星期日返完教會就諗要為大仔預備咩茶點, 因為佢今個星期開始要上enrichment class (差唔多興趣班和補習班), 星期一到四毎日都要上. 要留喺學校多成個幾鐘, 一定要帶啲茶點返學, 咪返到屋企佢會餓扁.
諗來諗去都唔知整乜好, 問佢要乜, 佢又話唔知, 最尾都係話要伯爵奶茶小蛋糕. 同上次一樣要有藍莓和朱古力喺面, 仲刁鑽到話要加埋兩片薄荷葉, 真係睬佢都儍!
一次過整好多個, 夠佢食足四日嘞.
佢真係食足咁多日都唔厭噃, 不過佢將啲藍莓俾晒同學仔食, 淨係食個蛋糕同上面少少既朱古力. 問佢點解唔食啲藍莓, 佢話: "我唔鐘意食, 我只鐘意個蛋糕同朱古力". 俾佢激奀! 早知就唔駛特登走去買啲藍莓啦, 嘥我時間金錢!
食譜請參考舊post.
No comments:
Post a Comment