昨天就立刻約按摩了, 今日放工就去relax一下.
雖然囝囝每次考試都要我督住才會温書, 但其實他心裏還是很着緊的. 這兩天他都咳, 昨天更咳得厲害. 昨晚就帶他去看醫生, 發現有微燒, 他居然說: "就算發燒明天都要去學校, 明天是中文CA2,很重要的, 不能缺度."
八月三日和詩班朋友吃午餐, 去吃韓國炸雞. 那間店前陣子在星星效應下很滿座的, 但大概星星效應漸退, 我們去吃時其他店都滿座, 唯有它不用等位, 所以我們才選它.
結果炸雞真的沒什麽特別, 其他韓國料理如煎餅, 泡菜湯等都不大理想, 怪不得那麽少人光顧.
看着朋友那片韓國海鮮煎餅又油又軟趴趴的, 忍不住說我自己做的會更好吃, 於是第二日鋼琴老師的老公也來我家吃晚餐, 要試試我的海鮮煎餅.
安哥泰式燒豬項肉, 因為太好味了. 囝囝現在常常嚷着要再吃.
韓式海鮮煎餅, 加了蝦和魷魚. 照Maanghi 的做法, 真的零難度, 只是煎時要考耐性和火候控制罷了.
兩款沾醬, 芫茜, 檸檬葉, 青辣椒, 魚露, 青檸汁和糖調成的用來配豬頸肉吃, 另外那碟是豉油加醋, 用來配煎餅的.
囝囝都好識分寸喔
ReplyDelete雖然佢成日都唔會自動自覺去温書, 但相信佢都感覺到讀書壓力.
Delete真係好啦，你和囝囝都可以輕鬆下！
ReplyDelete海鮮煎餅和豬頸肉真係靚過出面餐廳那些呢
係呀, 輕鬆晒. 煎餅要慢火慢慢煎, 外面餐廳未必有時間咁做囉.
Delete考完試輕鬆晒
ReplyDelete大家都輕鬆呀
Delete囝囝很堅持呀
ReplyDelete佢都開始識驚啦
Delete嘩~你囝囝好乖呀!~你真係教得佢好好~~~~
ReplyDelete我諗佢開始識驚, 佢自己都想考得好.
Delete我朋友個仔啱啱高中畢業，四年冇缺課，攞咗perfect attendance奬，我就話我朋友功不可抹嘞。你囝囝叻叻呀！
ReplyDelete嘩, 你朋友囝囝好勁呀! 上個月囝囝先感冒發燒, 無奈要缺課兩日.
DeleteLuyi, 個韓式煎餅我都好鍾意食架... 以前有D韓國朋友, 佢地成日話呢個係佢地最基本同簡單料理, 完全無份量地落粉, kimchi 或其他用料... 慢火煎... 用D唔知咩汁點下... 好好好好食呀!!! 於是我自己返屋企跟佢地隨便整下啦... 點知... 失敗!! T_T
ReplyDelete應該係我D粉同水同食材比例唔啱... 佢地又話好易... 一D都唔易!!!
有時間下次可唔可以分享食譜?
謝謝!!
我係照Maangchi的做法, 基本份量1/2杯麵粉, 2/3杯水, 1/2茶匙鹽, 其他材料好隨意, 多啲少啲都無問題. 你去呢度睇下, 有埋video. http://www.maangchi.com/recipe/ya-chae-jeon
Delete不過, 經驗話我知粉同水比例都係要自己再酌量加減, 因為粉唔同, 天氣濕度唔同, 加啲料唔同(e.g. 海鮮會出水), 水量就要加或減, 試多幾次就大概知. 我第一, 二次整太水, 又唔識控制火候, 煎到爛晒. 後來慢慢掌握到知道粉漿點為之啱, 同埋要慢火煎, 煎到見到面層啲粉都凝固咁濟先反轉, 咁就會煎得靚架啦. 你試下啦, 當做實驗咁啦.
囝囝好乖呀.
ReplyDelete有時在家煮更美味, 食得又開心.
佢都開始知驚啦, 都想自己考得好.
Delete現在讀書壓力真係大....
ReplyDelete呢個韓餐我好like :)
相對我覺得我哋以前幸福好多, 雖然物質無咁豐富, 但讀書無咁大壓力, 可以玩多啲.
Delete