就這樣，又有兩天假放了。不過，既然眼發炎，為免散播病菌，我是會乖乖的呆在家裏的。
29.03.2013
今年的受難節和復活節過得很輕鬆, 至少相對於上年.
上年要演"未完的故事"舞台劇, 忙到天昏地暗.
今年只需跟詩班獻一首詩, 崇拜完就可以離開. 難得有空, 約了奶奶一齊去飲茶. 因為平常星期日崇拜後我都要留下來上主日學和詩班練習, 已經很久沒和奶奶吃飯了.
奶奶和我們一齊到義安城的翡翠皇宮飲茶, 很開心呀! 她說最上一次到這間酒樓飲茶是好多年前的事, 那時是和我爸爸媽媽一齊去的. 幾年沒來，價錢漲了很多，隨便一籠蝦餃都要S$6.
(其實全家就只有我會帶奶奶去這種酒樓飲茶, 因為我的姑奶們都好孤寒) 希望Daddy 不會讀這篇.
因為我們都還沒吃早餐，已經好餓了，一口氣叫了多樣點心：炸腐皮卷, 咸水角, 叉燒包, 魚頭, 菇菇餃, 帶子賽螃蟹餃, 珍珠雞, 牛肉球, 叉燒腸, 蝦餃，燒賣 （記得就這些）。
這是前菜，微辣的四季豆和豆腐乾，好味道。
蒸魚頭，有大大塊魚雲。他們都怕啃骨頭，我自己KO了整碟。
好像叫百香餃，就是雜菇餃，還好。
帶子賽螃蟹餃，裏面是一片帶子和炒蛋白。
珍珠雞， 認住它啊，下篇會提到它啊!
其他點心沒拍下。 侍應入漏單，最後蝦餃燒賣都沒來，所以另外叫了一碟乾燒伊麵。伊麵味道不錯，稍嫌濕了點， 但奶奶非常喜歡。
這碟炒麵夠矜貴，連韮黃都沒條，只有一點蘑菇，就盛惠S$16! 這餐的點心質素都很好，不過好貴呀!
這碟炒麵夠矜貴，連韮黃都沒條，只有一點蘑菇，就盛惠S$16! 這餐的點心質素都很好，不過好貴呀!
十一點多就吃完來，在Takashimaya逛一下就回家。看得出這天奶奶跟我們一齊逛百貨公司和飲茶很開心。
回家坐一下，撇下囝囝們在家，我和Daddy又出門到附近超市買雞蛋，因為要預備復活蛋星期日拿去教會。途中經過Daily Scoop, 受不了誘惑，又進去吃了個下午茶，waffles 加一球雪糕，好滿足啊! 我選了salted Mr Brown，應該是海鹽焦糖味吧。Daddy要了kahlua krunch口味，很香的咖啡味。這間Daily Scoop我極力推薦，雪糕都是自製，口味很多，價錢也非常合理。
回家坐一下，撇下囝囝們在家，我和Daddy又出門到附近超市買雞蛋，因為要預備復活蛋星期日拿去教會。途中經過Daily Scoop, 受不了誘惑，又進去吃了個下午茶，waffles 加一球雪糕，好滿足啊! 我選了salted Mr Brown，應該是海鹽焦糖味吧。Daddy要了kahlua krunch口味，很香的咖啡味。這間Daily Scoop我極力推薦，雪糕都是自製，口味很多，價錢也非常合理。
晚餐後我約了來自香港的朋友去Brotzeit飲酒聊天，每人叫了0.5L的德國啤。原來0.5L的啤酒是很大杯的，這天真是卡路里爆燈，肥死了!
呢D 會傳染~留喺家休息點都好D!~
ReplyDelete[版主回覆04/02/2013 18:42:43]係呀，所以今日我淨係去街市買菜咋，無去其他地方。
你賺了兩天假
ReplyDelete一分錢一分貨，貴啲食物水準都好啲
[版主回覆04/02/2013 18:42:06]賺咗兩日假，將會喺用嚟廚房裏。
早日康復呀!健康最重要!
ReplyDelete[版主回覆04/02/2013 18:41:40]多謝你呀! 好得七七八八啦。
對眼好番未呀？
ReplyDelete我見D點心幾靚喎,其實我都孤寒架,不過,諗下家人開心都值得.
[版主回覆04/02/2013 18:41:24]好得差唔多啦，無紅了，只係有啲乾。
嗰個自己阿媽喎，孤寒自己都無理由孤寒阿媽啦。平時慳啲，偶而帶老人家出嚟開心下都好吖。
you are a very good and caring daughter-in-law.
ReplyDelete[版主回覆04/04/2013 16:22:21]將心比心啫, 我奶奶好錫我架, 年年都記得我生日, 入門咁多年未話過我一句.
D嘢食咁正，放肆一日吾驅啦
ReplyDelete[版主回覆04/04/2013 16:21:18]呢日食得飲得好開心.
雖然勁高卡，不過一次半次俾自己放肆下也是很不錯啊haha!!!
ReplyDelete[版主回覆04/04/2013 16:21:00]又係既, 偶而放緃一下都好開心.
開心，開心，間中超標，唔緊要。哈哈， 我朋友夫家都係咁。請埋佢地，仲要埋張單去扣稅，極品。
ReplyDelete[靚芒回覆04/06/2013 16:06:39]HK 有D公司會幫員工報娛樂支出, 咁咪可以扣娛樂稅, 交少D.
[版主回覆04/04/2013 16:20:17]之後幾日食番清啲囉. 自己人食飲都要拎張單去扣稅就真係幾誇張喎, 佢哋做生意既?
0.5L啤酒呢邊d人閒閒地飲兩杯
ReplyDelete[版主回覆04/04/2013 16:18:46]我唔係好飲得嘛, 以前响英國啲鬼佬朋友都係一晚十杯八杯面不改容, 但我都係飲half pint架咋, 呢杯半L已經進步咗架啦. 而且呢邊啲人唔會飲得太豪, 因為酒好鬼呀, 我呢杯埋單S$17, 你嗰邊飲到幾杯啦.
又唔係時時大飲大食，唔怕啦
ReplyDelete[版主回覆04/04/2013 16:16:28]之後幾日食番清啲.
OH， 仔仔無得食雪糕。
ReplyDelete[版主回覆04/09/2013 20:57:37]嘻嘻，二人世界嘛。
雖然新加坡飲茶食點心好貴，選擇又少，但我都會去ga...因為我同老公都好鍾意飲茶點心呢
ReplyDelete[版主回覆04/09/2013 20:57:04]其實我由細到大都唔太好飲茶的，覺得又油又多味精，只係一排冇食先會想去食，我諗我係去享受飲茶既過程多過啲點心囉。
翡翠皇宮一向都走高檔，泊車又貴。
ReplyDelete你真是個好新抱，得閑就同奶奶飲下茶。老人家會記在心裡的！
[版主回覆04/12/2013 10:17:53]仲要越嚟越貴呀! 奶奶都對我好好嘛, 我老爺唔係個好老公, 奶奶好辛苦湊大三個仔女, 後生時冇好嘢食, 依家俾佢享受下囉.