 但沒時間去找就將就點.
這就是urelax的新衣了, 很有進步空間, 但至少不再有膠屑掉在梳化上, Daddy也不再埋怨了.
還加上小袋子來裝控制器.
勁呀!~你手工好好~我一直都想車返個SOFA 套~不過我覺得自己HANDLE唔到~所以冇動過手呢~
ReplyDelete我都係摸咗好耐先攪掂架, 開始時都唔知從何入手. sofa 套咁難我未敢挑戰.
Delete你真多才多藝
ReplyDelete我啲手工好渣咋
Delete多才多藝不特止，搵到時間去整至叻叻。
ReplyDelete啱啱由日本返嚟好攰, 所以星期六全日除咗買餸外都唔出街, 連囝囝哋啲興趣堂都skip啱, 咪有時間去整囉.
Delete有時啲男人真係.... hmmmm
ReplyDelete佢乜都話要丟架, 乜都係阻掟, 連張枱放張紙都會俾佢話架, 但佢都仲成日話我啲嘢亂.
Delete又無壞，丟太嘥啦，依家咁幾好呀
ReplyDelete咪就係囉, 明明仲用得無理由丟咗佢架.
DeleteDIY, 勁!
ReplyDelete手工仲係好BB級.
Delete好犀利呀，如果比我，可能cover with a pillow case！ 懶人呀！
ReplyDelete我都諗過用枕頭袋, 但一定俾人話, 陣間又話要丟咗佢, 都係車個似樣啲既套好啲.
Delete手工好靚裁得好fit 呀。
ReplyDelete我都唔識裁, 將塊布放上舊嘢上面用粉筆劃咋.
DeleteLuyi, 你真利害！ 文武雙全！入得廚房，出得廳堂！
ReplyDelete你咪咁讚我啦, 我樣樣都係識啲皮毛架咋.
Delete嘩，你係家政高手！煮野食又叻，針線又叻！！！！！
ReplyDelete我樣樣都係識皮毛架咋.
Delete