Wednesday 3 February 2016

三姊妹北九州行(九) - 戰利品篇

終於寫到最後一篇啦, 兩個多月才寫完一個只有一星期的旅行, 我實在太有效率.

今次去日本因為沒男士同行, 又要轉幾次酒店, 所以不敢帶大行李箱, 只帶了下圖中型的那個. 由新加坡去香港時已經七成滿, 以為冬天去旅行, 不會買得太多.  行李箱內已經塞多了一個輕巧型可摺起來的旅行袋, 結果還是爆喼, 要把部份戰利品放在妹妹的旅行袋內, 她們帶的後備袋比我的大.

由日本返香港已經爆喼, 再加上在香港買的和朋友送的, 無論怎樣塞都沒辦法將所有東西塞入內. 最後唯有借妹妹的小型喼, 再加一個環保袋. 兩個喼寄倉, 環保袋手提, 寄倉行李總共31kg, 好彩星航的行李allowance是30kg, 剛剛好. 其實還有些香港朋友送的兒童書, 我買的碗碟都帶不回來, 暫時寄在媽媽屋企, 以後才帶回來吧.

在日本的戰利品,今次其實買得少, 夏天去肯定不止這些.
藥妝品買得不算多, 因為家裏還有些存貨(間中Daddy在日本轉機或朋友去都會托買). 這些在運河城的一間免稅藥妝店買的, 即時扣稅, 然後把全部放在一個密封袋內 , 和平時上機前在離境大堂的免稅店買的一樣. 袋上寫着出境前都不能開封, 海關會查的. 於是我們就乖乖的把藥妝品手提. 但去到機場check in 時, 地勤說要放在check in 行李內, 又要臨時再pack過行李. 所以大家要注意.

另一樣想提提的: 原來這堆藥妝品, 除了卸妝油外, 機場內的免稅店都有賣, 而且比外面免稅後的價錢買平一截. 好像那瓶Primavista的long keep base, 運河城的藥妝品免稅後賣2800或3000左右, 機場內免稅店居然只賣2200! 紅色的那罐也平宜幾百円.  我這裏全部加起來買貴了至少二千円, 好激氣.
 在由布院買的可愛Monchhichi, 蜜糖, 龍猫牙刷和頸鏈耳環.
 鰹魚片和魚乾.
 在Yodobashi買的Philips VisaPure Advanced, 免稅再加銀聯卡折扣, 19,722円.  之前在Isa在她的blog 介紹過, 似乎好好用, 一心想在香港買一部. 但太好賣了, 在香港賣斷市, 剛剛才再返貨(為甚麽我知道? 因為我在永安留了電話, 有貨返會打電話給我妹妹). 在Yodobashi見到有賣, 勁開心, 即買. 回到新加坡才發現原來日本賣的是二合一組合, 只有洗面和按摩兩個替換頭, 沒有眼部導入按摩頭, 怪不得比香港的便宜那麽多. 香港三合一的賣HK$1900. 
日文說明書內說那眼部按摩頭可以另外買, 所以又托另一朋友在日本幫我買, 居然沒貨, 細問後得知似乎已經不再賣了.
細妹好醒目地打去香港的代理商問, 前日幫我買了那個眼部按摩頭了, 盛惠HK$308. 所以我的"三合一"組合共花了HK$1,600, 都仍然便宜一點, 只是麻煩了點.
 機場買的和菓子, 全部大大盒, 佔了很多行李位.
 Daiso買的雜貨


14 comments:

  1. 和菓子啲包裝好多,但係內容少少,所以我通常唔買㗎

    ReplyDelete
    Replies
    1. 係呀, 不過用嚟送禮方便嘛, 一盒有好多粒, 拎番公司分俾同事食最啱.

      Delete
  2. 冇乜囝囝們嘅玩具喎!!!

    ReplyDelete
  3. 我都有買兩瓶紅色的gel,用過都無甚麼特別。之後我用蘆葦,效果仲好。

    ReplyDelete
    Replies
    1. 呢邊天氣潮濕, 我覺得幾好, 不過都係日間用, 夜晚會用潤啲的, 你嗰邊天氣乾就可能唔夠保濕.

      Delete
  4. 和菓子送禮好好~我次次去日本都會買好多嘢呢~

    ReplyDelete
    Replies
    1. 係呀, 一盒有好多粒, 拎番公司分俾同事食最啱

      Delete
  5. 咁真係好激氣!!!!
    見到都知你好忍手,而且買的都係送人或一家人食用嘅野,果然係好媽媽!!!
    你應該仲有一個 TRIP 未寫??(唔知有冇記錯)

    ReplyDelete
    Replies
    1. 個喼太細, 唔忍手唔得呀!
      你好好記性噃, 係呀, 仲有個印尼trip未寫, 就快架啦.

      Delete
  6. 爆喼 -- hee hee, no comment XD XD XD !

    ReplyDelete

Related Posts Plugin for WordPress, Blogger...