二人世界嘆spa

上星期五, Daddy和我提早慶祝情人節. 

Daddy 想撇低囝囝哋去嘆一下二人世界.  雖然我有個很好很可靠的姐姐, 但要留低囝囝哋兩個人出國去, 就算一晚我都唔放心.所以Daddy訂的是在"離島"Sentosa的Sentosa Resort & Spa, 一晚住宿加兩個鐘頭的spa treatment.我們住的是Deluxe room, 有大大張King bed, 大大個LCD電視加DVD機, 設備齊全.

溶室裏有齊所需的toiletries, 都是酒店附屬spa的產品.



每間房都會有個welcome tea, 我們選了馬卡龍和 Darjeeling tea.  入到房坐一陣, room service staff  就送來下午茶了. 但明明兩個人的package, 點解只送上一隻茶杯? 後來才發現房裏面本身已經有齊各款TWG茶包, 早知就揀其他飲品.


總共六粒的馬卡龍, 兩種口味, 左點的是朱古力饀, 右邊的是熱情果.  熱情果味好好味哩!


食完茶點就出發去做Spa了, 原以為步行就可以, 原來要坐buggy去的.  你哋有機會去的話, 記緊扶實扶手, 因為好多急彎和斜坡, 唔扶的話轉彎時隨時飛出車外.

幾分鐘後就到Spa Botanica, 這裏是reception 的其中一角.  坐低就先來一杯薑茶, 然後登記資料.  之後就帶我哋入去介紹裏面設施, 最後帶我哋去各自的更衣室攞locker鎖匙.  更衣室裏面有steam bath, sauna之類,  不過我沒試.  我們的treatment是四點半, 到時才三點九, 所以可以先在spa garden嘆吓先.  只要當日有spa booking, 就可以享用spa garden 裏的設施.  Spa garden 裏面有游泳池, 人造瀑布, mud pool 之類.  嗰日天氣有少少涼, 我哋怕凍唔游水, 其實我好想去試下瞓喺浮床上去人造瀑布度淋下, 但啲水真係好凍呀!  所以我哋只用了mud pool, 職員說那些泥是從新西蘭入口, 有滋潤肌膚的作用.

問過職員話唔可以影相, 不過佢都好好咁話如果我真係要影佢可以當睇唔到.  但為免人難做和尊重其他客人, 我就冇影相了.  你哋有興趣的, 可以去個website睇.我和Daddy的package是45分鐘body scrub加75分鐘按摩.  按摩師都很專業, treatment room 裏面很舒服, 那張床特別軟.  這裏的按摩是幫助鬆弛為主, 做完後真的很想瞓, 但如果想要減輕肩頸背痛之類, 還是去找推拿師好了.

做完spa 後就出Vivo City 食晚餐, 但篇幅有限, 下篇才寫晚餐.順帶一提,  酒店有提供免費巴士來回Vivo City 和Ocrhard Road, 所以就算是住在"離島"也很方便, 想來新加坡但又想遠離城市的繁囂, 這裏是不錯的選擇, 貼近大自然.第二朝起身去食早餐, 自助的, 有很多選擇.  坐位亦有室內和外可揀.  American breakfast部份放在室外, 煎蛋炒蛋亦不怕油煙充斥整個餐廳.沙律, 生果, 乾果, cold cuts.

有印度食品

白粥加自選配料

點心區, 可以一籠籠咁拎, 或者拎一粒粒.

最有趣的早餐部份, Daddy第一次主動要影低的.  原片蜂巢, 用匙羮挖一挖就會有蜜糖流出. 

好多麵包和pastry

我哋的早餐, 蛋是即場整的, daddy 要了奄列, 我要了poached egg.  食物質素不俗, 唯有炒麵太鹹.

難得貼近大自然, 當然揀室外坐位.  在這裏用餐, 是真正的鳥語花香.  我們旁邊就有這些好靚的鮮花.

還有孔雀在旁邊漫步.

食飽飽就要運動一下, 步得下"山" (酒店位處高一點的地方)去沙灘散步.  大清早就已經有人在游水玩沙了.

行完沙灘就行番酒店, 下山容易上山難呀, 還好早餐食得飽.

Check out 前在酒店裏面影相, 有靚靚蓮花(or 荷花).

酒店泳池, 但我懶, 沒游水.

臨上車離開時, 這漂亮孔雀在停車場送行哩.