Nicer Dicer - 千祈唔好買!

呢篇我要用廣東話嚟寫， 會鬧得傳神啲。

噚晚响Groupon見到有樣叫Nicer Dicer的廚房用具，有埋video睇，好似好好用，平平哋S$13.9就買嚟玩吓。

今日返完教會就走去SUNTEC拎貨，姐姐仲興致勃勃的等我返屋企玩新玩具。

個盒裏面有一個base, 切條和切粒的attachment各一個，刨皮器一個，大和細的膠容器各一個，再成一本recipe and user guide.  好似好多樣嘢，十幾蚊都似好抵咁喎。

但本recipe and user guide其實只係說明書，裏面根本冇食譜，而且係影印本，望兩眼就已經有不詳預兆。其實我買之前都上網search過，有人話好好用，有人話一用就壞，不過見唔貴，就買嚟玩囉。

好，今晚就煮薯仔洋蔥蕃茄湯，將所有材料切粒。

先切洋蔥，用大粒嗰個attachment已經先將洋蔥切成四份才放入Nicer Dicer, 結果都未切完兩份，就變成咁嘞！

跟住我同姐姐兩個儍婆就將成個拆出嚟慢慢將啲刀片砌番入去，繼續切埋剩下的兩份洋蔥，結果其中一片刀片又走出嚟，仲要係成片彎晒。

橫掂都係壞，玩埋細格嗰個喇。今次切紅蘿蔔，先將紅蘿蔔切成1 cm片狀才放入玩具入面，幾乎要用搥仔先可以切到。咁紅蘿蔔硬，試吓蕃茄，夠腍嘞啩，都係要用九牛二虎之力先將切到，自己用刀切好過。

結論呢個Nicer Dicer完全係呃錢既，仲兒戲過我囝囝啲玩具， it's a piece of junk! 我見香港啲groupon網都有買， 你哋千祈唔好上當呀!

姐姐叫我一定要快啲post呢篇呀。

呢樣嘢話有一年保養喎，我遲啲拎番叫投訴先得。

呢碗就係成果嘞， 簡單用雞湯加入啲蔬菜粒嚟煲，加埋芹菜粒，好好味架。

見到紅蘿蔔粒細細粒，幾他就大粒既。

我再上網search, 我諗我買到既係冒牌貨，但個包裝同正牌既一樣噃。

網上話正貨要由JML或Argos買，成£24.99， 價錢差好遠，但review話好好用，Amazon或其他網站賣既都係冒牌的，請注意。