交功課 - foccacia roll

拖左好耐, 終於交功課喇.

之前見到Mommy Dearest整既 foccacia roll 好靚, 就問Mommy Dearest 可唔可以俾個食譜我. 佢好好人即刻俾我, 仲教我點樣可以做形後放雪柜作最後發酵.

星期一晚終於的起心肝整, 因實驗性質, 所以將原食譜份量減半.  但屋企冇啱size既方或長形盆, 只好用個圓模.  Mommy Dearest 已經提醒我冇KA會好嘥功夫, 不過都姑且一試.  結果用手搓真係好難, 水份已減但仍好痴手.  勉強撻到有少少薄膜就萛.

呢個係入爐前既樣, 搓麵團搓得太攰, 我連油都懶得抺, 响模上鋪紙就算. 

咁賢淑既我, 為左daddy 可以帶新鮮麵包返工做早餐, 星期二朝早六點就起身去焗.  由雪柜拎出嚟, 係咁二回温少少, 掃上蛋汁就入爐.  出爐就係咁既樣, 因為太早, 所以連廚房燈都唔敢開, 相用手機影, 有少少矇.

Mommy Dearest, 我交功課喇!  多謝你的食譜. 我覺得好味,  好香.  可惜用手搓真的太辛苦, 所以聽日小組新年聚會唔會整呢樣.

兒童節目

以為清假期間會多d時間上網, 原來係錯既.

放假在家, 毎日都要隌住兩個少爺, 仲更加冇時間.

星期一帶了他們去一個playgound玩, 係教會兒童部攪既活動.  呢個playground 响 Orchid Country Club 裏面, 要俾錢入去, 會員價好似係S$8一個鐘, 大人跟住入就收S$1一個大人.

裏面地方其實幾細吓, 不過d細路一樣玩得好開心.  細佬開始時淨係肯留响波波池.

Boxing Day (忌廉焗薯食譜)

聖誕節太多節目, 所以blog都要休息幾日. 

噚日終於去完今年聖誕的最後一個聚會, 今日生活回復正常.  佳節期間暴飲暴食, 今日要開始要食番少d啦.

Boxing Day 小朋友最開日既日子, 一早大仔就問: 'Is it Boxing Day today?' 跟住就拆禮物, 不過我話要影相先, 所以佢就一副不耐煩既樣. 

Merry Christmas!!!!

祝大家聖誕快樂, 主恩滿溢!

昨晚終於做了計劃中送給同事的小禮物 - 唧花曲奇.

跟 Lyric 的食譜, 但始終新加坡天氣熱, 我又手腳慢, 保險啲放雪柜雪半個鐘先焗. 

揾晒所有唧嘴, 偏偏沒有 Lyric 指明的六啞, 只有很小的五啞和很大的八啞.  馬死落地行, 兩個都試. 

冬至

終於interview 完! 感謝神, 非常順利. 

對住鏡頭居然沒怯場, 都算對答如流哩. 

講番噚日冬至, 補祝大家冬至快樂!

星期一先醒起第二日係冬至, 乜準備都冇.  嗰晚想去超市買隻雞, 但隻隻都皮包骨又唔新鮮, 於是今年冬至冇食雞.

噚日朝早返工前同姐姐講冬至, 求其拎起本節慶食譜, 叫佢煲花膠湯, 其他佢自己決定.

七點返到屋企, 佢已經煮好晒. 全自動波, 扢雪柜存貨都煮到三餸一湯, 勁呀!

花膠豬腱湯

坐立不安

呢個時候既我絶對可以用坐立不安, 甚至忐忑不安嚟形容.

皆因一陣有人會嚟同我做訪問, 唔係報章雜誌既訪問, 係自已公司corporate communication 嚟做訪問, 仲要現塲收音錄低, 用來做marketing video. 

問題將會環繞我的工作, 公司, 點解我會join 之類.  對不擅辭令又對鏡頭恐懼的我實在太大挑戰.

點解? 點解公司咁多人會揀著我?  邊個同我咁大仇口?

話好十點到, 依家都仲未到, 攪到我家陣唔知做乜好. 

好同事帮我寫咗份model answer, 不過我背唔落, 希望到時唔會辜負佢既一番心機.

大家祝我好運喇!

獨立日 (台灣肉燥飯做法)

獨立日, 毎個月其中一個星期日都是我獨立的日子.

並非國家獨立日, 而是印尼姐姐放假日.

過去星期日, 正是十二月我家獨立日. 

朝早去教會祟拜, 因姐姐放假, 所以我要陪細佬去兒童祟拜.  其實最enjoy, 因為可以知道兩兄弟在兒童祟拜做啲乜, 聽唔聽話.

祟拜完食早餐. 之後開車走. Daddy 問: '我哋依家去邊呀?' 我話唔知, 不如去shopping 啦.  我都未講完大仔就話去Centrepoint, 好啦, 就去Centrepoint, 橫掂好耐冇去過.

入停車塲時, 大仔就話呢度有Sesame Street Show.  我問佢點知, 佢話睇電視廣告, 跟住仲話邊個邊個商場都有, 依家啲細路真係勁, 乜都知.

呢個商塲既聖誕裝飾好靚, 攞奬架.

抺茶, 朱古力雪球

星期六同事housewarming, 特別預備那同事喜愛的雪球.

曾經帶過抺茶雪球回公司給大家試試, 嗰個同事非常鐘意.

今次除咗抺茶外, 整埋朱古力味, 希望佢同佢太太都會喜歡.

跟Vanlily 食譜, 最愛佢夠易整. 最麻煩只係要逐個磅, 我今次整5g一個.

搓好未入爐前.

次次都會同屋企人講, 有成大盆酸柑, 綠色圓碌碌又令令地, 真係好鬼似. 今次趕時間搓得唔圓.

印尼小食

噚日下晝印尼姐姐打電話嚟公司, 話細佬由highchair跌咗落地, 嚇到我成個人跳起, 即時撲返屋企.

一路揸車, 一路祈禱.

感謝神, 細佬只係頭起咗個細瘤, 冇乜大礙.

原來當時姐姐上厠所, 大佬好心想放細佬落地一齊玩, 就解開安全帶. 但佢又唔夠力抱細佬落地, 細佬就跌落地撞親個頭囉. 

最攪笑係細佬瞓响地度喊, 佢就企定定係旁邊話: 'Oh, no!'. 真係唔知好嬲定好笑. 

佢都知闖禍, 我返到屋企問佢 'What's happened', 佢淨係話: 'No blood'.

佢都唔係有心整跌細佬, 所以一輪訓話後就算, 只罰佢冇下午茶食.

今朝開咗個好長既會, 有個人將textbook嘢放上去present 咗幾孚成個鐘, 之前講明只可以半個鐘, 佢直情係考驗大家既忍耐能力.

今日下晝仲有多個會開, 呢個仲攞命, 五點到七點, 有冇攪錯揀星期五呢個時候開會!

冇乜 mood 之際, 好同事送來一包令我即時醒神既嘢.

就係呢包印尼小食喇.

忙, 忙, 忙

最近好忙, 唔係工作忙, 因office好靜, 大家都年尾清假.

工作以外就覺得唔夠時間用.

下個星期就聖誕節, 好似好多嘢未做. 平安夜教會有節目, 一定出街食晚餐.  聖誕夜又點算呢? 未得閒諗要煮咩!

大仔學校假期放了大半, 仍未得閒帶佢去玩 (布吉遊除外).  另外今年又想整啲小心意送俾朋友做聖誕禮物, 當然仲未開工. 

仔仔學校放假之前, 特地買了練習簿俾佢假期响屋企有嘢做, 結果我都仲未有時間check 和教佢做.

仲有最艱鉅既事 - 一月一日前要讀完一本書! 如果未有小朋友, 幾日讀完一本書都唔係間題, 但依家要睇書都要等細路瞓咗覺先可以偷少少時間嚟睇.

點解咁急睇本書呢?  因為小組一月一日新年聚會時, 毎個人都要為小組其中一人預備,一本屬靈書.  由抽籤決定自己既送書對象, 所選的書要是我覺得會對對方有用處.  為了嚮應綠化, 那本屬靈書要是在自己的collection 裏揾, 要自己真係睇過覺得好既.  到六月時收書和送書的都要做個閱讀分享, 即係一定要自己讀過至可以送.

我抽到的送書對象是一位新婚姊妹, 好自然要揾本關於婚姻既書. 問題係 - 我九年前結緍, 關於婚姻既書亦係九年前睇既, 再好既書都唔記得內容啦! 

伯爵奶茶小蛋糕

為咗方便查看, 我將常用的食譜書放在客廳茶几的抽屜裏.

除了我會查看外, 我的兩個仔仔都愛翻閱.  細仔其實拿來玩, 最喜歡拿最厚那本放到窗旁, 用來墊高腳望街外. 大仔就會看疍糕書, 再落order.

有日大仔order Earl Grey milk tea cupcake, 叫我一定要照書上的圖晝, 唧chocolate twirl 再加blueberries.  仲要整多幾個, 要帶返學校請朋友仔食.

我呢個二十四孝媽咪當然照做,  立刻到超市買藍莓.  平時我唔需要時就大把, 我要找時居然缺貨, 花兩日找遍幾間超市才買到!  星期日返完教會, 累到沒命, 印尼姐姐又放假, 都要拿拿淋焗疍糕再煮晚飯.

結果, 忙完一日, 先醒起星期一學校放假, 白忙一回!

食譜參考自 "蛋糕密語" 一書.

印尼黃豆餅 (tempeh) (食譜)

自從請咗印尼姐姐之後, 對印尼菜有更多認識.

以往到街市馬拉人開既雜貨店都見到一包包好似糭既物體, 從來都唔知係乜.

後來同印尼姐姐去街市買餸, 佢問可唔可以買, 一包只賣四毫子(S$), 當然無問題啦.

原來呢樣嘢叫tempeh, 係黃豆經發酵而成, 好高營養價值.  本身冇乜味, 要靠加盬或醬料至有味.

最簡單做法就加盬調味, 煎或炸就已經香口好味.

一次家庭團契來我家聚會加聚餐, 因有幾個家庭都有印尼工人同來, 我家印尼姐姐就特別炮制呢味辣椒炒tempeh來跟其他同鄉分享. 

當日其他人亦有試, 大家都非常鐘意, 呢味比我煮的啤酒炆牛肉更受歡迎呢!

此餸經濟又美味, 大家不防試試. 

布吉遊(六) - 玩樂篇

終於講完食, 到講玩啦.

帶住兩個細路, 所以坐船, 浮潛之類就唔駛諗.  而且我同daddy第一次去布吉時都玩過, 此行以rest & relax 為主.

毎日早餐後, 兩個小朋友就去酒店既Kids Club玩. 裏面有玩具玩, 响特定時間亦有特別節目俾小朋友參與. 家長如果想有私人時間去外面玩, 可以將三嵗以上既小朋友留係度, 一入去時家長要sign in, 跟住工作人員就會將門鎖上, 唔俾小朋友自己出去, 要等家長返嚟sign out先走得. 三嵗以下就要有大人陪同下先可以入內.

兩兄弟係裏面玩到唔捨得走.

細佬仲學人油顏色添, 幾得戚!  嗰日走時唔肯放低支顏色筆, 最尾拎埋返新加坡.

玩一陣kids club, 消化完早餐就上房換泳衣去游水. 正確係玩水, 因兩兄弟都未識游水.

呢度有兩個兒童池, 响kids club既兩邊.

呢個係其中一個, 泥黃色部份係淺水, 藍色部份深啲, 適合大啲既小朋友.  泥黃色轉藍色地帶好滑, 要記得捉住扶手.  細佬好驚藍色地帶, 淨係肯企响淺水地帶.

另一個係toddler pool, 成個池都一樣深度, 比較安全.  呢度細佬就玩得開心嘞.

兩個池都有好多酒店提供既波波, 水泵之類既玩具.

其實大人池有一部份都適合小朋友玩既.

我哋仲有去Patong Beach行一行, 啲沙好滑好靚, 天色晴朗, 影相一流.

酒店和Patong Beach只隔一條馬路, 雖然好多車, 但酒店住客要過馬路, 個實Q都會去攔住啲車俾我哋過.  去完沙灘可以係門口特設既花洒沖吓腳同鞋.

呢啲都係上午既節目, 下晝就係大人時間了. 食完午餐, 送小朋友返酒店瞓晏覺, 由印尼姐姐陪住.  我和daddy 就出去行街, 購物, 按摩.

呢度好多按摩院, 但間間門口都有著低胸衫, 化行粧既小姐係度招客, 我哋唔敢入呢種, 怕入咗黑店.

最尾响Bangla Road揾到呢間寫明no sex既, 全部按摩帥都冇化粧既, 梯下先俾錢, 再上樓按摩.  唔好誤會瞓係度做腳底按摩嗰個唔係我, 我又邊有咁大隻呢?

第一日去, 俾咗錢做90分鐘Thai massage, 上去先做foot scrub, 同時有杯cold lemon grass drink送上, 好味.  跟住按摩.  個按摩師都冇出力. 仲奇怪係前後只有一粒鐘, 不過我哋無為意, 以為90分鐘係包埋飲嘢, 洗腳時間. 走前再送上一杯熱既lemon grass drink.

第二日又上去, 90 分鐘Thai massage 先500 baht, 咁抵, 梗要按多次啦.  今次按摩師開始時問我哋要細力, 中力, 定大力, 我哋當然要大力啦.  都好痛吓, 不過我死忍.  今次我哋望實牆上個鐘, 結果真係按足個半鐘噃, 唔通第一日呃我哋錢?

其他時間留兩個細路係kids club, 我地就可以relax 吓, 飲吓嘢. 呢度酒類比新加坡平好多.  提一提酒店房內雪柜係空既, 可自行到酒店G/F設的mini-mart買返房雪嚟飲.  不過建議大家去外面買, 7-11 就响酒店對面, 幾孚平成倍.

毎間房都送兩張welcome drink coupons, 係酒店裏面任何一間餐廳酒吧都可以用.  其中兩杯我哋係泳池旁游水時叫, 另兩杯check-out後等車時係酒吧飲.  酒吧天花板掛滿聖誕老人, 好得意, 見到都開心.

飲完呢杯就返屋企lu, bye bye Phuket! 

布吉遊(五) - 晚餐篇

講到食嘢好似講極都未講完, 無法啦, 我為食嘛.

除咗之前提過既第一晚响酒店食, 其餘兩晚晚餐都去外面explore.

其實成條大街間間餐廳都賣大同小異既食物, 除咗泰菜, 就係西餐, 印度餐, 但最唔明白就係點解會有咁多中東餐廳呢? 我又唔覺有好多中東嚟既遊客喎.

我對中東菜完全無趣, 聞到朕香料味都驚.

以前去曼谷時食過好好味既粉絲蝦煲, 呢次一心去布吉再食過. 行均成條街都揾唔到一間賣呢樣菜, 最後有一間叫Banana Phuket 既有賣近似既.  間餐廳响正酒店隔離, 賣泰菜和西餐, 門日放咗好多海鮮嚟引人.

呢個就係粉絲蝦, 不過碟上. 响布吉四日三夜都未見過有煲仔菜, 或者布吉係唔興呢味啦.  蝦算新鮮, 但味道麻麻, 偏甜, 有啲花生醬味, 怪怪咁.

布吉遊(三) - 早餐篇

第二朝起身就落 Seabreeze Restaurant 食早餐, 毎間房包兩個早餐, 不過其實酒店裏面毎間餐廳都係 Kids eat free, 我哋得三個大人, 蝕咗俾佢添.

Seabreeze Restaurant 係 main wing 既 adult pool 旁, 一邊食一邊睇人游水,  幾寫意.

個buffet line 好誇張, 横誇成間餐廳再轉彎! 最近鏡頭係cereal station, 右邊係各式各樣既面包, 跟住係酥皮類如牛角包,  Danish pastry, 之後係cold cut (salami, cheese, ham, etc.), 跟住到熱盆, 有西式, 中式, 泰式.  到最精彩既daily roast! 轉彎後有fruit station 同 salad station.  總之嘢食多到好似食buffet dinner, 毎日都難以抉擇.

布吉遊(二) - 晚飯@Holiday Inn Phuket

第一晚check-in, 跟住入房唞吓, 己經八點幾, 所以决定喺酒店食.

嚟泰國梗要食泰菜, 就去酒店既 Charm Thai.  呢間餐廳响 Bukasorn wing (我哋住main wing, Bukasorn wing 貴啲但靜啲, 不過唔啱有細路住).

落 order 後, 待應就送個籃嚟.  你哋估吓係乜?

開估啦, 係五條 baguettes, 一人一條, 連細佬都有. 可以點牛油或garlic herb butter (其實我都唔知係乜, 但有蒜頭同香草味囉). Baguettes 又熱又軟熟, 好正.

哈, 點解食面包既, 乜我哋食西餐咩?

木瓜沙律配炸雞翼, 細細份但好味.

右邊影到少少綠咖哩雞肉, 綠咖哩好辣, 不過好好味, 仲有好多我至愛既迷你茄子, 正!

前面Seafood Phat Thai, 後面雞肉炒飯. 味道幾好, 但個酸柑唔酸既.

仲有mixed satay, 掛住食唔記得影相.

Satay 有六支, 牛, 雞, 豬各兩支. 我覺得牛肉最好味. 連細佬都鐘意食, 我諗呢支係雞肉.

呢間餐廳環境舒適, 旁邊係泳池, 待應招呼週到, 啲食物都好快到. 價錢仲一啲都唔貴噃, 呢餐都1000 Baht 有找, 平過出外面食, 乾淨衛生又舒服.

布吉遊 (一) - 起程篇

返嚟啦! 話咁快就放完假啦, 又要捱騾仔嘞.

講番布吉遊, 我揀咗坐Silk Air, 貴就貴少少, 但由新加坡去直航, 帶住兩個細路方便啲嘛.

個半鐘機都仲有飛機餐食, 我呢個係白汁鷄配牛油飯, 個樣麻麻但味道唔錯.

我懷疑Silk Air Singapore-Phuket 既飛機餐所有配菜都係一樣 - baby carrots and French beans, 因為回程嗰餐都係一樣既.  生果好明顯係罐頭嘢, 我無食. 

兩個仔仔既兒童餐都幾好食, 炸魚柳配茄汁長通粉, 仲有一包Kit Kat 同包裝美祿. 點解我知好食呢, 因為細佬瞓咗, 佢個餐俾我掃埋.

旅行去了

你哋睇呢篇blog 時, 我已經上咗飛機lu. 呢次我哋去泰國布吉島.

我以前honeymoon 時都係去布吉島, 住Amari Coral Beach Resorts. 嗰度真係唔錯, 不過出入都要坐的士, 同細路去就唔太方便.

今次睇 tripadvisor 介紹揀咗 Holiday Inn, 睇中嗰度既 family suite 同 kids suite.

family suite

kids suite

酒店網上介紹房裏面有TV and video, electronic games, toy box and Playstation, 細路住一定好開心.

可惜.....

打電話去訂時, operator 話已經俾人訂晒啦. 可能好popular, 唔知幾耐以前訂至有呢? 我下次一定要訂到!  .... 如果...以後再去既話.

個operator 就offer 我兩間相連superior room, 俾我特價喎, 都好過冇啦.

陽光與海灘, 我來也!

返嚟再報吿.