細佬四歲生日飯

星期日哥哥傍晚要去NUSS Graduate Club學游水, 細佬又要跟去玩水, 於是一家人一齊去.
嗰日姐姐放假, 我懶得煮, 索性在那裏的秀才中餐廳(Scholar)食埋晚餐, 順便也叫我照顧的那個學生一齊去, 當是提早一日幫細佬慶祝生日.
學生送了一個公仔給細佬做禮物.

本來哥哥想去cafe食飯, 十萬個不願意跟我哋去中餐廳.  坐下後, 佢話要食燒鴨, 那就叫半隻北京鴨吧.  侍應片皮時, 兩兄弟站在旁邊望到實.  侍應一端上那碟鴨皮後, 佢哋兩個飛返座位. 

 
Daddy話要先做謝飯禱告才可以食, 叫我帶領禱告.  但哥哥已經等唔切了, 自動請纓做了一個極簡短的謝飯禱告就拿起片皮鴨來食.  你睇兩兄弟食得幾開心.

另外還有一碟豆腐, 唔記得叫咩名, 上面有冬菇和瑤柱絲.

三色蛋扒莧菜

辣椒蟹, 蟹肉好結實好鮮甜, 只是辣椒汁略嫌稍甜了點但都算唔錯.  最重要價錢夠平, 才S$38/kg, 平過外面食哩, 下次叫薑蔥炒蟹應該會更好味.

片了皮的那半隻鴨只斬件上當燒鴨食, 好味.  呢餐大家都食得好滿足.
所有姐姐都俾細佬迷暈, 個個都冧爆, 連我的一個女同事星期一細佬正日生日都專程送禮物來我家給細佬哩.