Merry Christmas!

Merry Christmas and a Blessed New Year!!!!

平安夜晚上教會有個一聖誕福音晚會, 回到家已經很晚了.聖誕節適逢是星期日, 大清早又要起來去教會崇拜, 好攰好攰.今年很想在家裏攪個party請朋友來作客, 但真的很忙也沒心情, 臨時決定只請我照顧的三個學生來和我們一家吃個温馨晚餐.  但年輕女生都愛玩, 節目也多, 就算答應了也臨時放飛機, 最後只剩一個來.沒關係, 反正食物也是一樣的預備.聖誕節姐姐放假去了, 我要一個人搞定整個晚餐, 只好前一天先預備一點,到正日下午回到家才作完成最後的功夫.  雖然事前有準備, 但一個人只有一雙手, 五個大人兩個小朋友的晚餐要洗要切也是很累.但看到桌子上美味的食物, 再累也是值得.這就是那天的menu.

冬至

每年都差點忘的冬至，今年也一樣。前一日放工才記得，臨急臨忙去超市買兩隻雞。這邊沒有禽流感，所以雞的價錢和平日一樣，但都是冰鮮，因這邊完全沒鮮雞賣的。

新加坡人對冬至不像香港那麽重視，很多年輕的都不知道那天是冬至，最多也是食湯丸，不會大費周章去煮大餐。

其實我不知道為什麽冬至要做節，但我仍然會照傳統去做，讓囝囝們對節慶多點認識， 順便藉機會一家人聚在一起吃頓好的。

雖然要上班，但只要事前計劃好，也是能夠有豐富的一餐。

前一晚七點多回到家，立刻浸冬菇，花膠和魚翅骨， 叫姐姐幫手清潔好兩隻雞。食完晚餐後就先炆冬菇， 發花膠， 臨睡前把所有材料放入雪櫃。

昨天返工前就拿響螺出來浸， 其餘的就由姐姐負責了。姐姐也只需要煲湯，蒸魚，蒸雞，烚菜，翻熱炆冬菇就可以了，和平常晚餐的功夫一樣。

到我七點多放工回家，姐姐已經煮好了冬至晚餐， 四餸一湯，再加碟湯渣就湊夠六碟。 我對數字是無所謂， 但我媽咪堅持一定要有六碟。

花膠響螺魚翅骨煲雞湯，沙薑雞，冬菇炆花膠扒莧菜，蒸魚扒，為了清掉快過期的魚餅而煮的四季豆炒魚餅絲。

柱候牛腩

連續上了兩篇敗家post, 為免大家以為我只會敗家, 是時候出煮食post來展示我賢淑一面. 

牛腩, 我獨愛柱候和清湯, 所以可能會悶到你們.

今次又是柱候牛腩, 加了蘿蔔和枝竹.  最近都愛往外跑, 很少放心思在煮食上, 所以連蔥花都懶得切, 求其之作, 請見諒.

換膚

隨着年齡增長, 開始發覺臉上皮膚少了彈性, 乾燥, 毛孔變粗, 要勤力點護膚.

一向都是Estee Lauder的忠實粉絲, 每次飛時都會在新加坡機場入貨.

前陣子由瑞士公幹回來, 到新加坡時才朝早六點幾, 免稅店剛開門, 人客稀少.

拿了幾樣Estee Lauder護膚品到收銀處付款時, 隨口和收銀員嘀咕: "可惜我買了這個package set, 就算總錢夠, 但不算set就湊不夠數拿到那set free gift."

當時買滿某個總數, 但package不計在內, 就可以有一個gift set.  偏偏我要的那款日霜和晚霜就只有set, 沒散賣, 就湊不夠數了.

收銀員聽我說完後, 沒出聲答我, 但就彎下身從背後一個箱裏挖呀挖, 再把一個化粧袋和我買的護膚品一同塞入膠袋遞給我, 我當然亦識趣地一聲不吭的離開.

後來拿出來看, 原來那個銀色cosmetic pouch 裏面是 Lancome gift set, 有Genefique youth activating concentrate, Genefique eye, eye-makeup remover, 和新出的Visionnaire Advanced skin corrector 和 Visonnaire pre-correcting emulsion.

哈, 所以有時候不怕不好意思開聲問, 可能會有意外收穫啊!

從來未用過Lancome產品, 但反正有試用裝, 姑且一試. 

Genefique用過後覺得沒什麽用, 但Visionnaire就絶對值得推介.  所以我在blog從沒分享過美容心得, 但為了它, 我獻出第一次.

關於Visionnaire 的詳細資料, 網上已有很多說明, 我不在這裏重複了.  最主要標榜的效用是徹底修復肌膚, 有效擊退細紋、收細毛孔、修復瑕疵、均勻膚色.

Visionnaire Advanced skin corrector是精華素, 是搽於爽膚水(toner)後, moisturizer前.  Visonnaire pre-correcting emulsion 是moisturizer,  和Visionnaire Advanced skin corrector配搭用會有更佳效果.

停不了的購物慾

Retail therapy果然是最佳的治療方法, 去一趟shopping就足已令我心情好轉, 精神振奮.

聖誔節快到, 到處都有減價, 又要買聖誔禮物, 前幾日才在Mango敗完家.  Mango裏的收穫, 只令我開心了幾分鐘.

但多得Apelles在fb裏的分享, 讓我知道CK Tangs有Le Creuset 的 promotion, 低至半價, 怎能錯過呢?!

昨天下班就拉了Daddy去看, 原來只要買5樣LC產品就全數有半價, 太抵了.

其實我只想買一個橢圓形的煲, 但為了可以有5折, 只好再多買四樣東西.  想來想去, 最後選了四個迷你煲仔, 同樣是紅色, 襯配成一套, 全擺在一起, 簡直賞心悅目呀!

晚飯@秀才

各blog友們, 對唔住最近少了去探你哋, 真的完全提唔起勁去做任何嘢.  遲啲, 遲啲我會去探你哋補番數.

上星期四Daddy約了他的全家和我媽咪一齊去NUS Guild House 的秀才食晚飯.

正猶豫要散叫或叫套餐, 侍應告之會員叫套餐有30%折扣, 當然就唔駛諗, 叫一個8-10人套餐好了.

其實我們一行人有9大2小, 但奶奶一家食量都非常細, 8-10人套餐應該剛剛好.

第一道菜 - 北京填鴨.  侍應片皮時大佬睇到拼命吞口水, 猛話好香好想即刻食.

Buffet @ The Line, Shangri-La Hotel

最近心情唔太好, 所以連寫blog 都冇mood.  多謝好友們的關心和代禱, 情況已有改善.  咩事我唔方便講, 所以大家心裏關心就夠, 請不要問.

上星期四請假一日帶大佬去買校服, 然後去香格里拉酒店食buffet lunch.

大佬下個月開學升小二, 其實校服仍啱着, 但俾佢攪到好污漕, 所以要買新的.  好彩呢邊校服唔太貴, 兩套校服加兩件PE T-shirt共S$42, 相信比香港的校服平, 是嗎?

之前意外地在網上發現如果响香格里拉website訂位(http://dine.slsrewards.com.sg/sg/en/shops/view/TheLine), 可以有高至六折折扣, 姑且試試.  40% off 已經滿了, 但給我book到25% off, 原價S$49一位 (小童S$26),我只俾S$36.75 (小童S$19.5), 好抵!

媽媽和囝囝見到靚靚聖誔樹要影相留念.

洗塵

星期六媽咪下晝抵新, 那天朝早就到街市買靚餸來為媽咪洗塵. 但那天Daddy有約, 我要就時間去接送囝囝們上堂, 所以只能去靠近的街市, 而非平時去的那個. 這反而讓我有大發現, 那街市有一檔華人開的新鮮牛肉檔 (通常牛肉檔都是馬拉人開的, 只賣急凍貨, 他們也不懂什麽是牛腩, 什麽是用來炒的), 有賣牛腩, 牛展, 牛柳, 價錢比超市便宜.   我買了1kg靚坑腩和兩條牛小展, 下次再post給你們看.  媽咪最近身體欠佳, 所以煲了黨參淮杞圓肉烏雞湯給她補身. 

那些年...

終於上星期五看了那些年...我們一起追的女孩. 雖然裏面有些笑點頗低俗, 但還是很好很好看. 有些笑點是用閩南話(福建話)表達的, 如果會聽的話會更爆笑. 從很好笑到最後的感人, 完場時眼睛有點濕濕的感覺, 青春總會有點遺憾. 
 
"成長中最殘酷的... 是女孩永遠比同齡的男孩成熟." 片中男女主角就為了這樣錯過了! 在現實生活中也何嘗不是呢?

咖喱牛肉

今日星期五喇, 又到weekend了, yeah!

今晚Daddy話去睇那些年, 呢部戲我一路想睇, 希望買到飛.

再加上聽日我媽咪下晝就到新加坡, 今次住夠一個月, 所以你哋可以想像我今日有幾興奮.

為迎接嚟緊呢個精彩weekend, 就post個惹味的菜.

呢個咖喱牛肉又是上個月的舊作, 由姐姐煮的.  事緣之前在街市見到好靚的迷你茄子, 冇諗煮咩就買了.  買了之後想來想去最好方法還是用來煮咖喱, 次次都食咖喱雞有點悶, 不如煮牛肉吧.

臨時決定煮牛, 但冇時間去買牛展牛腩, 只好在Fairprice買chuck tender, 少了脂肪和筋,炆完 始終有點乾.

姐姐每次煮咖喱都係好似湯咁, 我仲以為佢煮得中國菜多唔識煮印尼菜, 後來同印尼華僑朋友講起, 原來印尼人煮的咖喱通常都係比較稀, 唔會好似我哋平時嗰啲咁杰的.