Club Med Bintan 第一日(上)

我番嚟喇!  民島之旅話咁快就完了.今次玩得好開心, 影咗好多相, 所以要分好多篇先可以寫完.上星期三起程時居然落大雨, 又遇着朝早上班繁忙時段, call 唔到的士, 幾驚趕唔切check-in.  最後我當機立斷, 叫Daddy開車去將車泊喺Tenah Merah Ferry Terminal, 另外叫姐姐將後備車匙交俾好友們, 再拜託好友們去ferry terminal攞車.  感謝主, 雖然過程有點驚險, 但主為我們開路, 居然highway暢通無阻, 我哋都順利準時check-in, 我哋的車亦安全地被駕返屋企樓下停車場.因為之前領教過Bintan那邊的出入境廳的擠迫和混亂, 今次又冇姐姐同行幫手, 想舒服啲, 就upgrade 了坐emerald class, 即商務位.  大人加多S$21一程, 小朋友S$13一程, 唔算貴, 但方便好多.信用咭款的那張就是boarding pass 了, 上船時要好似搭地鐡咁將呢張咭拍喺部機度, 之後就會收番, 所以想留念的, 記得上船前先影低.

過了immigration後, 就可以入emerald lounge, 好少人, 好舒服, 有冷熱飲品供應, 仲有乾淨廁所.

可以睇電視, 又可以免費上網.  囝囝們打機, Daddy睇報紙, 我就做最討厭的事 -  填入境卡, 填四張, 寫到手軟.

室外還有個小遊樂場, 可惜外面仍下雨, 唔玩得.

Emerald class 係最後先上船的, 而且還有buggy服務, 有專人開車送我哋去到上船地方, 唔駛自己行, 因為都幾遠吓架. 船上有劃位的, 坐位都好濶, 椅背可以傾斜的, 還有免費冷熱飲品.  如果你的護照需要落地簽証 (特區護照免簽証, 但BNO就要), Emerald Class 會有專人在船上幫你辦, 過境時就唔需要去排長龍攞簽証, 所以我覺得俾多啲啲upgrade 去Emerald class係值得的.

今次短短四十五分鐘船程, 感覺特別耐, 因為落雨關係, 好大浪, 隻船勁拋, 坐到我頭暈暈, 幾乎想嘔, 但兩個囝囝仲鬼咁龍精虎猛.終於到喇, 揾到Club Med個櫃台, 就可以check-in了, 行李交給工作人員, 我哋就可以兩手fing fing 上車.

十五分鐘車程就到了, GO 們(即Club Med的員工)列隊歡迎, 簡短介紹後就由GO帶我哋去房.

今次住Deluxe Seaview, 房間算幾寛敞.  我哋的是兩間相連房, 一間是King bed, 另一間是twin bed.  兩個囝囝夜晚都要同我瞓, 所以三個人瞓張大床, Daddy就獨瞓一間房.

房裏面有書枱, 但上面沒燈, 也沒枱燈, 應該唔打算會有人嚟呢度做嘢啩.  仲有房裏面沒有lan, 但有wifi, 去reception攞戶口同密碼就可以用.  每間房都提供兩樽水, 但飲完後唔會再俾新既.  其實响呢度根本唔會有口渴的機會, 所有飲品都免費任飲, 駛乜留喺房飲樽裝水?  我哋都只係開咗兩樽水咋.

門口旁有大衣櫃, 另一邊是廁所和浴室.

Club Med 是法國品牌, 房間設計都跟歐洲大陸式, 廁所和浴室是分開的.

廁所旁邊有風筒和兩個袋.

兩個袋係乜呢? 就係叫人執房同唔好打擾既牌嘞, 好得意.

浴室好大, 都好乾淨.

浴室用品一應俱全.

房裏面有個mini bar, 但食完飲完後係唔會再添加的.  Club Med裏面係全包的, 任食任飲任玩.  全日都有食物供應, 又邊會喺房食杯麵飲汽水吖?  我哋完全冇掂過個mini bar.

噢, 我哋啲行李呢?  响碼頭交低後都未見過喎. 唔怕, 等一陣就有人送到嚟門口嘞.坐一陣就去餐廳食午餐, 自助式的, 不過我剛暈完船浪, 未有胃口, 食咗少少亦冇心機影相.食完之後都仲落緊雨, 囝囝哋係咁嗌要去泳池都唔去得.  好彩, 落雨室內都有嘢玩, 大家去打乒乓, 哥哥第一次玩, 要先學開波.

細佬只有執波的份, 怕佢執波時撞到頭或者俾隔籬枱的人打到, 所以快快拉佢去玩其他嘢.  細佬好鐘意玩呢樣, 佢叫呢樣做"dropping coin"喎.  我哋玩緊時, 有職員嚟問要唔要飲嘢, 我叫咗杯有酒的China Blue, 都唔錯.

之後又一齊玩carrom, 好似康樂棋咁, 但用手指去彈既, 以前預科時成日玩的, 十幾年冇玩了, 連點用手指彈都唔記得了.

二十張相了, 下篇再續.