嘻嘻, 太耐冇整包, 唔多記得點造形了, 整得醜醜的, 係時候惡補吓. Mommy Dearest, 你幾時再開班呀?
又係用中種法, 大清早出門前預備中種麵團, 放雪柜由佢發酵, 等中午返屋企再放室温發酵多一陣就可以開始整.
特別整迷你型, 方便囝囝帶返學校做下午茶. 每個包包用30g麵團, 細細個容易食. 雞蛋用買咗好耐都未開張的迷你長方形煎pan, 煎成厚厚一片再切成粗條.
囝囝見我整腸仔包就好興奮, 仲帮手捲咗一個腸仔包添, 上面嗰盆最左邊由上數落嚟第三個就係佢造形架嘞.
出爐後囝囝即刻食個做下午茶, 食得好滿足開心, 佢話今日要帶兩個返學校食喎. 煮嘢食最滿足的就係見到家人食得開心, 搓得再攰都值得既.
我自己都試咗一個, 好好食, 自己讚自己.
今朝試個腿蛋包, 啲蛋焗完之後老晒, 食唔到蛋味, 要諗吓點改良先.
No comments:
Post a Comment