印尼椰汁糕, 糯米肉鬆卷 (食譜)

每次返到香港都會為香港家人弄些點心, 蛋糕之類, 可以氹吓小朋友, 大家又可以食得開心.

今次就整了印尼椰汁糕, 連香蕉葉和椰漿都由呢邊帶番去, 費事去到香港先揾.

呢款糕的食譜是我一個印尼華僑同事給我的, 她說印尼話叫nagasari, 但我家印印姐姐話nagasari係用糯米做.  上網查查, 似乎係應該叫hunkwe, 用綠豆粉加椰漿整的, 我加了蜀米粒.  呢款糕好滑好香椰汁味, 用蕉葉包所以仲有微微的蕉葉香, 凍凍哋好似食啫哩, 啲小朋友好鐘意食.


另外我家姐姐提議整糯米肉鬆卷, 糯米先用水和椰漿煮至半熟, 加蓋焗十分鐘, 再移至盆上蒸至糯米熟透和軟身.  糯米攤凍後包入肉鬆, 再用蕉葉包裹, 用牙籤封口, 隔水蒸十分鐘.

戴上膠手套或用保鮮袋來包會比較容易, 否則糯米會好痴手.

邊蒸邊聞到好香的蕉葉味, 媽媽話好食, 細妹拎番屋企食, 一陣就食清.

媽咪話鐘意食我整啲蛋糕, 所以臨飛前焗了斑蘭戚風給她. 

印尼椰汁糕

食譜

材料:

綠豆粉 90 g

糖 180g

Kara 椰漿 1 盒 (200ml)

水 900ml

蜀米  半罐

煉奶 1 tbsp

鹽   < 1tsp

香蕉葉

1. 香蕉葉洗淨, 在火上略烘使其變軟, 剪成小塊備用.
2. 水, 椰漿混和綠豆粉, 加糖和鹽攪勻, 用慢火煮至杰身, 煮時要一直攪拌, 以確保沒有粉粒.  離火, 加入煉奶和蜀米.

3.  將適量綠豆糊包在蕉葉中, 放雪柜雪至凝固. 

註:

1. 蕉葉只要在火上掠過幾下即可, 不要直接被火燒到.
2. 綠豆粉可在超市買到, 通常一卷卷用紙包的, 上面寫着hunkwe. Phoon Huat亦有售, 叫phoon kueh powder, 白色的, 千萬不要買黃色的green bean powder, 那是已炒過的.
3. 可用香蕉代替蜀米, 要用較生的, 先連皮蒸軟, 然後剝皮切片.  先加兩湯匙綠豆糊在蕉葉上, 放上香蕉片, 再加一至兩湯匙糊.
4. 如冇蕉葉, 可用保鮮紙包, 甚至倒在一大盆裏, 凝固後再切件亦可.