帶咗啲goodie bags 去分俾兒童祟拜既小朋友. 呢班係大細路班.
細佬就喺細細路班, 細佬嗰日第一次返兒童祟拜呢, 以前一向喺baby room. 雖然佢都未聽得明老師講乜, 但俾佢習慣下囉. 最開心當然就係玩玩具時間啦, 佢第一時間衝去柜度攞玩具.
返完教會就約咗嫲嫲同兩個姑媽去飲茶慶祝同切蛋糕. 呢個就係我親自整既mango mousse cake. 跟Vanlily用cigarette paste畫火車做圍邊, 我畫時大少指指點點, 呢度要黃色, 呢度又要粉紅色, 結果我畫咗成粒鐘.
個餅面就求其咗啲, 但星期日朝早六點幾未瞓醒砌既, 唔要求得咁多架嘞.
大少好鐘意個蛋糕, 猛同人講trains going round the cake. 不過佢唔肯食個圍邊噃, 因為佢淨食朱古力色既蛋糕.
好彩佢都肯食啲芒果慕絲.個蛋糕就係我今年送佢既禮物, daddy 仲問我: '我哋今年真係唔送禮物俾佢呀?'. 嘩, 已經兩個蛋糕, 再加埋成擔心機, 仲要送? 你估生日真係大晒咩!
No comments:
Post a Comment