年尾太多節目, 呢餐要排到今日先出到.
冇咩特別菜式, 寫低主要係要表揚吓我家的能幹姐姐.
冬至前一晚十點先醒起第二日係冬至, 雖則响香港時已經和香港屋企人做節, 不過始終冬至正日唔整番餐會覺得有些少久缼.
朝早出門口前同姐姐講今日冬至, 叫佢自己求其煮幾味. 跟住下晝佢打嚟公司話會煮豉油雞, 又話煮蜀米湯.
放工返到去, 姐姐已經煮好晒, 仲好豐富添.
清蒸黃花魚
半隻豉油雞. 姐姐已經係煮豉油雞能手, 佢煮得仲好食過我煮, 皆因囝囝成日都要佢煮豉油雞翼雞脾, 工多藝熟.
冰豆腐冬菇炆五花腩, 第一次食冰豆腐, 吸晒啲汁料, 勁好味. 姐姐自己摷我的食譜來煮的, 個食譜係我媽咪响唔知邊份報紙度剪番嚟既, 媽咪知我鐘意煮嘢食, 每次見到好味的食譜都會幇我剪低.
貴妃蚌扒青菜, 唔知呢隻菜中文名係咩, 呢邊叫Shanghai green.
三餸一湯都已經好豐富, 食完後仲有湯飲. 姐姐下晝同我講時, 我以為佢指罐頭蜀米湯, 因為我話求其煮就算, 點知佢煲埋老火湯 (好似係節瓜蜀米紅蘿蔔排骨湯).
食完呢餐太感動了, 好感恩有個咁能幹的姐姐, 為我照顧兩個囝囝, 打埋家頭細務, 讓我每日放工返屋企就有熱辣辣的飯餸等着我.
本來打算飯後整桂花酒釀湯丸, 但兩個囝囝嗰日下晝開始發燒肚疴, 所以飯後要帶佢哋去睇醫生, 今年就冇食湯丸了.
F
ReplyDelete