受難節陪奶奶飲茶

受難節朝早去完教會後就和奶奶去NUSS的秀才飲茶.

奶奶最鐘意去這間酒樓飲茶, 因為較靜, 坐得舒服, 最重要她上落車容易又近屋企.

流沙包好好味.

每次都會叫一碗魚翅灌湯餃給奶奶, 不過今次水準跌了, 以後不用叫了.

片皮鴨做推廣, S$38.90一隻, 囝囝們最愛的, 當然叫一隻給他們食夠本. 這裏的片皮鴨真的名符其實片皮, 侍應只把皮片出來, 然後包在麵皮中上碟.  片皮後剩下的整隻鴨我打包回家做晚餐.

還有迷你煲仔菜promotion, 每煲S$8.9, 好抵食.  我們叫了芋頭扣肉煲(上圖), 香辣蝦煲和海鮮湯飯煲.  香辣蝦煲有六隻大蝦, 新鮮彈牙的, 湯汁是近似叻沙的味道, 但加了大量香茅, 好正, 但都幾辣.

海鮮湯飯, 普通啦.

奶奶行動不方便, 難得出門, 我們平常又很難就時間陪她出外用餐, 所以要把握公眾假期來陪她. 奶奶這餐食得好開心, 影相時笑到見牙唔見眼, 我依家寫番都覺得開心.