Tuesday 16 December 2014

聖誕shopping + 炎炎夏日落"雪"

由星期五開始我就會放假至一月一日了, 已經完全holiday mood中, 但偏偏年尾前要做完工作評估(performance appraisal).  我今年要填十四份表(每份有廿頁以上), 填完還要一個個見, 要趕在星期四朝早完成, 好痛苦呀!

現在進度極慢, 見到份表已經不想寫, 所以偷閒來寫寫blog.  我知當死到臨頭是我就會做得好快, 下晝我會勤力少少.

每年聖誕都會帶囝囝們去Takashimaya買聖誕禮物的, 因為那裏每年都有個大賣場有好多好多玩具和聖誕飾品賣.  囝囝們可以自選禮物, 但每人每份上限為S$25.  每人有兩份, 一份是我和Daddy送的, 另一份是德國契爺送的(我們負責買, 省郵費).  囝囝們都選了一樣的玩具槍(Nerf gun), 揀第二份時他們都想不到, 想要的又太貴, 於是我幫他們選再遊說他們買.  我選了這份大富翁, 用電子收費的, 好型呀!  S$49.9, 剛好兩兄弟的加起來的預算, 這份算是契爺送的.

雖然聖誕禮物到手, 但依然會照傳統要到Boxing Day才可以開來玩.  不過我自己其實都好期待玩, 一咭在手世界通行呀!


買完禮物就先去食晚餐, 去了新加坡的香港人飯堂 - 御寶世界之窗.  這裏是唯一可以食到算正宗的港式快餐.  哥哥叫了鐡板雞扒餐配紅豆冰.
 Daddy知道要幫其他人包底, 所以只叫了一碗餐蛋一丁.
我的燒味雙拼套餐, 正!  姐姐要了雲吞麵, 細佬叫了焗豬扒飯, 細佬超鐘意食, 成餐飯齋扒飯, 豬扒都留給Daddy.  這餐盛惠S$46, 五個人食到飽飽, 算好抵食.

食完晚飯就到全日最精彩的部份了.  今年Tanglin Mall 外每晚都有半小時"雪"玩, 週末有兩場, 7.30pm 和8.30pm.

有這個旋轉木馬裝飾, 未落雪前是這樣的, 影相都幾靚.

 將近七點半就開始人頭湧湧, 七點半就開始有Avalanche (雪崩), 其實就只是好多好多的泡泡. 小朋友當泡泡池玩, 大人們在一旁影相, 戰場一樣.
十五分鐘後就到落雪了,"雪"由四個方向射出, 好似真正落雪的, 但最大穿崩位就是各人身上的夏天衫.
 旋轉木馬上堆滿雪
 
 細佬玩得好投入,最後全身都是泡泡, 由頭濕到落腳.  好彩我們早有準備, 毛巾和替換衣物都帶齊. 
姐姐當然未見過真雪, 所以也帶她去一齊玩. 她和囝囝倆在雪場內玩, 我和Daddy就置身事外企在外圍影相, 但最後都要入去捉囝囝們離開, 我的鞋和褲亦未能倖免.



14 comments:

  1. 小朋友見到呢D泡泡雪一定勁開心呢!
    Luyi要加油,希望你盡快把手頭的工作做好啦!
    我們小朋友的聖誕禮物,是寫在給聖誕老人的信上面,不過今年大豆都唔知想要咩,因為佢想要的,在十一月生日已經收到

    ReplyDelete
    Replies
    1. 佢哋玩時都開心既,但玩完後可能皮膚較敏感之後覺得痴立立又有啲痕,依家話去玩泡泡雪佢哋都話唔去。

      Delete
  2. 又食又玩,孩子們最開心。

    ReplyDelete
    Replies
    1. 係呀,玩得好開心,不過之後皮膚痴立立之餘又痕,依家話去玩泡泡雪佢哋都話唔去。

      Delete
  3. 電子收費大富翁我都有呀,仲要係Simpsons版.

    ReplyDelete
  4. D泡泡雪其實係乜黎架?

    ReplyDelete
    Replies
    1. 肥皂泡之類掛,我都唔清楚。

      Delete
  5. 我地的 a form 只有三四頁,我 team 又少人,好快攪掂,不過要每人見一個幾鐘interview。

    ReplyDelete
    Replies
    1. 我公司張form係極品嚟架,我自己填自己嗰張都頂唔順啦。好彩時間計得啱啱好,臨放假前全部做晒。

      Delete
  6. 哈哈~~d小朋友玩得好開心喎!~~我見到就怕怕呢

    ReplyDelete
    Replies
    1. 其實佢哋玩完之後都怕怕,因為皮膚又痴立立又痕。

      Delete

Related Posts Plugin for WordPress, Blogger...