細佬四歲喇!

時間過得真快，眨下眼細佬今日就四歲了。

今朝一早帶齊蛋糕食物和禮物包到學校開生日會。

先將食物放在桌子上，老師熟練地掛上生日快樂banner.  小朋友們一見到angry bird蛋糕就勁興奮，不停地叫"angry bird", "angry bird", 老師就不停地叫小朋友們返回座位，唔好碰個蛋糕。

細佬好開心咁同其他小朋友講今日係佢生日，有少少怕醜地坐低影相。

老師安排小朋友企好影大合照，小朋友每逢有生日慶祝都好似自己過生日一樣咁開心。

企喺細佬右邊的就是上次潑水的Oliver了。

吹臘燭。

細佬右邊的老師以前教過哥哥的，細佬手抱咁大時就已經見過，現在也是細佬最愛的老師。

今次的蛋糕下層的清蛋糕做得不大好，但小朋友食蛋糕時仍大叫“very nice"，哈哈。

細佬食得好滋味， 仲好滋油地食，害小朋友們等得好心急，因為要佢食完才可以分禮物包。

呢邊習慣是生日的小朋友要分禮物包給其他小朋友的，所以噚日就買定小禮物和一點糖果零食，這就是禮物包的內容了。

細佬自己裝的禮物包，共十八份。

今次本來想試試整立體蛋糕，但又唔得閒，還是整番普通款好了。 因為要給全班同學仔食，特登去買個10吋Ｘ10吋的慕絲模。 第一次整咁大個蛋糕，開始時份量計得唔啱，焗片蛋糕底時太薄，要重焗，結果是太厚，不過都照用。細佬說要士多啤梨和朱古力蛋糕，所以就整個strawberry and chocolate mousse cake。今次的angry bird 我覺得幾滿意，尤其係對眼，第一次用朱古力畫圖案哩。本來用了M&M朱古力作圍邊裝飾，小朋友的蛋糕要多啲顏色嘛。

點知雪過夜係啲M&M溶晒，我要逐粒拎走，蛋糕就變咗咁樣嘞，嗰一刻真的欲哭無淚。朱古力雪過後還滴汗，我見到個心淌淚呀!

唯有噚晚漏夜打個truffle mousse唧在上面遮醜，不過都遮唔晒，激死！

不過，老師們居然睇唔出蛋糕是自製的，以為我是買現成的。 當知道是我自製後，都話：“咁就算減肥都要食喇。” 其實老師們成日都有生日蛋糕食，所以佢哋都食到怕。校長說她食了三十幾年蛋糕，通常都唔會食，但今日就俾面我食咗少少。