Club Med Bintan 第三日

第三日, 繼續飲, 食, hea.

我們的房在Block D, 一開房門就是室外走廊.

早餐的食物每日都差唔多, 冇咩變化.  我唔想食太油膩的, 日式最啱我.

每日早餐後例牌動作, 就係去一樓Santai Bar外面告示板睇下當日節目.  節目表有齊中, 英, 法, 日, 韓, 一定有一份係睇得明的.

十點有小朋友circus, 細佬話要玩.  大人要等下晝先有得玩circus.  Mini Club Med 都會喺呢個時段帶小朋友來玩的, 所以一齊排隊就可以.  細佬旁邊的小朋友就是跟Mini Club Med來的, 唔知點解嗰朝好多祖國小朋友喺Mini Club, 但識中文的GO都去了空中飛人那邊幫手, 只有一個洋人女GO負責行鋼線.  洋人同啲祖國小朋友雞同鴨講, 最尾我忍唔住幫手用中文幫佢翻譯, 之後呢個小妹妹就不停地"老師, 老師"叫我.  小妹妹不斷咁話:"為什麼那麼久? 還要等多久?", 一陣又話鞋裏面有沙, 一陣又話要抹鼻涕, 我突然間變了保姆, 要幫佢抹腳遞紙巾.  不過個小妹妹其實都好可愛, 勁鐘意講嘢.

輪到細佬行鋼線, 開始有點戰戰兢兢, 但行咗兩步就ok, 個樣幾沾沾自喜!



後面啲小朋友玩空中飛人, 好勇敢呀, 呢個妹妹應該和哥哥差唔多大咋.

哥哥唔想玩circus, 和Daddy去打golf.

呢日陽光普照, 只掛紅旗, 可以玩水上活動, 但仍然唔可以浮潛.  私人沙灘, 又靚又乾淨.

囝囝們發現了hammock, 又玩得一餐.

又曬又熱, 先返室內飲啲嘢再決定做咩.  細佬又要玩"dropping coins".

我哋嘗試叫囝囝哋去參加Mini Club Med, 但哥哥因為前一日唔順氣, 所以堅決唔肯去. 

都成十二點, 但大家仍未餓. 哥哥話想打羽毛球, 就去Sports Centre. 

細佬話咁叫打羽毛球喎.

仲可以彈結他

哥哥前一日跟Mini Club嚟打過, 但其實係唔識打, 我哋教佢開波但佢似乎冇咩運動細胞, 教極都未識, 練到皺晒眉頭.

打完波行去餐廳途中, 經過business corner, 有三部電腦可以上網, 囝囝哋梗係唔放過玩電腦的機會啦.

細佬的午餐

今日有燒牛肉.

雪耳雞湯, 又幾好味喎.

各式飲品, 啤酒, 咖啡, 熱朱古力, 茶, 汽水, 自助的.

食完晏返房換泳衣, 床上面有隻狗仔在等我哋, 好可愛.

囝囝哋日日浸到巢皮都唔捨得走.

咁曬游水咪預我, 我只坐在池邊飲cocktail.

每日都中午時份都GO帶領做aqua aerobics.



游完水返房途中, 囝囝哋又話要食下午茶.  佢哋肯定冇蝕底, 日日都要食番夠本.

有蛇呀! 

呢日晚餐主題係Asian delights, 主要東南亞和印度食品, 全部都麻麻. 

印尼雞湯麵

除咗東南亞食品, 都一樣有中和日式, 我都係食中, 日比較保險.

有印尼糕點, 超難食.  唔好以為喺民丹係印尼地方印尼食品一定掂, 其實最難食就係印尼嘢.  唔止Club Med係咁, 我朋友話佢去另一間酒店住都係印尼嘢煮得最差架.

呢晚七點九開始兒童節目, 睇電影Puss in Boots.  九點就有Michael Jackson show, 啲GO真係跳得好好.

呢位泰國GO跳舞尤其勁.

完show 後有個dance party, 好多人一齊跳, 哥哥都留低跳埋一份.

你哋睇到悶未呀?  忍耐下, 仲有多一篇咋.