泰式紫椰菜蝦沙律, 青咖喱雞

今日又有客到, 囝囝的德國契爺一家到訪. 

佢哋今朝六點半飛到, 因為酒店要下晝兩點先可以check-in, 所以先到我家沖個涼, 休息一下. 

所以今朝我一早起身恭候, 要預備好毛巾和沐浴用品, 還準備了一堆食物給他們做早餐.

他們八點正到我屋企, 見到佢哋真開心.  他們的囝囝比大佬細兩年, 我兩年前到德國時見過佢, 依家個樣都冇咩變, 只係大隻咗啫.  小朋友成十二個半鐘機都冇瞓過, 所以朋友兩公婆都全程冇得瞓, 陰公.

安頓好佢哋我就返工嘞.  姐姐啱啱報告: 大佬和朋友囝囝玩Sudoku(數獨?).  乜六歲半同四歲半細路識玩咩?  佢哋仲要係完全言語不通.  連我都聽唔明朋友囝囝講乜, 平時睇都仲睇得明少少德文生字, 聽就真係一啲都唔掂.

我請咗假聽日陪佢哋去動物園, 三個小朋友一齊去, 一定好好玩, 依家已經好期待. 

講開呢個德國朋友就要post吓泰國菜, 因為我本泰國食菜就係當年佢送俾我既.

上星期六整的紫椰菜蝦沙律, 加了洋蔥和車厘茄, 紫椰菜又甜, 配上泰式醬汁, 好味好開胃.  家裏冇指天椒, 只用普通紅椒, 不夠辣. 

姐姐某日煮的泰國青咖喱雞, 明知我想減肥, 佢仲整啲咁正既, 直情想靠害.  個咖喱都幾辣吓, 攪到我仲食多啲飯添. 

青咖喱雞食譜.

蜂蜜優格蛋糕卷

上星期六一口氣整了兩條卷蛋, 充作父親節蛋糕的檸檬奶油蛋糕卷和蜂蜜優格蛋糕卷, 兩個都是出自孟老師的美味蛋糕卷一書.

優格是甚麽? 台灣人的叫法, 就是酸乳酪, yogurt是也. 

這次卷得不好看.  蛋糕是加了蜂蜜的, 有淡淡的蜂蜜香味.  夾心是buttercream加原味乳酪(natural yogurt)打成, 因為加了酸酸的yogurt, buttercream不會覺得膩滯, 反而感筧很清新.

蛋糕面有啡色一點點, 因為我直接用墊在蛋糕底那張牛油紙來卷, 蛋糕屑就黏到蛋糕面了. 自家吃的, 隨便吧.

我覺得這蛋糕很好吃, natural yogurt 和honey很配.  孟老師的這兩個食譜都很好, 容易又好味. 

偏偏大佬不喜歡, 他嫌酸, 檸檬卷嫌酸還情有可原, 但honey yogurt都話酸就太過份. 

檸檬卷留在家裏沒人肯食, 最後我要帶回公司請同事食, 大穫好評.  這條蜂蜜優格卷蛋看來也是要送進同事的胃裏. 

辣椒螃蟹

中學同學W和她老公從英國來新玩, 昨天下午飛到, 和Daddy去機場接機, 之後直接到東海岸食辣椒螃蟹.

無招牌一向是我的最愛, 以前在West Coast虎豹別墅時就開始捧場, 一直覺得那裏的辣椒螃蟹最好吃.

這次當然也不例外, 只是是在East Coast Seafood Centre的分店, 這分店我也是第一次去.

全店都沒冷氣, 我們索性選露天座位, 在星星月光一邊看海一邊享用美食, 陣陣海風吹來, 還蠻寫意.

我們四個人點了兩碟蟹, 一碟辣椒螃蟹, 一碟薑蔥焗蟹.

看到這盆辣椒螃蟹真有點失望, 怎麽不可以擺好看一點才上桌.  賣相不好,  不過味道還是一貫水準, 蟹肉鮮甜有彈性, 辣椒汁甜甜辣辣, 配炸饅頭是一絶.

父親節

今年差點忘了父親節, 因為天堂尚未有IDD連接, 不能像以往打電話祝爸爸父親節快樂.

教會崇拜完結時, 牧者祝各父親父親節快樂, 我才驚覺原來到了父親節.

囝囝現在學校放假, 也不知道昨天是大日子, 還好兒童崇拜時老師教他們做父親節咭送給Daddy.

我甚麽都沒準備, 幸好星期六有空時做了兩條卷蛋, 剛好充作父親節蛋糕.

細佬以為是他生日, 要唱生日歌.

這是照孟老師<<美味蛋糕卷>>裏的食譜做的檸檬奶油蛋糕卷, 加了檸檬汁在蛋糕和奶油霜裏, 味道很清新, 蛋糕本體也很鬆軟.

簡單的霜飾也很不錯.

梅菜扣肉 (附食譜)

最近比較忙, 又懶, 似乎越來越少上菜. 

今個星期只上過一個豬肚肉骨茶, 今日就上多道梅菜扣肉啦.

兩隻為食豬

小朋友的食量, 從來不能小看, 也不可預測.

囝囝們有時在家裏一碗飯可以食足一個小時, 但遇上特別鐘意食物, 又可以五分鐘內食完.

上星期日姐姐放假, 我又留在教會詩班練習到很遲才回家, 索性晚上出外食.

大佬要去NUSS上游水堂, 順便帶細佬一齊去玩水.

豬肚肉骨茶 (附洗豬肚方法)

上次我話過會post洗豬肚方法, 拖了幾個月, 終於星期六特地買個豬肚回來.

根本無諗過要點煮個豬肚, 純粹為了要影低洗的步驟, 最後由姐姐決定用來和腩排一齊烋肉骨茶.

朋友說Prima Deli的肉骨茶湯包好味, 買了一包來試.  湯很清, 我唔鐘意黑麻麻的湯, 所以沒加醬油. 姐姐已經另外再加胡椒粒, 我仍覺得不夠胡椒味.

不過今次個豬肚好味, 又滑又腍.

教會生活營2011

我教會每兩年會舉行一次生活營，地點都是就近的馬來西亞。

今年生活營由6月5號至7號在馬來西亞Johor的Pulai Springs Resort舉行，如果沒塞車一個鐘頭車程就到.

出發前一日, 馬來西亞開始要所有入境遊客打指模, 新聞報話當日排隊過關要排成五個鐘頭, 我哋都好擔心.

感謝主, 我們出發那天馬來西亞決定只抽樣打指模, 我們過關時都不用落車, 在關卡只等了個半鐘.

下晝兩點鐘到, 但三點鐘才可以取room key.  先玩玩遊戲, 大人細路都玩得開心.

banana muffin 香蕉蛋糕

呢篇打第二次了, 第一次打好後俾yahoo食咗, 遍尋不穫, 希望yahoo今次唔好咁為食啦, 我唔會打第三次架.

收在草稿匣好耐, 唔記得幾時整的香蕉蛋糕, 跟了Vanlily 的Chef Bo食譜.

用了兩隻已出梅花點的香蕉, 超香香蕉味.

I'm a cat

自從由教會生活營返來後，成個人感覺好殘，面上長了暗瘡，每日仲覺得好攰，攪到我冇晒心機。我諗我要過咗週末先可以完全回復正常，所以先寫啲輕鬆嘢。

繼上次話肚仔漲卜卜要睇醫生後，細佬又嚟佢啲奇怪藉口。

生活營食早餐時，細佬飲緊杯凍橙汁，姐姐叫佢食炒蛋，

細佬答： “I cannot eat egg, I will cough"

飲凍橙汁唔會咳， 但食雞蛋會咳，奇聞哩。

有時佢皺埋眉頭，扮嬲，

話： “I'm angry"

"I'm a cat.  I'll eat the tiger"

跟住張大口扮咬人，"Mum mum mum"

"喵，喵，喵“

咩猫咁大隻食得落隻老虎呀？ 有冇人可以話我知。

兩兄弟好鐘意扮猫，會叫我畫個猫面具俾佢哋帶，仲要攝條尾喺褲頭橡筋度，跟住就喵喵叫咁爬。呢張係上年影的，一時間揾唔到佢哋帶住面具影的相。

"健康"版墨西哥包

失踪了幾日, 因為星期日崇拜完後就去了教會的生活營, 昨天才回來.  生活營的相要時間執, 遲少少先post.

為免你哋掛住我 (不要臉啊!), post住舊作先.

上次整地瓜泥蛋糕卷買了日本黃色蕃薯, 有剩的就用來整包包.  本來想跟仙姐的十七小時紫蕃薯麵包, 但不夠蕃薯做餡, 就改成齋包.  又怕齋包囝囝們唔鐘意, 於是加多層墨西哥皮上面, 把原來健康的蕃薯包變成不太健康. 

用了十七小時麵種, 包包很鬆軟, 有香香的蕃薯味, 加了墨西哥皮, 外脆內軟, 不錯, 不太甜剛合我意.  但囝囝哋嫌不夠甜, 唔鐘意, 最後全部都是我一個人消化掉.

苦瓜排骨湯

我好耐好耐冇煮過苦瓜, 耐到完全唔記得最後一次煮過啲乜.   唯一買苦瓜係買已釀入魚肉的釀苦瓜.  唔買係因為我唔知點煮, 又怕屋企人唔食, 但我其實鐘意食苦瓜架.

我三嬸係台灣人, 由台灣嫁到香港, 當年煮過一次苦瓜排骨湯來解鄉愁.  嗰時香港只有綠色苦瓜, 沒白色的.  聽說白色的冇咁苦, 但沒選擇下, 三嬸用了綠色的來煮, 湯是非常苦, 記得冇人肯飲, 當然就冇第二次.

有日响超市見到大大條白色苦瓜, 諗起三嬸的苦瓜排骨湯, 就買來試試.

參考了網上的不同煮法, 就成了這碗苦瓜排骨湯.  除了苦瓜和排骨外, 還加了甘草, 鹹酸菜, 黃豆, 胡椒粒和淡菜.  煲了兩個鐘後, 苦瓜還帶點苦味, 湯亦有少少苦但帶甘甜, 連囝囝哋都肯飲.  一大煲湯飲唔晒, 有剩第二日再翻熱, 居然更好味, 苦瓜完全唔苦, 連湯都唔苦, 反而飲到胡椒和鹹酸菜味, 好正哩.

這湯具清暑除熱, 明目解毒功效, 最啱大熱天時或食得多熱氣嘢時飲.

三餸一湯 29 May 2011

本來唔諗住post呢餐, 更無打算影相, 但要開飯時, Daddy叫停所有人, 話要等我影完相先可以食.  難得佢咁有心, 就影低呢餐.  Daddy仲同姐姐講: "要影低呀, 咪陣間佢話冇嘢post".

呢餐諗煮咩餸真係諗爆頭, 於是問Daddy想食咩, 佢話焗豬扒飯.  但我又唔想咁多功夫, 最尾都冇煮, 反而煮了Daddy最唔鐘意的連骨雞脾仔. 

焗到金黃色的雞脾, 皮脆肉嫩, 兩個囝囝食得最開心.