Wednesday, 17 December 2014

星馬雲吞麵

經過兩日半的努力, 終於差不多填完所有form了.

不明白為什麼有些人可以那麽長氣, 廿幾頁紙用font 10 和font 8來寫, 密密麻麻的一大堆字, 我哪有可能每個字去慢慢讀?

下晝會開始逐個見, 希望今年順順利利, 不會有人駁嘴駁舌. 明日午餐前一定要做完, 我就可以安安樂樂放假去了.

星期日晚餐想包雲吞, 於是去對面超市買雲吞皮, 囝囝們和Daddy跟着去.  哥哥問那晚煮什麼, 我說雲吞湯, 他居然說要食雲吞麵.  好彩對面超市有賣包裝的新鮮雲吞麵, 唯一問題就是沒有叉燒.  哥哥說隨便加點肉就可以, 不一定要叉燒.

先解釋一下:
星馬的雲吞麵和我們食慣的是兩回事, 我們的是主角真的是雲吞, 但他們的主角是麵, 雲吞幾乎可有可無, 外面賣的雲吞有時候只食到雲吞皮.  除了麵, 叉燒亦是必備的, 而且他們習慣食乾撈, 很少人會叫湯麵. 所以我的新加坡朋友去到香港叫雲吞麵都會覺得好奇怪, 為什麽是湯的? 為什麽沒叉燒?

那時候已經差不多六點, 雲吞也未包. 要即時焗叉燒是不可能, 之前都沒醃好.  於是試試用炆的, 把pork shoulder煎一煎, 加水, 叉燒醬, 海鮮醬, 老抽和茄汁來炆.  完全沒量份量, 求其每樣加一點.  也沒留意炆了多久, 因為忙着包雲吞.

最後炆出來的叉燒味道還算不錯, 夠嫩滑, 只是欠了點烤焗的香味.  不過, 相比外面賣的雲吞麵上的染色叉燒, 我覺已經很好.

煮雲吞麵又是考功夫的一環, 逐份煮, 先弄散麵餅, 加入滾水中煮至軟硬適中, 即時沖冷水, 然後再放回鑊中讓麵回温, 撈入汁料(我只用了麻油, 蠔油, 生抽和老抽)就可以上桌. 麵要煮到彈牙爽口才好味, 所以煮時好緊張呢. 一份份上枱, 沒空去影相, 叫囝囝幫手影, 所以全部矇查查.  之前叫姐姐用江魚仔淆了湯, 準備用來煮雲吞湯, 後來轉了成黃芽白湯. 忙亂中連切好的蔥花也忘了放.

哥哥邊食邊賣口乖, "I think Mommy's cooking is better than outside." 哈哈哈.


外面food court賣的(網上找到的)就是這樣子的. 那明顯染了紅色的叉燒是不是很嚇人呢?


18 comments:

  1. 外賣的叉燒色素很嚇,都是自己煮健康又美味。
    你的雲吞麵很吸引,仔仔們一定食到lam lam脷。

    ReplyDelete
    Replies
    1. 呢邊外面賣啲叉燒(酒樓除外)都係好明顯染色架,所以我次次都係自己整。

      Delete
  2. 街賣的叉燒係極度嚇人!幸好有媽媽的好廚藝,孩子才可以吃得健康。

    ReplyDelete
    Replies
    1. 係好恐佈架,所以我次次都係自己整叉燒。

      Delete
  3. Replies
    1. 所以我好少食外面啲叉燒架

      Delete
  4. 街外的叉燒賣相紅卜卜很嚇人

    ReplyDelete
    Replies
    1. 所以我好少食外面啲叉燒架

      Delete
  5. 染得好紅色,呢種星馬雲吞麵,我食咗好多次,都係唔慣

    ReplyDelete
    Replies
    1. 我都唔慣架,但自己煮就可以就返口味囉。

      Delete
  6. 街外的不吃也罷,顏色嚇人

    ReplyDelete
  7. 真係有求必應嘅好媽媽!

    ReplyDelete
    Replies
    1. 只要係健康既又唔係煎炸嘢我唔介意滿足佢哋既。

      Delete
  8. 哈~囝囝咁讚你~你實冧爆呢

    ReplyDelete
    Replies
    1. 佢把口咁甜,聽到梗開心啦。

      Delete

Related Posts Plugin for WordPress, Blogger...