細佬兩歲啦

噚日細佬兩歲生日, 細路仔真係眨吓眼就大, 話咁快就兩歲, 已經不是bb了.

想了很久, 到底要整咩蛋糕給細佬呢?

看到Vanlily的Elmo cake咁靚, 囝囝又喜歡Elmo, 就決定抄Vanlily.

從來未做過卡通蛋糕, 好緊張, 但Vanlily好好人, 解答咗我好多問題.

為咗對立體眼, 我找了幾間店都找不到Vanlily所講的殖膠模. 最後從Daiso買個可以製圓形冰的冰模, 圓形大細剛好, 就姑且試試.  很怕白朱古力脫不了模, 事前先塗一層薄薄的油, 好彩最尾對眼都出到嚟.  我從來未整過朱古力, 所以真係好驚整唔到.

呢度成三十幾度, 唧cream既時候要開行冷氣先有驚無險咁唔溶.

呢個就係成品嘞, 跟Vanlily的簡直是天同地比, 但我己經算滿意, 至少兩個囝囝都好開心.  啲字寫歪了. 

開芽飯

別人年初二食開年飯, 但我家是初一開年, 初二開芽.

每月初二傳統上要做芽, 所以每年第一個初二就開芽囉.

開芽飯和團年飯一樣豐富, 有六, 八或九道菜.

今年爸爸預備六道菜.

瑤柱發菜炆猪脷, 爸爸又用猪脷墊底.  呢味真係非常好味, 大大粒瑤柱充分浸發, 好淋好正.

開年飯

我家開年飯是在大年初一吃的, 這好像跟別人不一樣.

團年飯己經吃到很飽, 開年飯就比較簡單, 只有兩道菜.

臘味放在飯面一起煮, 但今年臘味太多了, 所以臘鴨和臘肉分外蒸.

有臘腸, 鴨潤腸, 臘鴨脾, 臘鴨片, 臘肉和慈菇.  最愛那臘肉, 雖然超肥, 但夠香, 比在新加坡買到好吃很多很多.  小時候很怕吃慈菇, 總覺得有點苦, 味道怪怪.  到現在都不覺得好吃, 但為應節還是會吃一兩塊.

第二道菜是南乳炆齋, 但今年爸爸沒買南乳, 用了腐乳, 一樣好吃,  大仔吃了很多粉絲.

爸爸煮了一大鑊, 這只是其中一小碟.

團年飯 - 香港篇

今次返港過年算是最辛苦的一次, 一來細佬病了, 二來天氣實在太冷, 所以完全不想出外.

還好有爸爸媽媽預備豐盛的團年飯, 開年飯.....

我最喜歡一家人吃團年飯, 熱鬧又温馨.  回港和爸爸媽媽一齊團年就更高興, 從年頭就期待這餐呢.

今年團年飯是下午兩點吃的, 因我妹妹晚上要回夫家團年.

每年都是爸爸做大廚, 媽媽做二廚, 帮忙洗洗切切.

個人最鐘意呢味 - 蠔豉發菜炆豬脷.  豬脷煲完湯, 切片用來墊底, 再將蠔豉發菜淋上面.  啲蠔豉好大隻, 又淋又滑又香, 好想再食.

新年點少得蓮藕豬手呢?  非常美味的蓮藕豬手豬脷冬菇湯, 下面墊生菜.

香港機場新體驗

時光倒流至2月10日, 我和姐姐帶住兩個囝囝返香港過年 (Daddy 因工作關係要遲少少才飛).

臨飛前一朝, 細佬突然發高燒, 成40度咁滯, 睇兩次醫生, 醫生話係假痲, 會燒四至五日.  機票訂好晒, 焗住都要飛.

Daddy 話發燒飛唔飛得, 我話依家呢邊機場都冇check體温, 香港嗰邊都取消咗健康申服, 應該沒問題.

原來我係錯嘅, 香港機場仲有check體温.  我哋即刻俾人截住, 嗰兩個職員用對講機call佢哋啲同事話呢邊有case.  咁我哋一行四人就儍更更咁企喺度等佢同事過嚟.  嗰時已經夜晚十點, 兩個囝囝都好眼瞓. 

新年快樂!

祝大家虎年快樂!  主恩滿溢!

抱歉這麼遲才送上新年祝福.

剛從香港回來, 原以為在香港也可以出blog, 回應留言, 結果, 我daddy啲乖孫夾手夾腳整壞佢部電腦, 於是上唔到網嘞.

有圖為証架, 班細路圍住部電腦不停咁左禁右禁, 跟住部機就自動shutdown, 之後就boot唔起啦.

返到新加坡真係舒服晒, 香港實在太凍啦, 我毎日都會不停咁諗起呢句:

"冷得我滕滕震呀!"

十度以下其實以前响外國讀書時都遇得多, 但分別在於外國有暖氣, 開水喉有暖水, 但香港冇!!!!  開水喉洗手好似用冰水洗咁, 洗完隻手都冇晒知覺. 

雖然有冬天可以換季, 多啲靚衫, 但我都係寧願熱好過.

芧頭年糕夾

你哋食咗年糕未呢?

我上星期己經食咗喇, 係食咗上年新年買既, 放咗足足一年, 趁未過年快手清咗佢先. 

小時候媽咪會將年糕片沾上蛋汁再煎, 但來新加坡以後, 發覺呢度d年糕一煎就好易燶, 好易痴鑊, 次次煎都攪到一pat pat. 

後來一個朋友請我食佢媽咪煎既, 一試難忘, 佢用芧頭片夾年糕來煎, 芧頭片既香口中和年糕的甜, 非常好味.

不過我自己都從來未整過, 因為我怕煎炸d油煙, 今次都係姐姐負責, 佢一邊整, 我一邊影相.

芧頭切薄片, 將年糕片夾在兩片芧頭片中間.

麵粉加水和少許鹽, 糖, 攪勻成粉漿, 每份芧頭年糕沾上粉漿.

半中半西

上星期六晚整燒雞, 姐姐全權負責, 我只提供做法.

我哋一向鐘意用檸汁香草來醃, 但雪柜冇檸檬, 又唔想買, 因樓下超市一買要至少四個, 要返香港, 費事雪咁耐.

諗來諗去, 最後揀咗大少奶第二本書裏面的食譜.  我只略口頭翻譯份量, 由姐姐自己去預備.

出來效果非常好, 只係咸咗啲, 但好有鹽焗雞feel, 可能隻雞比較細, 鹽份己減半, but I like it. 

自製鮫魚餅 (附食譜)

呢個時候我己經到香港, 怕唔得閒, 預先寫定幾篇.

終於算成功整到好食又彈牙的魚蛋和魚餅, 和大家分享一下做法.

我爸爸媽媽的做法是直接加鹽落刴碎魚肉內, 再慢慢加水順一方向攪至起膠.  我以前照這方法覺得鹽和水份量都難掌握.  鹽不夠, 帶不出魚鮮味.  水不夠, 魚肉會太實. 

在一本舊雜誌(已停刊, Family issue 2)中找到個人覺得比較易掌握的食譜.

團年飯 (新加坡篇)

今日下晝返香港啦, 好開心呀!

因為Daddy家人在新加坡, 而我家人在香港, 所以要take turn陪兩邊過年, 一年在新加坡過, 一年返香港過.

如果留在新加坡過年, 作為唯一媳婦 (Daddy 只有兩個姐姐, 沒兄弟), 加上奶奶身體不好, 近幾年團年飯都是我負責.  但今年要返香港, 所以沒煮, 提前上星期六出街食.

今年還邀請我們參與host family program所關懷的留學生一齊團年, 給她一點家的温暖. 

悠閒一日(下)

上星期五一日內實在太多節目, 要寫三篇先寫完.

朝早陪細佬, 下晝陪大仔, 跟住daddy話放工要去剪頭髮, 叫我去join 佢食dinner.  於是送完大仔返屋企, 又要出門去Vivocity.  本來悠閒一日變成繁忙一日, 揸車去勻東西南部, 只差北部未去啫.

雖然行程緊密, 但都抵嘅, 因為daddy請食我想試好耐的日本網燒.  間餐廳叫Tajimaya Yakiniku.  第一次食, 所先試set, 叫個中等價的US Ragu Beef set. 唔記得帶相機, 只好用手機影.

有兩種牛肉, 日本黑豚肉, 雞肉芝士腸.左上角牛肉好濃牛味亦非常淋, 有雪花樣的牛肉反而差啲, 咬落滿口油, 仲有少少韌,  黑豚肉都好味.

悠閒一日 (中)

上星期五送完大仔搭校車, 就快快手換衫出門口. 

一入到宜家門口, 就見到紅色有金黃色老虎圖案的圍裙和煲墊, 又平又應節, 即買.   呢啲就係嗰日嘅收穫, 新年到點都要買啲紅噹噹嘢來應節. 

悠閒一日

今天放自己一日假期, 可以休息陪囝囝和整野食.

一早起身為囝囝預備腿蛋冶, 特別去掉麵包皮, 再插上從Daiso買的可愛動物toothpicks.  攪吓花臣, 兩個細路就食得又開心又快.  平時大仔可以對住早餐成粒鐘都未食完, 今日好快就食完.

我煎蛋時大仔一直在旁"帮手", 又响雪柜拎蛋, 又打蛋.  有份參與所以食得更開心. 不過, 有他的踴躍參與後果就係要壯烈犧牲一隻蛋 - 跌左隻蛋落地.

陣間送大仔落樓下搭校車後, 就會帶細佬去Tampines行大大間宜家, 再去我老師家上堂 (因在宜家附近), 然後就要回來接大仔放學, 已答應帶他去吃下午茶.

係時候開始起行了, 遲d再update.

Blackberry yogurt mousse cake (加食譜)

寫之前篇網誌時唔得閒打食譜, 現在補上食譜.

我用急凍黑莓, 打成蓉, 再隔渣.  原來黑莓籽是非常硬的, 比raspberry籽硬很多, 所以一定要隔走.  500g 黑莓最後只做成180g果蓉, 我終於明白點解急凍黑莓比其他莓平咁多. 

得180g果蓉, 只夠做慕絲層, 沒多餘做多層jelly面, 所以用甜忌廉唧花.

以我口味, 52g 糖已OK, 少少酸, 配上面既甜忌廉食啱啱好.  如果上面唔唧甜忌廉和怕酸的, 請自行增加糖分量.

Blackberry yogurt mousse cake 黑莓乳酪慕絲凍餅

Homemade fish ball and fish cake

由細到大都好鐘意食自製魚蛋和煎魚餅, 我媽咪和老豆整既都好好味.  通常買攪碎鯪魚肉回家, 自己加調味料, 葱之類.

細個時會帮媽咪攪魚肉, 但細細個邊識咁多, 拎對筷子來回亂攪, 跟住就俾阿媽鬧, 幾次之後, 我就學識攪魚肉一定要順同一方向攪.  媽咪仲話一定唔可以放薑, 一放啲魚肉就會散.

不過自從十七嵗以後都冇機會帮手打魚肉嘞, 因為已經離開香港. 

响新加坡沒鯪魚賣, 只好用鮫魚.  整過幾次都唔成功, 前年老豆, 媽咪過來時特地叫老豆示範俾我睇.  老豆既出品真係食過番尋味, 食完一餐後我仲珍而重之留番一塊煎魚餅喺冰箱, 雪咗一排先捨得食.  老豆, 你幾時再過嚟整俾我食呀?

星期六又心思思想整, 响街市買條大鮫魚, 再打電話俾老豆問做法.

今次好成功, 魚肉很彈牙, 只係略嫌咸咗啲.   

魚肉用來整魚蛋和魚餅, 魚骨用來淆湯, 再用來滾西洋菜, 做成西洋菜滾鮫魚球湯.  湯非常鮮味, 啲西洋菜用魚湯來滾過後又冧又滑. 

乾炒魷魚河 (附食譜)

每星期六朝早, 慣例要問老爺和大少爺要食咩午餐, 我可以去街市買材料.

兩父子亦慣性答唔知, 唔知既話就係湯麵, 湯米粉之類.  煮好佢哋就會吔吔聲話唔鐘意食湯既嘢.

上星期六, 難得daddy落order要食炒河粉, 即刻去街市買1.5kg (二斤半)河粉,  加魷魚, 青紅燈籠椒和芽菜炒.

星加坡係冇銀芽賣, 所以次次都要自己花功夫去摘.  為咗趕得切午餐時間有得食, daddy 就會自己落手去摘, 呢樣嘢係佢唯一會入廚房做既. 

呢次加青紅椒來炒, 唔駛成碟一樣顏色.  我唔鐘意太深色, 所以落好少老抽.

六十週年

今年我教會慶祝成立六十週年, 昨日有個盛大慶祝.

六十年是蠻長的時間, 是主的恩典讓教會從很小規模變成現在有三堂祟拜, 從租地方到現在五層樓的教堂. 

不經不覺參加了這間教會十幾年, 感謝主賜我這個屬靈的家.   它見證了我不同的人生階段, 從讀書到出來社會工作, 到結婚再生兩個小孩, 主都有祂的保守帶領.

昨天的慶祝是在一間country club 的 grand ballroom 舉行, 全教會三堂會友一起祟拜, 場面非常墟冚. 

小朋友有自己的節目, 有很多很多小朋友, 要看着他們真不容易, 很佩服那些老師們.