芒果腸粉

來了新加坡廿幾年, 對香港近年的食物真的無甚概念, 都是從internet看到相片, 但自己其實都未食過.

芒果腸粉好像是幾年前才有吧, 我未食過, 只見過相.

最近無意間在網上見到有食譜, 剛好又買了芒果, 就跟着做了.

似樣嗎?

用蒟蒻粉整的腸粉皮是好滑好滑的, 要將芒果捲起有相當難度, 食時亦都有點難,我們最後索性用手食. 我家沒有個食譜中一樣大細的長形盆, 於是隨意倒在兩個不用大細的盆內, 一半太厚了,一半則好像剛好. 原食譜還加上綠色燕菜粒扮蔥花, 我懶得整, 所以變成走青版腸粉.

老少爺們都讚好味, 只是嫌太滑有點難攪.