晚飯@秀才

各blog友們, 對唔住最近少了去探你哋, 真的完全提唔起勁去做任何嘢.  遲啲, 遲啲我會去探你哋補番數.

上星期四Daddy約了他的全家和我媽咪一齊去NUS Guild House 的秀才食晚飯.

正猶豫要散叫或叫套餐, 侍應告之會員叫套餐有30%折扣, 當然就唔駛諗, 叫一個8-10人套餐好了.

其實我們一行人有9大2小, 但奶奶一家食量都非常細, 8-10人套餐應該剛剛好.

第一道菜 - 北京填鴨.  侍應片皮時大佬睇到拼命吞口水, 猛話好香好想即刻食.





包好上碟, 唔駛自己郁手.

四喜拼盆, 油雞, 炸小魷魚, 海蜇和炸茄子. 

魚翅羮, 都有幾多魚翅, 但湯好淡.

細佬一直嚷着要食麵, 於是叫侍應先上鴨絲炒伊麵.

奶奶同媽咪好friend.

豆酥蒸巴丁魚, 第一次食巴丁魚, 肉好滑, 好重膠質.  巴丁魚應該是東南亞的一種淡水魚, 要加濃味材料一齊煮來蓋過泥味.




麥片蝦.  還有一菜炒小白菜, 忘了影相.




最後甜品, 麻蓉湯圓和豆沙鍋餅. 



大佬最近變了四眼哥哥, 都怪佢係書蟲一名.

食完飯後, 奶奶嗰晚好有雅興提議去睇燈飾.  於是一行人又開車去烏節路遊車河.  今年的燈飾是藍色.

咁啱撞着嗰晚地鐡有事, 停駛了幾個鐘, 烏節路車多人多, 的士站大排長龍, 的士又全湧到那附近接客, 塞車塞到飛地, 難為我負責開車, 塞在車龍中又攰又眼瞓, 姐姐坐在後面仲抵死咁話: "嘩, 乜好似去咗我哋既Jakata (耶加達, 印尼首都)咁".