Buffet @ The Line, Shangri-La Hotel

最近心情唔太好, 所以連寫blog 都冇mood.  多謝好友們的關心和代禱, 情況已有改善.  咩事我唔方便講, 所以大家心裏關心就夠, 請不要問.

上星期四請假一日帶大佬去買校服, 然後去香格里拉酒店食buffet lunch.

大佬下個月開學升小二, 其實校服仍啱着, 但俾佢攪到好污漕, 所以要買新的.  好彩呢邊校服唔太貴, 兩套校服加兩件PE T-shirt共S$42, 相信比香港的校服平, 是嗎?

之前意外地在網上發現如果响香格里拉website訂位(http://dine.slsrewards.com.sg/sg/en/shops/view/TheLine), 可以有高至六折折扣, 姑且試試.  40% off 已經滿了, 但給我book到25% off, 原價S$49一位 (小童S$26),我只俾S$36.75 (小童S$19.5), 好抵!

媽媽和囝囝見到靚靚聖誔樹要影相留念.




The Line @ Shangri-La Hotel

一入門口就見到海鮮吧, 精神為之一振.  有即開生蠔, 蟹, 蝦和青口.  這裏分好幾個區, 除海鮮吧, 還有日式魚生壽司, 西式沙律, 即製意粉pizza, roast meats, 中式熱盆, 本地麵食(雲吞麵, 叻沙, 之類), 印度食品, 馬來沙爹, 中式燒臘, 甜品, 拉茶咖啡, 一應俱全.  我的胃容量有限, 未能一一試勻.

海鮮頭盆我拿了兩轉哩, 好味! 全部都好新鮮, 生蠔不是creamy的那種, 咬落爽口, 有海水味, 正!  蝦和蟹都好甜, 青口就較行貨.

魚生有多種選擇, 師傅即點即切的, 我只試了三文魚和劍魚, 都好新鮮.  囝囝最近愛上三文魚刺身, 食得好開心.

沙律選擇頗多, 下面的是煙鴨胸沙律, 左邊有pita bread, 左上角是hummus, 全部都好食, 除了hummus, 冇味更有少少苦, 比我以前中東同事自製的差好遠.

Guacamole

囝囝當然不能錯過至愛的油雞, 要了一隻油雞脾, 好滑好滑.

中式熱盆區有藥材雞湯, 不過味道好淡.  反而西餐區的crab bisque好正, 夠濃, 可惜忘了影相.

聖誔節快到了, 所以有火雞食.  火雞烤得好出色, 肉嫩多汁, 拍得住Mommy Dearest的.  Yorkshire pudding 凍了變得好韌, 切都切唔開.

這就是烤肉區, 除了火雞, 還有salmom quiche和cumberland sausage, 都很吸引, 但真的吃不下了.

即製pizza, 後面的是pizza oven.  前面還有cajun chicken, bbq corn cob..., 我都沒試.

有好多款新鮮pasta選擇, 我揀了tagliatelle 配蘑菇忌廉汁. 

其實還食了很多其他食物和飲了拉茶, 奈何yahoo blog只俾我一次上20張相, 所以俾唔到你哋睇.

甜品都好吸引, 除了下面的蛋糕外, 另一邊還有生果和娘惹糕點.



還有聖誔特色蛋糕, 德國代表stollen和意大利的panettone.

 小朋友最鐘意呢個角落了, 有好多果仁和橡皮糖, 還有chocolate fondue.

囝囝呢日發達了, 有棉花糖chocolate fondue食.



還有各式雪糕, 囝囝拿了很多toppings, 開心到飛起.  成餐都食得好開心, 仲一路同我講: "Thank you, mommy!"



這是我的甜品, tiaramisu最好味, 其他就不過不失.

總括呢度嘢食多樣化, 質素高, 呢個價錢好抵食, 就算原價都唔算貴, 但book到有折就更抵.  下次試下好唔好彩訂到40%off, 成家再嚟食過.

除咗食得滿足外, 當日仲俾我遇到明星.  拎嘢食時, 有個女人好熟面口, 似邊個呢? 最尾諗到似樂易玲.  但冇可能會喺嗰度見到佢架, 以為人有相似.  後來佢同幾個女人一齊食完離開時, 有個高高瘦瘦既女仔, 戴住墨鏡, 化行粧, 望清楚, 好似陳法拉.  但真係冇咩理由佢同樂大媽會喺呢個地方出現噃, 所以都係以為自己睇錯啫, 或者係model之類.

之後一日睇新聞, 原來真係佢哋噃.  嗰晚亞洲電視大奬就喺香格里拉酒店舉行, 陳法拉仲攞咗最佳女配角, 又會咁橋, 咁大個女第一次見到明星. 可惜我唔係佢粉絲, 所以冇咩興奮.

今餐撇低細佬喺屋企, 為了公平起見, 食飽飽後就番屋企接埋細佬去宜家的playroom度玩, 我和媽咪就去shopping. 

大佬一見到細佬就即刻show off 話午餐食buffet食咗好多雪糕.  細佬梗係唔高興啦, 話佢又要食, 所以佢哋响playroom玩完後就買咗一人一個雪糕筒, 皆大歡喜了.

呢日大佬賺突了, 又食到至愛的三文魚刺身和雞脾, 仲有咁多雪糕甜品.