The Music of Andrew Lloyd Webber

媽咪到咗喇!  好開心呀!  佢第一次自己去香港機場, 自己check-in, 自己入閘上機, 所以我都有少少擔心.  不過佢好叻, 平安到達.

噚晚我整定咗隻醉雞俾媽咪試, 佢好鐘意食。飯後我哋仲同囝囝哋一齊去散步，好開心哩。

上星期六我和Daddy去了Marina Bay Sands睇The Music of Andrew Lloyd Webber, 啲飛好貴, 好彩Daddy公司買有優惠.


經公司訂仲可以攞到好位添, 睇下幾近個台.

演出時唔影得相, 所以無相俾你哋睇, 只可以分享我的感受.

成個show有四男三女演出, 服裝只係好簡單登台式閃閃的衫裙, 舞台沒有特別佈置, 只有個大屏幕投影, 亦沒有大樂隊伴奏, 全場齋唱再加少少跳舞.
不過全部都唱得好好，尤其鐘意個女高音，啲高音唱得好好聽，唱Phatom of the Opera時好輕鬆咁就唱到high E.
抵唔抵睇就見人見智，差唔多價錢可以去睇成套舞台劇，但呢個就係好似睇演唱會，如果鐘意聽Andrew Lloyd Webber啲歌既話就會好enjoy.
第一次去Marina Bay Sands, 梗要行一圈睇睇。
發現响同一個地方有齊三間銀行的提款機，响新加坡好難得架，通常同一個商場都說要行好遠先揾到另一間銀行提款機架。

咁為顧客着想既商場，真難得啊!
原來，為咗方便人拎錢入去奉獻俾金莎集團。

平時駕車經ECP離遠望見朵蓮花，原來就响Marina Bay Sands隔籬。

我的手機影相真係幾好。

其實我的相機突然又翻生，又用得，所以當晚相機同手機都同時用來影相。
難得有機會，着上上次响香港買的長裙。叫Daddy幫我影相，結果幾乎要攞放大鏡先睇到我個樣，仲有咁多活動佈景版喺旁邊添。問佢做咩影到我咁細，佢話影後面啲影嘛，影你有咩好影，激死我!

影完一張，又叫佢再影我大啲， 影咗好多相後，終於見到我個樣嘞。
呢張試手機的special effect, 我好鐘意呢種懷舊感覺。呢張係完全無經電腦後期加工的。