每次返香港都會整啲嘢給家人試, 今次返之前太匆忙, 只整了個桂圓杞子戚風來孝敬媽咪.
桂圓杞子都有益又養生, 用來整戚風, 味道亦很好. 媽咪怕甜, 所以大量減少桂圓的份量, 但她仍嫌太甜.
另外仲焗了些雪球想要送給朋友的, 有榛子味, 朱古力味和綠茶味. 走前兩晚焗的, 攪到十一點幾先整好, 飛的前一晚才滾上糖霜. 可惜, 可能因為响飛機上機落機温差濕度變法大, 糖霜受了潮, 結成一塊塊, 變成很醜的雪球, 最後就不好意思送人.
Po Po, 我其實想送呢啲雪球俾你架, 對唔住兩手空空見你.
雖然面層糖霜受了潮, 但雪球仍然好鬆化, 好好味, 一大盒全留給了媽咪和細妹一家了.
5月16日坐最尾一班機離港, 嚟到呢邊屋企都成十一點幾, 囝囝哋瞓晒覺. 不過第二朝一早起身就入房揾我...拎禮物.
仲着住睡衣就急不及待玩新玩具, 兩仔爺玩得幾開心, Daddy仲好投入哩, 所以話男人係永遠長不大的.
細佬戴上新太陽眼鏡擺甫士. 我買了一幅橙色, 一幅藍色, 諗住橙色俾細佬, 藍色俾大佬. 結果兩兄弟都要藍色, 家陣見親就爭, 下次都係買一式一樣算嘞.
哈哈哈..你唔駛咁客氣..我實有機會再食到你做的食物..我等你..
ReplyDelete咁攪笑...咩來??好似好好玩咁..
細佬帶左副超後..個鼻同個咀都好似阿哥同DADDY WOR..三仔爺都係一樣樣...副超會唔會帶壞小朋友對眼架...
[版主回覆05/25/2011 09:58:00]你過嚟我煮俾你食啦.
佢哋玩緊一樣叫bayblade的玩具, 其實只係鉈鏍, 依家啲細路好興玩架, 一人一隻放入個盆度, 撞嚟撞去睇邊隻last最耐就算win.
佢哋三仔爺面的下半部都好似.
桂圓杞子正呀， 真的是養生食法。 請問要先浸軟嗎？謝謝
ReplyDelete[版主回覆05/25/2011 09:54:00]要先用整蛋糕用份量的熱水浸軟.
你個邊無防潮糖霜賣?
ReplyDelete[版主回覆05/25/2011 09:52:00]我唔見有寫明係防潮糖霜既賣囉, 但我用呢隻係溝咗粟粉既, 唔係純糖, 算唔算防潮呢?
普通糖霜係溝左粟粉架, 糖粉至係純糖打成粉的....
ReplyDelete下次你可以係香港買定些回去啊!
[版主回覆05/25/2011 10:25:00]原來係咁分架, 呢邊兩樣都係叫icing sugar, 我要睇ingredients先知有冇溝粟粉.
所以溝左粟粉都唔係防潮的!
ReplyDelete[版主回覆05/25/2011 19:56:00]咁我又多樣嘢要喺香港買番嚟嘞。
墨鏡好型仔喎~ 兩兄弟就是這樣啦,什麼都爭一餐~
ReplyDelete雪球是很難整的嗎 ? 我做過一次, 但焗完之後會變型的....奇怪~
[版主回覆05/25/2011 19:58:00]雪球好易整，只係要逐粒慢慢搓圓花時間啫。搓好後要入雪柜雪一個鐘以上定型才入爐就唔會變型。
你好有心呀...我今次自己返去,淨係帶左"益昌既拉茶"3合1返去咋...因為我成日飲,覺得好好飲,又方便送人...真係懶到爆呀!!!
ReplyDelete[版主回覆05/25/2011 19:59:00]我諗我帶啲咁既3合1返去一定冇人吼，媽咪同細妹都唔飲架。其實我自己都唔飲。
隻橙色你要
ReplyDelete[版主回覆05/25/2011 20:01:00]我唔理，我唔要，總之佢哋兩個衰仔自己分掂佢。
桂圓杞子有益又養生，整俾媽咪食，细心又孝顺！
ReplyDelete[版主回覆05/26/2011 11:15:00]係呀, 桂圓杞子有益嘛.
橙色咪仲型,細佬襯橙色多啲呀,大佬man啲,用藍色啦,2兄弟爭野好平常啫,都唔知幾可愛.. 細佬真好靚仔.
ReplyDelete[版主回覆05/26/2011 11:16:00]我就係覺得橙色襯細佬先買俾佢, 但佢居然要藍色.
杞子我日日當零食... 原來整蛋糕都得!! 你好勁呀!!!
ReplyDelete