細佬四歲生日飯

星期日哥哥傍晚要去NUSS Graduate Club學游水, 細佬又要跟去玩水, 於是一家人一齊去.
嗰日姐姐放假, 我懶得煮, 索性在那裏的秀才中餐廳(Scholar)食埋晚餐, 順便也叫我照顧的那個學生一齊去, 當是提早一日幫細佬慶祝生日.
學生送了一個公仔給細佬做禮物.

本來哥哥想去cafe食飯, 十萬個不願意跟我哋去中餐廳.  坐下後, 佢話要食燒鴨, 那就叫半隻北京鴨吧.  侍應片皮時, 兩兄弟站在旁邊望到實.  侍應一端上那碟鴨皮後, 佢哋兩個飛返座位. 

細佬四歲喇!

時間過得真快，眨下眼細佬今日就四歲了。

今朝一早帶齊蛋糕食物和禮物包到學校開生日會。

先將食物放在桌子上，老師熟練地掛上生日快樂banner.  小朋友們一見到angry bird蛋糕就勁興奮，不停地叫"angry bird", "angry bird", 老師就不停地叫小朋友們返回座位，唔好碰個蛋糕。

細佬趣語

今日星期五, 俾兩則細佬的笑話給大家輕鬆下.

某日晚餐煲了粟米湯, 我拎起舊粟米來食, 邊食邊讚甜.  哥哥聽到又話要食, 把我手上的那舊粟米拎走, 放入口裏咬了一啖再遞返俾我, 我一望, 點解舊粟米原封不動?原來哥哥依家換牙, 上面兩隻門牙都甩了, 所以咬唔到粟米.我見佢咁可憐就用手一粒粒撕啲粟米嚟俾佢食.細佬見到就話: "Mommy, I want to eat sweet corn too."再補一句: "But I can eat it by myself, I have teeth."明寸個大佬冇牙啫! 某日細佬放學返到屋企, 同姐姐講: "Today Oliver splashed water in the toilet and three children got wet." (今日Oliver喺廁所潑水, 整濕咗三個小朋友)姐姐: "Did you splash water too?" (咁你有冇份潑水呀?)細佬: "No."姐姐: "Did the teacher scold?" (老師有冇鬧呀?)細佬: "Yes."姐姐: "Who did the teacher scold?" (老師鬧邊個呀?)細佬: "Oliver", 頓一頓, "and me."
     有人自己穿煲!


最近買了一套ergonomic 書枱和椅給囝囝們, 細佬貪新鮮好鐘意坐喺新書枱前睇書.  噚晚自己一個人入房拎本ABC書出來, 大大聲讀: "A for Apple, B for Boy, ...", 好似好認真咁, 好得意, 即刻影低.

寧缺莫濫

平時讀聖經, 讀到詩篇時通常都會留意到那些耳熟能詳的金句, 譬如"耶和華是我的牧者, 我必不至缺乏", "我要向耶和華歌唱, 因他用厚恩待我",..., 之類.
但因着唐生風暴, 友人在fb裏分享了這句平常都不會注意到但又極應景的金句:
他掘了坑、又挖深了，竟掉在自己所挖的阱裏。(詩篇 7:15).

唐生今次真的挖深了, 再加上泳池的兩隻大天窗, 想不掉進去都難.  所以說詩篇是詩歌智慧書, 唐生應該多睇睇聖經, 或者有助增長智慧.

**********************************************************************************************************年頭開始就一直忙, 有幾乎兩個月沒整蛋糕了.  星期日晚見有少少空閒時間, 雪櫃又有盒士多啤梨, 就整了士多啤梨瑞士卷.太久沒焗蛋糕, 焗時滿屋都是蛋糕香.

煙鴨胸沙律 （食譜）

上星期囝囝好多測驗和默書，每晚都要陪太子讀書，好攰呀!

今個星期沒測驗了，我可以喘一喘氣了。

最近真的沒時間煮嘢，連週末都要靠姐姐煮， 好彩我家姐姐好叻煮嘢食，如果唔係就慘囉。

今日姐姐整了煙鴨胸沙律，主意是我出的，但並沒告訴她做法(沒時間啦），聰明的她自己參考食譜書，一樣掂，還好好味哩。

煙鴨胸是從Mmmm買的，才S$3.8一個，好抵食。這菜有煙鴨胸的鹹香，有菇菇的鮮味，加上油醋青檸汁，開胃又惹味。

材料：
煙鴨胸  1 個
新鮮菇類 （我用白玉菇） 適量
生菜  適量
蒜頭  1瓣
蔥頭（shallot) 2 粒，切碎
橄欖油 1湯匙
balsamic vinegar  1/2 茶匙
青檸汁 1 個 （細）
parsley, basil  適量
鹽，黑胡椒碎 適量

做法：
1。煙鴨胸解凍，用易潔鑊煎香兩面。不用放油，皮向下先煎可逼出油份。取出切片待用。
2。蒜頭切片，加入橄欖油，醋，青檸汁和香草混合，加入少許鹽和黑胡椒碎調味。
3。鑊內下少許牛油和食油，燒熱，爆香蔥頭，再大火快炒菇菇2﹣3分鐘，加入鴨胸片，兜勻，倒入蒜頭油醋汁，煮至汁料滾即盛起放在已舖上生菜的碟上即成。

Valentine's family special

星期六Daddy公司攪了一個Valentine's Family Special, 包坐纜車和食一餐buffet dinner.

下晝五點半去Harbourfront Centre坐纜車上Mount Faber，晚餐在Jewel Box食。 其實Jewel Box裏面有好幾間餐廳，但他公司沒講明是那一間。我上網揾時發現無論邊間似乎都係貴夾唔好食，所以沒太大期望。

原來我們食飯的地方是裏面的一個ballroom而非餐廳，纜車下面一層的三個大窗口就是我們用餐的地方了。風景真的很不錯，還可以看到日落。

食飯前先飲嘢，不過只有雪碧和可樂可揀。 飲嘢的這個地方有好大陣異味，好臭，好像猫尿的味道。



好彩ballroom裏面沒異味，不過我都係食唔落。 本來期望已經夠低，估唔到可以差得咁交關。呢碟就係所謂buffet的食物了，和我公司canteen的食物差唔多，居然腸仔都有， 呢餐食完我都唔覺飽， 返到屋企都仲要再揾嘢食。 雖然Daddy公司有準貼所以我哋唔駛俾full price, 但咁既嘢食都係絕對揾笨。Daddy話如果沒準貼正價要成S$90一個人，纜車票都唔駛30蚊，即係成六十蚊食呢碟嘢， 佢哋肯定賺到笑啦。

個ballroom都靚架， 可惜得個樣。

細佬好乖自己食，仲食好多添。

見到咁既食物質素，我哋三扒兩撥食完就走人。在Jewel Box略兜一圈影下相。

天色開始暗，我哋就坐纜車過海去聖陶沙。

好耐以前去聖陶沙，好多地方都係免費的，現在每樣都要收錢，這魚尾獅要S$8上去，我就唔上嘞，由Daddy帶囝囝哋上去，都冇咩好睇。

我覺得反而下面呢隻Q版魚尾獅仲可愛。

俾錢上去魚尾獅上面就係睇到呢個景，坐纜車時都睇到啦，都唔明上去做乜。

入夜了，星期六人又多，我哋都冇咩興緻繼續行，又坐纜車返Harbourfront Centre攞車返屋企了。

今次參加呢個活動都係俾囝囝哋坐下纜車啫， 佢哋真係好開心架。哥哥好攪笑，一開始時係咁問我哋架纜車會唔會跌落去， 仲好緊張咁攬住我，不過坐咗陣就唔再驚。

紅酒燴牛尾 (食譜)

先預祝大家情人節快樂! 
見blog上有很多情人節食譜, 等我都湊下熱鬧.
這個紅酒燴牛尾煮法好簡單, 做法是我自己亂拼湊出來的, 但成功率是百分百.  曾口頭告訴一位極少下廚的男同事, 他一試便成功.  我妹妹照我的食譜煮, 也是一take就ok.  你們不妨試試.

食譜是我怱忙地憑記憶寫給我在美國的妹妹的, 應該沒錯漏, 但抱歉是英文, 以後有空而有人要求我才翻成中文吧.

蝦乾浸勝瓜

最近好忙, 好少入廚, 所以少了上菜.
一連寫了幾篇外食, 大家都覺膩了, 今日就出個清淡啲的蝦乾浸勝瓜.
咁大個女第一次煮蝦乾, 是上年九月返港時在大澳買啲,  大大隻很鮮甜.
蝦乾加上勝瓜, 清清哋但好甜.
一直都知道哥哥唔鐘意食勝瓜, 但呢日才知道原來全家都唔好, Daddy和姐姐其實都唔鐘意, 只不過我煮了佢哋就照食.  但我覺得勝瓜好好味喎, 唔明點解佢哋唔鐘意,
咁你哋覺得勝瓜好食嗎?

人日晚餐

噚日見到一篇報導，呢個年代的年輕人太離譜了，居然叫屋企工人姐姐去大學宿舍清潔房間廁所。 我覺得住宿舍的目的除了慳返撘車時間，亦都係要學習自立，打理房間應該係自己的責任，點可以揾工人嚟做架，簡直係羞悶。學生有問題之外，家長縱容呢種做法亦太過份。呢啲被寵壞的學生以後會係社會棟樑，好難想像以後會係點!  有興趣，可以去呢度睇。

時間大兜亂, 原來人日晚餐仍未post.
人日當日中午才從酒店check out, 返到屋企就要回到現實, 即時忙着進行每星期六的routine - 輪流帶囝囝們去上音樂堂和學琴.
未返到屋企, 哥哥已經打電話俾我哋投訴, 話點解我哋可以去酒店瞓一晚佢冇得去, 好唔公平喎.  反而細佬好似完全冇發覺我倆成晚冇飯, 只嚷着要出街.

Daddy 抵唔住哥哥的詐型, 答應嗰晚出街食.
雖說在酒店做spa和住了一晚, 但我其實當日係好攰, 因為食德國豬手食得太飽而引發胃病, 於是成晚都瞓唔好.  太攰, 所以只近近哋去Clementi Mall.  本來想去三盅兩件, 但六點去到已經排長龍, 然後我哋才醒起當是人日, 好多一家出嚟食節慶祝.  三盅兩件的排隊制度好混亂, 我又唔想等, 索性去翡翠小廚, 可能價錢比三盅兩件貴, 所以唔駛排隊.
參巴炒番薯葉, 辣辣哋好好味!

四喜拼盆

今朝返工一開電腦, 就見到封令我好興奮的email.
新加坡政府最近新增了一項叫parent-care leave的假期, 每年兩日, 俾我哋帶家中老人家去睇醫生之類, 唔需要醫生紙證明的. 
我公司都算係政府, 所以都可以多兩日假, 真開心!
星期一元宵節, 叫姐姐預備一個燒味滷水拼盆做當做節.  這四喜拼盆其實是抄雀后的, 有豉油雞翼, 滷水牛腱, 自製叉燒和海蜇.

豉油雞翼用團年飯時整頭抽浸雞時剩下的豉油汁整, 唔想牛腱同雞翼一樣味, 所以就另外用滷水滷.  我要返工, 叫姐姐煮滷水, 但佢其實從未煮過滷水, 所以出嚟冇咩味, 而且未夠腍, 不過我哋都全部掃清.
五隻雞翼當然唔夠食, 呢度只係擺出嚟啫, 仲有好多喺煲裏面.

二人晚餐@Brotzeit

和Daddy去Sentosa享受二人世界, 但酒店package不包晚餐, 要自己去揾食.
Sentosa作為旅游點, 飲食方面只有兩個極端, 一係就好高級好貴, 一係就平啲(其實都唔平)但唔好食.  反正酒店有免費巴士來回Vivo City, 十分鐘車程就到, 那裏食肆選擇超多, 一定揾到啱心水.
不過知道做完spa都已經遲, 又係星期五, 好食的地方一定大排長龍, 所以前一日就book定位.  好耐冇食德國菜, 所以揀了Brotzeit.
第一次去Brotzeit, 八點到, 好彩我哋有訂位, 因為外面條隊已經好長.
這其實是一間酒吧式餐廳, 所以都幾嘈, 要傾計要大大聲講.
平時因為要駕車, 只可以其中一人飲酒.  今次可以兩個人一齊飲, 真開心.
左邊是Daddy的Münchner Dunkel, 充滿了麥香, 右邊是我的Münchner Weissbier, 清啲都好好味.  Prost!

二人世界嘆spa

上星期五, Daddy和我提早慶祝情人節. 

Daddy 想撇低囝囝哋去嘆一下二人世界.  雖然我有個很好很可靠的姐姐, 但要留低囝囝哋兩個人出國去, 就算一晚我都唔放心.所以Daddy訂的是在"離島"Sentosa的Sentosa Resort & Spa, 一晚住宿加兩個鐘頭的spa treatment.我們住的是Deluxe room, 有大大張King bed, 大大個LCD電視加DVD機, 設備齊全.

焦糖燉蛋 crème brûlée

星期日我整包時, 哥哥走入廚房問我整咩, 我答鹹牛肉包和吉士包. 
突然間佢話: "Mommy, I want that custard with hard hard sugar on top".  我聽到一頭霧水, 姐姐居然明, 原來囝囝指crème brûlée.
囝囝好少會話要食我整的甜品, 二話不說即整, 剛好下午茶時間可以食, 食完才去上游水堂.

鹹牛肉粟米包, 吉士包

囝囝有日突然話要食鹹牛肉包, 難得他想食我整的包包, 我當然義不容辭去買鹹牛肉來整.
上次買的鹹牛肉我覺得有膻味, 網友介紹買利比牌(Libby's), 真的好多了.  一點膻味都沒有, 而且也不覺肥膩. 
於是星期日就整了粟米鹹牛肉包, 今次我偷偷的加了些切到很碎的洋蔥, 囝囝吃不出洋蔥味但包包饀香很多.