應節小食

香港過年家家都會有個全盒，放糖果，瓜子，糖蓮子，糖蓮藕之類。

新加坡就好少見放全盒的，很少人食瓜子，更加少見糖蓮子之類。可能因為啲糖乜乜物物都唔會經得起這邊又熱又潮濕的天氣吧。

呢邊新年家家戶戶會準備一罐二罐的曲奇，鳯梨酥，炸腰果，蛋卷等等來招乎客人。

雖然今年唔會有人嚟我家拜年，但過節都要整啲啲嘢嚟應吓節嘅。

在Miho Kitchen找到腰果酥的食譜，整了心心形的。因為心心太細，腰果要折半才放得下。

有啲腰果細粒少少就可以原粒上，成品出來樣又靚又勁好味，唔太甜但非常酥脆。下個星期我會再整多次來帶番香港俾我媽咪試吓。

既然開爐，順便整埋唧花曲奇， 不過太耐冇整，唧得肉肉酸酸。

用八啞嘴唧原味，有大有細。

唧完原味，懶得洗個八啞嘴，隨手拎起個五啞的來唧綠茶味，但五啞就咁唧星形有少少怪，想唧玫瑰花又唔多啱。

亂亂唧下唧咗啲好似繡花球形的，又幾得意噃。

呢度就係我今年的應節食品喇，除咗鐵罐面的蛋卷外，其除都是自家製作的哩。

呢盒其實就係我要開爐整曲奇的原因，細佬學校要每人帶少少應節食品回校慶祝新年， 我又唔想買外面賣的，怕佢哋唔知用啲咩油嚟焗，驚唔健康，咪自已整囉。