人日晚餐

噚日見到一篇報導，呢個年代的年輕人太離譜了，居然叫屋企工人姐姐去大學宿舍清潔房間廁所。 我覺得住宿舍的目的除了慳返撘車時間，亦都係要學習自立，打理房間應該係自己的責任，點可以揾工人嚟做架，簡直係羞悶。學生有問題之外，家長縱容呢種做法亦太過份。呢啲被寵壞的學生以後會係社會棟樑，好難想像以後會係點!  有興趣，可以去呢度睇。

時間大兜亂, 原來人日晚餐仍未post.
人日當日中午才從酒店check out, 返到屋企就要回到現實, 即時忙着進行每星期六的routine - 輪流帶囝囝們去上音樂堂和學琴.
未返到屋企, 哥哥已經打電話俾我哋投訴, 話點解我哋可以去酒店瞓一晚佢冇得去, 好唔公平喎.  反而細佬好似完全冇發覺我倆成晚冇飯, 只嚷着要出街.

Daddy 抵唔住哥哥的詐型, 答應嗰晚出街食.
雖說在酒店做spa和住了一晚, 但我其實當日係好攰, 因為食德國豬手食得太飽而引發胃病, 於是成晚都瞓唔好.  太攰, 所以只近近哋去Clementi Mall.  本來想去三盅兩件, 但六點去到已經排長龍, 然後我哋才醒起當是人日, 好多一家出嚟食節慶祝.  三盅兩件的排隊制度好混亂, 我又唔想等, 索性去翡翠小廚, 可能價錢比三盅兩件貴, 所以唔駛排隊.
參巴炒番薯葉, 辣辣哋好好味!

金銀蛋莧菜, 給唔食辣的三仔爺.


和囝囝哋出街食飯不能少的燒味拼盆, 油雞拼叉燒.


鑊仔上的梅菜扣肉, 下面個爐仲一路開住火, 熱辣辣的.  扣肉炆得好腍好入味, 不過仍然係梅菜最好味.  食剩少少我哋都打包拎走, 第二餐翻熱囝囝哋都仍食得津津有味.


大家都食到好飽, 但Daddy仍然想食甜品.  我提議到hawker centre食刨冰, 但一去到想坐低, 兩個囝囝就同時話佢哋食飽飯喇, 唔駛再食, 佢哋以為我哋去嗰度食正餐.  佢哋唔肯坐低, 唯有幫襯對面的涼茶舖.
這間涼茶舖專賣龜苓膏, 大盅七蚊, 細盅五蚊.  除了龜苓膏, 就只賣廿四味和五花茶.


我們叫了兩盅細的龜苓膏, 茶壺裏的是糖水. 


細佬嫌苦唔肯食, 反而哥哥一個人食了大半盅.