清淡海鮮餐

我一家都很愛吃貝殼類海鮮, 所以每星期六去街市都會揾吓有冇蜆, 螺之類.

上星期六見到有新鮮青口賣, 即買一公斤.  為了青口, 又去買包咖哩葉.  用蒜蓉, 豆豉, 咖哩葉和花雕酒同炒, 青口好鮮甜, 兩個囝囝都食到舔舔脷.

木瓜煲石斑魚骨, yummy!  有魚湯飲好開心. 

再加條蒸魚和油菜就成了清淡的一餐.  姐姐唔知我要影相, 已經揀咗啲魚肉來俾細佬.  呢條魚唔知叫咩名, 呢兩個星期街市都有, 仲要好平吓, 肉好滑, 用來蒸最正.