豬肚肉骨茶 (附洗豬肚方法)

上次我話過會post洗豬肚方法, 拖了幾個月, 終於星期六特地買個豬肚回來.

根本無諗過要點煮個豬肚, 純粹為了要影低洗的步驟, 最後由姐姐決定用來和腩排一齊烋肉骨茶.

朋友說Prima Deli的肉骨茶湯包好味, 買了一包來試.  湯很清, 我唔鐘意黑麻麻的湯, 所以沒加醬油. 姐姐已經另外再加胡椒粒, 我仍覺得不夠胡椒味.

不過今次個豬肚好味, 又滑又腍.

基於各blog友的回應, 我要加多句:

以下內容可能引致觀眾不安, 敬請注意.  膽小者請唔好繼續睇落去, 否則後果自負. 





















哈哈, 見你咁勇敢睇落嚟, 就教你點洗豬肚啦.

姐姐示範洗豬肚.

1. 先將肥膏剪走.

2. 用鹽捽豬肚, 至潺完全去除.

3. 反轉豬肚, 用鹽捽至沒有潺. 姐姐話要好似用洗衫的手勢去捽喎.

4.  去潺之後, 用水沖乾淨.  燒熱白鑊, 放入豬肚, 此時豬肚會出水.

5. 辣完一邊要反面辣另一邊, 待鑊上的水收乾就可取出, 用來煮食.  如不立刻煮, 亦可以收在冰箱裏, 要煮前解凍即可.

註: 姐姐話其實用步驟2, 3 用檸檬捽會更好, 不過我忘了買檸檬, 所以用鹽, 效果一樣, 不過用檸檬會額外有除異味作用.