老巴刹

自從媽咪嚟咗後, 兩個囝囝就成日痴住婆婆, 尤其係大佬, 食飯要坐婆婆旁邊, 瞓又要同婆婆瞓, 沖涼要婆婆陪, 做功課都要婆婆坐喺側邊, 總之大佬一放學, 婆婆就好唔得閒.

星期六晚帶媽咪去老巴刹食沙爹.  媽咪其實對呢邊啲食物幾熟悉, 因為我祖母外家喺呢邊, 所以我未嚟之前媽咪都嚟過旅行.

一坐低, 就有人遞餐牌過嚟, 媽咪見到個印度餐牌上面有kumbing soup (羊肉湯)就即刻點.  佢好懷念以前喺Whitney Road天橋底啲大牌檔食過既kumbing soup, 可惜嗰個大牌檔已經無咗好多年, 我以前初嚟時都成日由宿舍偷偷去嗰度食宵夜.

噢, kumbing soup上桌時, 媽咪極失望.  水水的, 只有粒粒羊肉在湯裏.  她以前食的是很濃的, 還有隻羊腳靴的.  這一碗要S$5, 勁呃錢!

有人扭計,要玩我部電話, 但費事兩兄弟爭一部電話, 兩個都冇得玩.

今次啲沙爹無上次的好食, 嗰度有好多沙爹檔, 除非成日去知道邊檔好味, 如果唔係要睇彩數.  今次幫襯stall no. 7&8, 肉醃得太過頭, 吃不到肉味.  沙爹醬太濃香料味, 我唔鐘意.  建議你哋去唔好由呢兩檔order.

嗰晚真係矇查查, 叫完沙爹就求其叫了燒魔鬼魚之類, 但唔醒起睇清楚先叫, 結果原來叫的那檔是馬拉人開的, 好難食.  下次要記得幫襯後面着橙色衫侍應嗰檔, 好食好多架.  你哋坐低望向沙爹檔後面就會見到大大個檔口賣燒烤海鮮和普通炒餸的就啱嘞, 記得唔好好似我哋咁儍更更唔睇清楚就點嘢呀!

今次好失策, 但唔緊要, 媽咪同我哋一齊出街都好開心既.

星期日媽咪同我哋一齊返教會, 希望媽咪快啲接受福音啦.  大佬好乖, 成日叫婆婆信主, 婆婆聽唔明佢講乜, 佢就叫我講.  返完崇拜去食早餐.  教會朋友個個話我同媽咪好似樣呀.