孟老師的地瓜泥蛋糕卷

想擁有<<孟老師美味蛋糕卷>>這書很久了, 但在這裏的書局找不到, 上網訂要額外付郵費又好像不值.  終於年頭在網上見到二記有特價, 托香港的妹妹幫忙買, 幾個星期前我回港時就開開心心的把它捧回來.

這書真的很好, 有很詳細的解釋, 還附有兩張教學DVD.  那兩張DVD我還沒時間看, 已經迫不及待嘗試新食譜.

今次試了地瓜泥蛋糕卷, 書裏圖片很吸引, 蛋糕卷裏面和外面都有橙色的地瓜泥, 看到就想食.

星期六買了黃色的日本蕃薯來試, 蒸熟了的蕃薯很香甜, 要很忍得口才能留下足夠的來做蛋糕.

可能日本蕃薯較我們平常的蕃薯乾, 我要加比食譜份量多的淡忌廉和牛奶(食譜沒有的)才可以弄成滑的地瓜泥, 不過我還是嫌乾了點, 不容易抆在蛋糕上.

地瓜泥本來才勉強夠用, 我偏偏不小心弄翻了碗, 把一部份留來塗在蛋糕卷上的地瓜泥掉到地上, 所以蛋糕卷上的地瓜泥只有薄薄的一層.

這蛋糕卷很好食, 加了蕃薯感覺很健康.  事實上也真的是蠻健康的, 地瓜泥才加了50g牛油和50g淡忌廉.

今天早餐就是美味蛋糕卷加一杯咖啡, 作為一天美好的開始.

睇醫生?

細佬最近偶而會話要去睇醫生.

1.  細佬指住個嘴話: "Mommy, my teeth dropped.  Need to see doctor.  Now bo gei (福建話, 無牙)"

因為大佬最近換牙, 要去牙醫度剝牙, 所以細佬有樣學樣, 話自己甩牙.



2. 今個星期呢邊學校開始放一個月假, 我就同佢哋講星期一唔駛返學. 

細佬對假期一知半解, 以為淨係大佬唔駛返學, 快快同我講: "Mommy, I cannot go to school tomorrow."

我問: "Why?"

猶豫一陣, 細佬答: "Because I need to see doctor."

我: "嗄, why?"

細佬: "hmmm....errr...because my tummy big big (大肚tum)."

  笑死我啦, 咁佢都諗到.  佢咁啱夜晚食得多, 肚仔脹卜卜, 咁都可以用嚟做藉口!

最受歡迎碟頭

我家最受歡迎的碟頭是乾炒牛河， 簡單的牛肉，芽菜，洋蔥，一點青蔥和河粉炒成一碟， 全家都會吃得很滋味。

上星期六買了芽菜來煮雪菜肉絲米粉，大佬見到我和姐姐摘芽菜，以為我會炒河粉。一看到是炆米，失望到不得了，所以噚日就順他意炒牛河。

這次炒得很像外面賣的，皆因夠油。其實我用的油量和平時我炒河粉時一樣，只是這次在街市買河粉時剛好是最後最下面的，所以河粉本身已經好油。 不過因為夠油，所以老抽更易撈勻。

English pub food

每日要諗煮咩餸, 是很頭痛的事。幸好星期一至五的三餐, 姐姐會自已諗., 我只需負責星期六, 日。

上星期六想攪攪新意思, 煮餐英式pub food。

以前响英國時, 每星期日返完教會, 好多時都會去pub食午餐, 來個Sunday Roast的。

先來個tomato and basil soup (蕃茄羅勒湯), 用蕃茄, 洋蔥和薯仔來煮, 上菜前才加入新鮮basil, 蕃茄味超濃。

前菜是tomato and mozzarella cheese, 淋上balsamic vinegar sauce, 夠醒胃,  連平時唔食芝士的姐姐都讚。

兩種朱古力戚風

前一排Mei Mei話整唔到雪芳蛋糕，發唔起。知道佢係整朱古力味出事，於是我就試吓整朱古力味來實驗。

手上有兩個食譜，一個要加已溶朱古力，另一個就只需可可粉。

先試要加朱古力的。食譜從書中抄出，但我只抄低材料，沒抄低步驟，無從考究材料的先後次序，只好憑感覺去整。先坐熱水溶朱古力，再加入暖牛奶，然後再加麵粉蛋黃攪勻，最後將打至乾性發泡的蛋白中。朱古力消泡能力真的超强，亦因為麵糊加了朱古力會更重, 一加入蛋白中就即刻見到泡泡浮上面，要好快手拌勻即入爐，幾刺激。

這是用五隻蛋白三隻蛋黃的成果，比平常用四隻蛋白整的戚風矮。

養生桂圓杞子戚風

呢幾日好忙, 大佬呢個星期幾乎日日都有測驗默書, 我晚晚都要陪讀, 日間喺公司都好忙, 所以唔得閒寫blog巡blog.

每次返香港都會整啲嘢給家人試, 今次返之前太匆忙, 只整了個桂圓杞子戚風來孝敬媽咪.

桂圓杞子都有益又養生, 用來整戚風, 味道亦很好.  媽咪怕甜, 所以大量減少桂圓的份量, 但她仍嫌太甜.

旋風訪港(3）15-16 May 2011

返香港第三日，即上星期六，全日留來買嘢。

一早和媽咪同細妹去花園街行，主要買玩具和衫給囝囝們。

午餐就去附近的太興燒味食， 叫了一個八寶飯，好多料好誇張。

旋風訪港(2) 14 May 2011

今次返香港主要藉口係要換passport, 網上申請, 但要返香港領.  係, 係藉口, 咪點可以丟低囝囝哋自己返呢?

至於主要目的, 梗係食嘢買嘢, 仲有陪媽咪啦.  我今次真係全天候廿四小時陪住佢架(除咗上星期五, 因為媽咪要湊細妹對仔女, 咁我就約朋友出街囉), 就算間屋有三間房, 我都係要同佢孖鋪.

返去前一星期, 我打電話返香港book位請媽咪去JW Marriott五樓的Marriott Cafe食buffet lunch補祝母親節. 

上星期六朝早去灣仔攞passport, 跟住就同媽咪去Pacific Place行街等十二點上JW食飯.  一早去到Pacific Place, 冇乜人, 我哋逐間入去睇衫試衫, 媽咪同我一齊入試身室, 邊試邊影相, 好開心啊! 

一到十二點就上去Marriott Cafe, 幫媽咪影張相.  媽咪拎住個小紙袋係我當日戰利品, 我好忍得手, 買咗一件tee咋.

好多好多嘢食, 每人盛惠HK$385但都滿座哩.

旋風訪港(1）13 May 2011

噚晚由香港返嚟，話咁快旋風式訪港旅程就完結了。

上星期四晚到港，星期五就約了朋友去數碼港的艾美酒店食buffet lunch.  坐成個鐘巴士先到，揀嗰度並非因為嘢食特別好味，只為方便在那裹返工的朋友。

餐廳不大但有兩面窗，所以好光猛，枱之間距離亦啱啱好， 坐得好舒服。

食物選擇唔算多，但望落都好新鮮。

芒果熱

最近芒果當造, 見看便宜的泰國芒果, 就買了三個回家.

我對芒果沒甚研究, 只要香和甜就好了.

今次的泰國芒果又甜又多汁, 本來想要做瑞士卷, 後來沒時間就不了了之.

最後買一些涼粉(不甜的)切粒再拌入芒果粒, 就成了一道透心涼的飯後甜品. 芒果夠甜, 完全不需要再加糖.

盛好一碗給Daddy, 他說要加雪糕一齊吃.  可是冰箱裏只有cookies and cream 雪糕, 好像和芒果涼粉不配.  但他堅持要加, 我只能說:"冇眼睇!".  我還沒來得及拿起相機, 他就已經吃了一半.

港式快餐廳

你哋睇呢篇時我已經身上咗飛機番香港了, 就快可以見到媽咪lu!

早排見到Hanrik哋都話响Triple One Somerset新開呢間呢嘢唔錯, 上星期六懶得煮午餐, 就索性去嗰度試下.

嘩, 一見到個餐牌即刻好興奮, 好似香港啲快餐廳, 第一次喺呢邊見到咁既格局哩!

影完呢張相時, 有個好重香港口音的男職員用普通話同我講: "不好意思, 餐牌有價錢, 不能拍照."  好彩佢講時好有禮貌, 亦冇要求我刪除張相.  張相放上網後咁細, 都睇唔到個價錢啦.

Daddy叫的焗豬扒飯, 好好味, 同香港食既味道一樣.  唯一要嫌的是豬扒太薄, 有點嚡.

蠔仔粥, 蠔煎

星期六買餸時在魚檔見到有一桶桶的蠔仔賣, 第一次見有得賣, 即時買兩桶 (每桶有廿幾隻), 共S$9.

最近天氣非常酷熱, 連帶胃口也差了, 正好來個蠔仔粥.

蠔仔其實都幾大隻, 煮完都有成吋長. 

參考了大少奶書裏的食譜, 但沒有冬菜, 換上了自家醃的雪菜.  沒有大地魚, 用炸江魚仔代替.  這蠔仔粥湯底鮮甜, 又有蠔仔味, 一大碗還嫌不夠, 就算我那天的飯quota已滿仍忍不住再添.  下次再買到蠔仔時, 一定要安哥.

自己醃雪菜

新加坡是沒有綠色的雪菜賣的 (聽說有黃色的賣), 所以每次要由香港帶回來.

當存貨用完時, 就會心情失落, 所有雪菜菜式都沒辦法煮.

某日心血來潮想知道到底雪菜未醃時是怎樣的, 上網找居然連醃法也找到.

原來是很簡單哩, 只需要把菜洗乾淨, 晾乾水, 加粗鹽(菜重量的十分一, 即如菜100g, 鹽10g)拌勻, 置一旁待稍出水, 榨乾水, 放入膠袋醃一日, 醃好放雪櫃便成.

這裏天氣熱, 我不放心放外面, 入袋後直接入雪櫃.

正宗雪菜當然是要用雪裡紅, 但新鮮雪裡紅應該不易買到, 所以可以用芥菜, 菜心, 白蘿蔔的葉和梗之類來代替. 

既然雪裡紅是芥菜類的一種, 我就買了芥菜來試試.  前陣子市場上好像都沒有芥菜賣, 害我等了幾個星期才能實驗.  

醃後四天就是這樣子.  食剩最後一條才記得影相.

魔鬼蛋糕 （附食譜）

為了上星期一勞動節補假聚餐時的綠茶蛋糕和忌廉焗薯, 我又買了一盒一公升裝淡忌廉.

剩下的又要逼自己整蛋糕了, 上次整了天使蛋糕, 今次就整埋魔鬼蛋糕.

網上找到兩個版本的食譜, 因為全都大同小異, 但又沒說明出處, 我就不連接去那些website 了.

我的是結合兩個食譜的做法, 朱古力戚風只是普通戚風做法加可可粉, 而朱古力忌廉則是朱古力(先加少少熱忌廉去溶朱古力)和打起忌廉混合而成.

想學美x的魔鬼蛋糕上面有一圈的朱古力作裝飾, 但又不會弄, 就成上面的樣子.

怪不得當時這蛋糕推出時那麽受歡迎, 鬆軟的蛋糕配上濃濃的朱古力忌廉, 真的很好吃.  我懶沒整朱古力脆脆, 不過就算沒有脆脆配也己經夠好了.

母親節2011

祝所有媽媽母親節快樂!

這是大佬上星期五花了很長時間很用心的畫給我的。

今日教會慶祝雙親節(即母親節和父親節一齊慶祝），小學以下的小朋友上台献詩，即係細佬都有上台唱歌。細佬在台上時超可愛，不過只影了video無影相，下面是由video capture 出來的相, 所以好細張。細佬係前排右二。

勞動節補假聚餐

上星期二小組聚會時, 有人提議五月二日公眾假期趁大家不用上班到我家搞個輕鬆的聚餐, pot luck 形式, 在場的組員都一致讚成.

既然是來我家, 我就要預先計劃. 但組長一直音訊全無, 那到底有沒有聚餐呢? 終於星期五晚組長email說反應久佳, 要取消, 所以星期六我就不用去忙買材料.

到星期日崇拜完後, 副組長和幾個組員來問星期一是不是來我家. 不是取消嗎?  原來組長還沒通知他們.  知道要取消, 他們都好像很失望.  那好吧, 就算是幾個人也是ok的, 就對他們說: "好吧, 你們照樣來, 我家有什麼就食什麽好了."  再聊下去, 其中兩個女的說不如我教她們做菠蘿包, 好, 也沒問題. 

說是有什麼吃什麼, 但家裏的存貨也大概不夠十二個大人四個小孩，就skip主日學(是的, 我逃課 ) 去買食物.

朋友說她最想食蛋糕, 所以練完詩回家就開始整蛋糕.  不想特別去買材料, 就做以前做過的hazelnut crunchy green tea mousse cake. 有了上次的經驗, 這次很成功, 也很快就做好.  夜晚塗上鏡面, 第二日人客到才脫模, 隨手放上兩片以前做得不好存在雪櫃的朱古力裝飾, 大功告成.

Shakespeare in the Park - Macbeth

剛過去的長週末最重要最期待的節目，就是星期六(30/4)去Fort Canning Park睇莎士比亞的Macbeth.  這劇是由The Singapore Repertory Theatre搞的，上一次那套Much Ado About Nothing我都有睇，演得很好，所以今次也不能錯過。

這劇會公演至五月廿二日，在新加坡的朋友有空可以去看，坐在露天草地上看話劇是很不一樣的享受。

七點半開場，但六點半開始可以入場。很多人都帶草蓆和食物當作野餐，很有氣氛。上次記得六點半以後才到，結果已經排長龍，入到去前面的位置都給先到的人佔去。所以今次準時六點半到場，不過到時已經有一條長龍，還好還是算早，仍找到很前面的位置。看，多靠近舞台。

藍梅瑞士卷

放完一個長週末, 人還是懶洋洋.  對着電腦發呆了整個上午, 到下午才開始"回魂"正正式式的工作.

長週末的相仍未upload, 先post一下舊作(也不算太舊, 只是兩個星期前吧).

每次整正面卷都皺皮, 不死心, 再做.

今次效果好一點, 沒裂, 但還有少許皺, 算是有進步, 下次再努力!

這次只簡單放上薄薄的一層藍梅果醬, 不太甜但蛋糕本身軟綿綿又有蛋香, 好吃.

不過用藍梅醬有個問題, 就是沾到果醬的蛋糕邊會變成藍色, 有點好像發霉的顏色, 有點嚇人, 下次用別的果醬好了.

記得我照顧的那個host family program 的學生(最右邊的)嗎?  轉眼一年學期就過了, 最近她考完試, 星期日到我教會崇拜, 兩位親善大使(囝囝們)熱情招侍, 爭着去拉姐姐的手, 姐姐一定甜在心頭.  不只她現在信了主, 她也把她的室友(最左邊的女生)帶來教會, 那女生現在固定的來參加崇拜哩.  感謝主讓我認識她們, 更感恩她們能接受福音, 希望她們繼續在主內成長.