郊遊半日

今個星期這邊學生放一個星期term break, 昨日我就請假陪太子玩.

約了另外兩個家庭一齊去植物公園(Singapore Botanic Garden) 玩, 一行十人, 三個媽咪, 兩個工人姐姐, 加五個小朋友.

怕晏咗會熱, 約了九點開始, 大清早就要爬起身預備, 要叫醒兩位少爺都幾花工夫.

帶了兩條面包去餵魚, 細佬唔識將面包丟入池裏, 一陣間就冇興趣, 走去攪部賣魚糧機.

幾餘三個小朋友就好努力咁丟面包入池餵魚, 大仔又份大佬教人點將方包撕細塊.

大仔猛教人: "2 + 2 = 4", 跟住就四大塊面包一次過丟入池, 如是者 "3+3 = 6", "4+4 = 8".... 不消十分鐘兩條方面就已經丟晒落去. 

咁快就餵完魚, 好彩我早有準備, 帶定肥皂液俾佢到吹波波.

啲小朋友似乎都唔多識吹, 唯有我同朋友輪流吹, 班細路就好興奮咁追啲波波.  屋企明明有兩隻吹波波的槍, 但偏偏就揾唔到, 吹到索氣.

成班跑到身水身汗.

園內有個新蕭邦銅像, 細佬見到以為好似家裏部琴咁可以彈.

臨走前來個大合照, 要啲細路一齊望鏡頭係沒可能的.

之後去Plaza Singapura 食晏, 班嘩鬼一去到商場就亂跑亂叫.

成間餐廳都聽到佢哋把聲, 太混亂了, 所以冇影啲嘢食.

啲大人食完晏後都要舉白旗, 對住班嘩鬼半日已經攰死, 大家都要返屋企休息.