Thursday, 15 January 2015

小組2014年終聚餐

2014年的小組年終聚餐安排在12月27日在我家舉行, 本來打算我一個人煮, 但Daddy說pot luck較好, 不想我太累.

於是叫每家庭帶一樣食物來分享.  因為聖誕剛過, 我想這餐以西餐為主.

我預備了兩樣前菜, 上兩層是deviled eggs, 下層是parma ham with melon.  Deviled eggs 大受歡迎, 大人小朋友都喜歡, 囝囝們還叫我要再做. 反而param ham少人問津, 好奇怪.  大部份人居然不知道那是什麽, "是smoked salmon 嗎?" "嗄, 什麽是parma ham?". 


每年都見到Mommy Dearest焗大大隻火腿, 很想試, 但怕太大隻吃不完.  今年見到有小一點的賣, 決心買隻回來玩玩.  一早問了Mommy Dearest做法, 照板煮碗焗了這隻火腿, 連裝飾也跟足. 唯一缺憾是家裏的木砧板因為太久沒用, 拿出來洗時裂成兩半, 只能用碟來裝火腿, 家裏也沒有carving knife, 切得蠻辛苦的.
未焗前的樣子
還煮了白汁海鮮焗意粉, 超多料的. 不過, 因為有人遲到, 等人齊開飯時汁都給意粉吸乾, 變得有點乾. 因為哥哥一向不吃白汁的, 所以另外還煮了一煲肉醬,但最後見到太多食物就沒拿出來.
雖然我的打算是西餐, 但其他人帶來的食物我沒法控制, 我只是提議要人燒雞, 薯仔沙律, 菜, 或者麵包, 其餘自由發揮.

除了指定的薯仔沙律, 還有炒老鼠粉和冬菇海參扒生菜.  那炒老鼠粉好好味, 很像乾炒牛河的味道.
我提議燒雞指的其實是超市那種西式燒雞, 結果有個姊妹帶了中式燒雞, 還要帶了三隻! 超市那種燒雞比中式燒雞便宜一截哦! 我說麵包是指一至兩條baguette就夠了, 但那姊妹好心地買了一人一個麵包(火腿包之類的), 我看到那三隻燒雞和廿幾個麵包真的儍眼了.  還有其他人帶來的外賣炸物, 小朋友至愛.  還有一些烤雞翼, 但遲來了所以沒影相.
我叫他們帶甜品, 有人說帶大菜糕.  那大菜糕以前領教過, 一大盒帶來, 再一大盒帶走, 因為沒人要吃的.  於是叫他帶其他食物, 我自己預備甜品算了.

冰箱有急凍芒果粒, 做芒果朱古力慕絲蛋糕吧.  這次做得很求其, 看底層蛋糕切到那樣就知道了. 總共做了兩個六吋蛋糕, 芒果不夠, 所以芒果層很薄.

雖然大家都吃到很飽, 但兩個蛋糕最後也只吃剩一點點, 有個弟兄太喜歡了, 連那一小塊也帶走了. 細佬當時顧着玩, 沒吃蛋糕, 等全部人都走了才問我要蛋糕.  他知道已經沒有時, 他幾乎要掉眼淚.

19 comments:

  1. 我贊成客人帶食物出席呀

    ReplyDelete
    Replies
    1. 一人帶啲主人家就做少啲囉

      Delete
  2. 咁多雞和麵包,終於有冇食哂?

    ReplyDelete
    Replies
    1. 梗係食唔晒啦, 食咗一隻雞咋, 淨咗兩隻叫啲人帶走, 麵包就一人帶一個返屋企第二日做早餐食.

      Delete
  3. 咁佢地點評價啲parma ham呢?

    ReplyDelete
    Replies
    1. 無點評價, 但就剩低幾多下, 咁就知佢哋有幾鐘意啦.

      Delete
  4. 唔知parma ham係乜. 佢哋係咪多數食中餐架??

    ReplyDelete
  5. 其實朋友帶來甚麼都沒所謂,大家聚一聚開心下啦。

    ReplyDelete
  6. 焗火腿好正呀!
    有沒有打算整多次蛋糕給細佬吃呢 :)

    ReplyDelete
    Replies
    1. 本來有, 但最尾懶得去買材料, 所以無再整, 佢之後都唔記得.

      Delete
  7. Luyi, 想起以前在香港 home party 時, 我都有類似想法... 其實我有D介意人人帶來嘅最後成件事唔夾嘅菜式... 又或者人人都覺得自己帶得小, 於是人人帶多一D, 最後份量多到唔知點食... 所以我都係鍾意一個人整晒 (雖然有D霸道) (笑)
    另外, 個cake 好得呀!! 如果我整個甜品, 食剩左有朋友願意帶走, 我唸我會開心到暈!! ^_^

    ReplyDelete
    Replies
    1. 我同你一樣係比較霸道, 所以好多時我寧願自己煮晒, 費事啲菜式唔夾, 或者唔啱食.
      個朋友眼甘甘咁望住剩咗舊蛋糕, 估到佢咁鐘意, 我都不知幾開心.

      Delete
  8. 每人帶D食物咁黎真係幾好~大家都有分參與同準備~~開心GATHERING!~

    ReplyDelete
    Replies
    1. 一人帶啲主人家就方便啲.

      Delete
  9. 我都係情願自己煮哂,朋友得閒就早少少黎幫手好過。

    如果係自帶食物,人少少都會先夾定份餐單,費事D野食唔夾啦~~

    ReplyDelete

Related Posts Plugin for WordPress, Blogger...