兩款蒸勝瓜

又一篇倉底貨出場, 因為最近好懶上相.

我好鐘意食勝瓜的, 覺得味道好清甜.

勝瓜我會用來炒蝦仁或滾湯, 但懶惰時我會選擇蒸.

富貴些少的有瑤柱蒸勝瓜, 瑤柱浸軟撕成絲, 和勝瓜一齊蒸, 最後淋熟油豉油就又靚又好味.

 

惹味少少就用XO醬蒸, 都好好味架.

依家囝囝們一個小五一個小一, 兩個都一定要我陪温書, 偏偏就不要Daddy陪.  放工回家, 一個要我陪温數學, 一個要温科學, 我不會分身術呀!

他們要到十月尾才會完成所有測驗和考試, 我要再多兩個幾星期才可以脫苦海呀!  嗚嗚嗚....