第一, 我媽咪成功幫我從香港Zara買到一條我睇中好耐的裙. 同一條裙在呢邊賣香港幾乎兩倍價錢, 就算減價都仲貴過香港正價. 香港Zara同呢邊同日開始減價, 我即刻叫媽咪去太古廣場幫我買, 上星期去無我size, 昨日媽咪唔死心再去幫我揾居然到幫我買咗, 開心死我喇! 媽咪太好了.
仲有媽咪下個星期就過嚟探我喇, 我又有機會痴住佢嘞, 非常期待哩. 第二, 今日工作上完成了一個令我緊張了幾日亦花了幾個月去準備的重要任務, 計劃順利通過, 感謝主, 值得今日獎勵自己准時放工 (前幾日都準備到好遲先走).
講完開心事, 講番之前姐姐煮的焗豬扒飯.
我諗緊要唔要開多個"姐姐靚餸"嚟記錄姐姐啲作品.
之前Daddy順口話要食焗豬扒飯, 姐姐某日就真的煮了. 姐姐自己係唔食焗豬扒飯的, 佢話好怕啲炒飯撈埋啲茄汁一pat pat咁喎. 所以佢只係煮俾我哋食, 自己食白飯配炸豬扒.
咁啱有mozzarella, 就加埋上面焗. 細佬鐘意食芝士, 大佬唔食, 所以一兜有芝士, 另一兜無.
姐姐炸豬扒好好味, 個個食到lam lam 脷.
姐姐專為Daddy而煮的焗豬扒飯, Daddy當晚居然臨時話唔返嚟食, 唯有留返佢嗰份俾佢第二晚才食.
作屎你 咁鬼吸引
ReplyDelete[版主回覆07/08/2011 09:34:00]哈哈, 咁我再post多啲正餸嚟引你啦.
焗豬扒飯...正呀..... 你兩個都係仔仔，咁logo相個女仔係邊個嚟㗎？
ReplyDelete[版主回覆07/08/2011 09:35:00]嗰個係我嚟架, 兩歲時影的. 我都好想有囡囡, 可惜無.
哎呀..我遲左..TIM...我都見到ZARA減價...想起你...唔知你要唔要買條裙...返左工後..個人好累.....仲未習慣....有心無力....
ReplyDelete[版主回覆07/08/2011 09:37:00]你仲記得嗰條裙呀? 唔緊要, 我知你有我心. 返新工係要時間適應, 慢慢嚟啦.
咁啱, 我今晚都係焗豬扒飯, 不過係"為你做足一百分" 大x樂
ReplyDelete[版主回覆07/08/2011 09:38:00]如果我呢邊有大x樂, 我就唔駛自己煮啦.
你個姐姐整既焗豬扒飯....賣相好正呀!!!!
ReplyDelete[版主回覆07/08/2011 09:39:00]姐姐好叻煮嘢架, 不過我哋煮唔出大x樂既味道.
yummy ar!!
ReplyDelete[版主回覆07/08/2011 09:39:00]炸豬扒, 炒飯底配茄汁, 飯都食多幾碗呀.
我煮唔到大x樂o既味道.
ReplyDelete[版主回覆07/08/2011 09:40:00]其實我都煮唔到嗰個味, 不過呢邊無大x樂, 就咁都好滿足架啦.
恭喜雙喜臨門， 其實連埋伯母去星球， 就triple happiness
ReplyDelete[版主回覆07/08/2011 09:41:00]係呀, 真係超開心.
我要食有芝士既!!!
ReplyDelete[版主回覆07/08/2011 10:07:00]醒目, 梗係有芝士既好食啦.
真羨慕！ 你又可同媽咪相聚！
ReplyDelete每次返香下，我地一定去大X樂去食焗豬扒飯！ 我都試過自己整，但真係整唔到大X樂既味道！
[版主回覆07/11/2011 13:34:00]自己梗係煮唔出外面食既味道, 唔知佢哋有咩秘方呢?
真好正喎,我都要有芝士架
ReplyDelete[版主回覆07/11/2011 13:34:00]梗係有芝士香啲啦.
個樣好正呀, 我都lam緊脷~
ReplyDelete[版主回覆07/11/2011 13:35:00]我睇番都想再食.
你家姐姐真係好叻叻,有佢幫手,真係好放心呀!!
ReplyDelete[版主回覆07/11/2011 13:36:00]佢好醒架, 乜都識, 以後佢唔做我就慘囉.