教會崇拜完返屋企, 第一件事就拎晒所有禮物出嚟. 大仔由上星期開始就日日同我講"Merry Christmas, can I open the presents?". 我話唔得, 一定要等26號.
我和Daddy送他們一人一本書, 大仔對呢本Prehistoric Predators愛不釋手, 細佬一向對書冇乜興趣, 眼尾都唔望一眼, 只啩住睇由教會拎番嚟啲糖果.
今年囝囝的德國契爺話响嗰邊揾唔到囝囝想要的禮物, 索性托我幇佢買, 而佢就喺嗰邊幇我買禮物俾佢囝囝Fritz. 呢個方法其實都幾好, 慳番好多郵費.
佢哋大姑媽送的大頭狗t-shirts.
呢盒就係大仔最想要的禮物, Animal Kaiser card. 都唔明有乜咁好玩, 只係一張張紙咭. 有時細路仔真係唔需要買貴的禮物, 呢盒先三蚊, 佢己經開心到飛起, 反而嗰啲幾十蚊佢都冇興趣.
本來德國契爺叫我幇佢買Animal Kaiser card 嚟送俾囝囝, 但Daddy 唔俾我買, 話只係一張張咭, 唔抵又嘥錢, 所以就另外買咗啲Toy Story玩具俾佢哋囉. 上面嗰盒咭係我偷偷去買的.
呢盒Toy Story玩具有兩個面具和兩個對講機.
細佬鐘意Woody. 佢疴咗幾日後, 個大肚tum唔見咗, 塊面都尖埋, 心痛屎我嘞. 佢噚日話: "我唔要再疴啦, 我要去街街", 好好笑, 佢幾日冇得出門口, 悶到慌喇.
仲有呢個tent, 兩個即刻入去玩. 細佬成日想學大佬擺V字手勢, 但又唔識擺, 好搞笑.
個相框係我的禮物, 另外還收到一個煲, 但家裏已經好多煲, 只好原封不動收到儲物室去.
F
ReplyDelete