終極一糕

聽晚就年廿九了，但聽朝仍要返教會，唔會有時間去街市買菜，所以今朝一早起身就帶埋姐姐去街市。

原來好多人都好似我咁今日去入貨，可能聽日好多檔口都唔開啩。
一去到街市，人山人海，直頭舉步艱難。 之後去Sheng Siong， 希望揾到豆苖，哈，居然大把，咁要同平日價錢一樣，開心屎我， 即刻掃了六包。

超市同街市一樣咁多人，連稱嘢條隊都要轉幾個彎，揀菜又要攝位，買餸買到好似去打杖咁， 好彩今日帶埋姐姐去，多雙手嚟搶嘢都快啲。

噚日下晝請假在家，點可能整少少豬肉乾就止到手痕哩，所以整埋黑糖年糕。

第一次整，原來咁簡單喎。網上好多唔同食譜，我見Samwei跟T&P食譜，我又照跟，都算成功，只係甩模甩得差啲啫。仲未試食，未知咩味。

今日午餐，煎芋頭糕，豉油王炒麵和白粥，好香港早餐feel, 食得好滿足呀!

今年的芋頭糕好好味哩！